¹ Ni sa sucu oji ko Jisu mai Peceliemai Jiutia ena gauna i Eroti na Tui, a ra sa lako mai a tamata vuku mai natuicake ka ra kaya. ² Kai vei koya ka sucu me odra tui a kai Jiutia? Keitou a raica a ona kalokalo mai natuicake Ka Keitou sa lako mai me keitou vakarokorokotakina.” ³ Ni sa rogoca ko Eroti a tui, sa loma leqa kei ira kecega mai Jerusalemi. ⁴ Sa mari kacivi ira vata kece mai a bete levu kei ira a vunivola ka tarogi ira, “Ena sucu mai vei ko Karisito?” ⁵ Eratou sa kaya kina, “I Peceliema e Jiuta, ka ni meca mai ka vola parofita. ⁶ ‘Ia ko iko Peceliema i Jiuta ko sega ni lailai sobu mai vei ira ai liuliu e Jiuta, ka ni na lako mai vei iko e dua a dauniveiliutaki me na vakatawai ira a qou tamata ko Isireli.” ⁷ A sa kacivi ratou lo ko Eroti a tamata vuku me tarogi ratou se gauna cava sava mada ka rairai mai kina a kalokalo. ⁸ A sa talai ratou ki Peceliema ka kaya,m “Dau lako ka la’ki vakayasava matua a gone lailai. Ni dou sa boka, dou vakauta mai a i tukutuku me rawa niu gole talega yani me’u laki vakarokorokotakina.” ⁹ Ni oji a odratou rogoca a tui, e ratou sa gole sara yani, ia a kalokalo eratou a raka mai natuicake a sa liutakini ratou me yacova ni sa mai tu vakadua donuya a vauna ka jiko kina a gore lailai. ¹⁰ Ni ratou sa laica a kalekale, eratou sa marau ka reki vakalevu sara. ¹¹ Eratou sa gele ki vale ka raisa a gone lailai kei Meri a jinana. Eratou sa suva ka vakarokorokotakina Eratou sa delava a odratai i yau talei ka solia me odrato ka ni loloma a koula, a ka boi vinaka kei na mura. ¹² A ratou sa vakaroti mai vua a Kalou ona tadra me ratou kua ni lesu tale ki va Eroti, sa mani ratou biubiu ka lesu take ki na odratou vanua ena sala tani. ¹³ Ena gauna eratou sa biubiu oji kina, sa vasika sara e dua a agilosi ni Kalei ena dua a tadra vei Jioefa ka kaya, “Mo tu cake, kauji rau a gone kei jinana ka dou lako Ki Yipita. Dou jiko ga mai kina me yacova niu kaya tale vei Femudai mo dou biubiu tale mai, baleta ke Eroti ena saga me vakamatea a gone” ¹⁴ Ena bogi mai, sa tu cake ko Jiosefa ka kauji rau a gone kei jinaria me ratou lako ki Ijipita. ¹⁵ Evatou sa jiko mai Ijipita me yacova a ena mate ko Eroti. Kai sa mai vakayacori kina a meca ka kaya a Kalou ena gusuna a parofita, “Mai Ijipita, au sa kaciva laivi mai kina a luvequ.” ¹⁶ Ia ko Eroti ni sa raica ni ratou sa vakaisini koya a tamata vuku, sa borisi, vakalevu sara. Sa talai ira a ona sotia mera va ki vakamatei ira kece a gone mai Peseisma era sa yacova a yabaki rua ka lako sobu me vaka a tauna ka fikatakina mai na odratou i tukutuku a tamata vuku. ¹⁷ Ka sa mai vakayacori kina a meca ka kaya ko Jeremaia a parofita ni a kaya. ¹⁸ “ E dua a domo ka rogo mai Rama, a tagi kei na tagi yaso, ko Raijieli ena ona tagi yasotakini ira a ona gone, ka tawa vinakata me vakacegui baleta era sa yali kece” ¹⁹ Ia ni sa mate ko Eroti, sa basika tale a agilosi i Jiova vei Jiosefa ena dua a todra ka kaya. ²⁰ “Mo tu cake ka kauta a gone kei jinaana ka dou lako ki na vanua ko Isireli baleta ko ira era a via vakamatea a gone era sa mate. ²¹ A sa tu cake ko Jiosefa, ka kauta a gone kei jinana ka ratou lako ki na vanua ko Isireli. ²² Ia ni sa rogoca ni sa tui mai Jiutia ko Arikeleo na luve i Eroti, sa rere me gole kina. Ni oji a ona tadra ka vakarota a Kalou ena vukuni meca mai, sa gole sara ki na vanua vaka Kalili. ²³ A sa lako ka la’ki vakaijikojiko ena koro ko Nasareci. Sa mani vakayacori kina a meca ka ra a kaya a vei parofita eso ni na vakayacani me kai Nasareci.