¹ Vamuri, taro auro turi para savuru inimata (70) vararue eia bae gitou irua irua goiro muga soko. Eia tsi bae gitou goio a tesini mea maututu kakara mae eia vera masaga goio vora. ² Te eia veia gitou mae, "Airari komuko oyoa oyoa vauma tsi momogo tea raragi tai ra ga rukua, ge gitou e vararua ra ga rukua airario tsi gama komuko. Mae te mutou ga tagie taro auru ga sovea vararua ra airuku ra tau tomira airari. ³ Mutou goio. Noa, Eau bae mutou mae gitoue sipsipi ge goio kabiri te bitou e voto vovanaua. ⁴ Mae te mutou gama koramuri abia auvatsi, te mutou gama koramuri abia aparo, o abia tsirovo ra ava. Te arogo ari mutou tatuga mori oyoa garu te mutou gari poga ita, mutou gama vei raro. ⁵ Arige mutou goiro oyoa aruma ita, nineki soko mutai ga vei mae, gitou e vararua ra aruma ra arei ge pou tamusi taburi keke. ⁶ Te taro ita tamusi taburi keke tsi pou, Eia ga abia peperera nineki tamu tou. Ge ari ga taro ari maei ga ouka, Nineki peperera arei ga gari tsigi mutou ga pirivu somai tamutou. ⁷ Te mutou ga pou mori omai a ruma arei. Te mutou ga ari niua acibo gitou rovea amutou. Ira rova, gitari igogougoru ga abia avatsi tegitou. Te mutou gama tarobuna nau souo a aruma kakara. ⁸ Arige mutou gari oyoa tesini ita gitou abie tatou. Nineki mutou goio goiro ari tomie gitou oyoa ruma tegitou. ⁹ Te mutou igo nekie gitou vararua ari robe pufou ouoa terini arei. Te mutou ga veia agitou mae, "Amautu te Pago eia gomai gavi etsi." ¹⁰ Oyoa rogo ari mutou ga gari oyo a terini ita gitou vararua ra tesini gama abie mutou, nineki mutou goio magiri oyoa mata garu ra tesini ga veia agita mae, ¹¹ Maroara tabu tamutou ge tabago tora oyoa vamitou, eia mitou ge igo maga etsi. Eia ge vaino mae to vovuro mutou ge igoa o eia tsuavira. Aramori itou rovi mae, Purou ra amautu kokora te Pago tsi gomai gavi etsi. ¹² Eau veia amutou ira Arogo te Pago tsi igoa ra ga vaimatata gitou e vararua, maisou kara gari oyoa tesini arei ga masaukara arei ga karira vau mae eia gari oyo te Sodomuo." ¹³ Rature Pago vei kerira mae, Eau gogo ire gitou vorarua ari pou oyo a tesini re korasini me mautu Betsaida. Gitou igoa mirikeri ge gari oyoa terini kerira tair me saidoni. Gitou e vararua re tair me saidoni koramuri vei tamusi gogo ire tavovuro ari bunu tegitou, te kisia airarava ra vei gogo. Gitou koramuri pou oyoa tabu tsi taua kaso ra avi oyoa vovo gitou. ¹⁴ Mae oyoa Arogo te Pago ge igoa ra ga vaimatata gitou e vararua, masaukara gari oyo tamutou mae eia gari oyo tamutou Kerira vau mae ari gari oyo e tair me Saidoni. ¹⁵ Te mutou e Kapenaumu, mutou ga gabutarai e gitou me visare emutou soata vau oyoa amoutu, ia? Ouka vau, Mutou ga goio gotaro vau. Oioa amautu te gitari Peo to. ¹⁶ Te rature Pago veia agitoue vaunini tetara mae, "Gitou e vararua ga noa peperera tegitou, eia gitou ge vuro kisu oyo te taro ari bae eau gomai? ¹⁷ Vamuri gitou Savuru inimata gotaro sagaporo irua (70) vararuara te rature Pago tsi sove soyo, Gitou gomai rivu tomie momogera te gitou ga veia are rature Pago mae, "Taro kerira, mitou ge teia aisara te gitou e karurutabu ari baugu nomiria peperera temitou. ¹⁸ Rature Pago ge veia gitou. "Eau inoe esatani eretaro a amautu nineki te eia paru maea mimasi. ¹⁹ Na o a Eau Eau rovea mutou a vagagarira ga tautaru e igitou a pipase, mea karikobu ari bunu ari ga igo bunue vararua, te mutou koramuri ra tautarue esatanio sotaro te apaga ita koramuri ira ga igo bunue mutou. ²⁰ Mutou umara momoge mae gitoue karuru-tabu ari baugu ge noa peperera tamutou ouka, mutou ge momage vau ira aisamutou e Pago keikesia oata amautu tetara. ²¹ Oyoa arogo arei, Rature Pago ge voru tomia momoge ra te karuru tabu te tara eia viveia, ea momoge ra aisamu, Emama, Eme kerira ira amautu oata mea tabu. Ira rova, eme tauvovu egitou gitari a gabutarara nineki, te eme vaigari matagaga ire gitou vararua ari gama matagaga o. Gitou pou mae vaunini keketu. Ino, Emama, eme igo mae ira ga tsitsiria masagara taume mori. ²² "Te rature Pago vei sesere mae, "tamamitou rovea amatou a Paga kakara, Ouka eita gama revie eia. Ge ita gama rovie tamaga tou, Ratura tomie gitou vararua vaunini vera masaga vaino egita ire eia. Te ita gama rovie ePapa, Vaunini tomie gitou e vararua vaunini ge masaga ira ga vaino gitou, Gitou, mori ge rovie tamagatou." ²³ Ge arogo ari rature Pago ge pou tomie gitou vaunini tetara mori, eia ge vuro ge inoe gitou ge eia veia agitou mae, "Gitou vararua ge inoia atsi bo ari mavei mutou ga inoa, ge mutou ga momoge. ²⁴ Eau veia amutou, gitou e profeti komuko te gitou e muraruga ga masaga ira ga inoa masovara are mutou inoa. Aramori gitou gama inoa. Gitou ge masaga noe gitou pepere mutou ge noa, Aramore gitou gama noa." ²⁵ Arago ita rature Pago ge sikukuru e gitou e vararua ge pupau, te arogo ita taro ra ari kekesi tera veimatatara ira ga tovomurie rature Pago te eia ge tagie eia maei, "Taro ra veimatatara, eau ga goio igoa arova abia maurira ari pou mori mae arogo kakara? ²⁶ Te rature Pago ge koria peperera tetara mae, "Gitou ge kikesia arova oyoa veimatatara te eme gia?" ²⁷ Murarugo ra veimatatara ge koria pepere ra mae, "Eme ga masaga tara kerira e Pago toume tomie tamu simu, Ge tomie karurutabu taume, Ge tomia vagar arira taume, Ge tomia Gabu tararo taume. Te mutou ga masaga gitou bisurau mae eme masaga morie eme mori." ²⁸ . Te Pago vei are ia mae, eme koria pepsrera tetaramori. Eme ga igo mae ire enega pou mauri mori ira aroge kakara." ²⁹ Aramori taro ra kirsi si tera veimatatara, eia vera vaino rature Pago mae eia te taroro matagag ita te eia tagie rature Pago mae, "Arogo ra veimatatara peperera soyo tagitou titamigu tomie eau? ³⁰ Rature Pago ge koria peperera tetara mae, tare ita eretaroe Jeruselemu te eia tuga goio e Jeriko. Gitou e vararua ari pakikari ge vapoge eia te gitou sirea tsirovora vovo tetara tegitou abia tacibo tetara kakara, Gitou tsi kue eia bunu vau te gitou eretaro eia peo nu tsi taburi to. ³¹ Oyo a arogo arere, eprisi ta tatuga goimai, te eia inoa a taro aro teia poropepe eia. ³² Vamuri taro ita tere elivai ge gomai, te eia tai ge inoa taro arere te eia poropepe eia. ³³ Ara mori taro ita tere Samana, eia ge gomai gari oyoa aba ari taro tabuburi o. Arogo ari eia inoa taro arere, eia gogo vau ire eia. ³⁴ . Taro re esamaria goio gavio oio tetara taua aoeli mea avaeni oio a sasuara gatau robo riaua. Eia taua taro arere oata edonki tetara mori, tsi abie eia soyo a ruma ari vararua rovia ari komuko poipou oio vora, tsi eia abie eia goyoa aruma ari vararua ga bomuri eia. ³⁵ Oio a rogo ari vamuri, eia tsi rovea silva watsi irua soyo te ataro ari bamuria aruma tegitou a tauwaro, tsi eia vei areia mae. Eme bomuria neineki. Arige eme surie eia ra watsi taume, neineki arogo are eau pirivu somai eau 'ga koria soio toume.' ³⁶ Tsi rature Pago tagia tarora vai matatara mae, "Eme vere erei oio tegitari itoru te tamire taro ari gitou e vararua ari paikari igo bunue eia o?" ³⁷ Tarora veimatatara veimae, taro arei erei tsi taniusi gogo ire eia. "Rature Pago tsi veia areia, eme goio igoa tavovuro tomi maeo." ³⁸ Rature Pago tomie gitoue vaunini tetara ge tatuga goio, te rature Pago ge go goiro oio a amautu ita, tasema ita aisara vere eMata ge abie rature Pago goiro a ruma tetara. ³⁹ Emata eia tarira ita aisara vere emaria, E Maria ge gomai pou agavi oio a vare taro ita kerira, te eia no eia pepere. ⁴⁰ Aramori Emata tuavi vau ira ga raragia airari. Emata ge gomai te Rature Pago, te eia pepere, "taro kerira," eme ino eau ita ge tuavi vau ra raragi airari ge tarigu tegaku ge ouka? Te eme ga veia areia ga gomai suri eau." ⁴¹ Aramori taro Kerira pepere mae, Emata, Emata, eme go go; vau ira tocibo komuko, ⁴² mae atocibo ita eia ge nineki. Acibo ari mavei Maria ge masaga vau ra ga abia, tatou gama taurobo eia ira ga abia.