¹ Minic mukaci ikeni iye waci kokimi mona waya yabac tina komi, ikeni iyee ena dai min tekafe, ne aneneci ena dai mefe eyani Koc amanami. Newa rafi, ikeni iyec ena daimefe, iken dabaci manaic ukam awaci uwa rami. ² Afo ike unamac indinkec Gotin koci pukam bemi iyem wainta mi awuc awac uware nafi. ³ Afo e inde mani eni iye ena wainta dai mefe manaic ukam mini awuc awac kuci uwaremi. Ikeni Gotinic Kokim akac mina komi? ⁴ Ikeni macni indiric mami, ayokuc awuc awake akaka emi yewekem iyen ayac emiminici kipa aneneci? Ikeni iyen indi kano benic ayikuc awuc awaci arac bekano wani? ⁵ Afo ikeni yiraci era reyon maki waci yemanan dami iken yiraci iyewaci wekan temi, mini ike nafuni manda ayac mara nakomi bakun deke dano manda a yac mara nayo nurane, mini nurane Gotinic ante keni koci afo taci wanteno. ⁶ Ayaci yimi nanine mana mana wainta uwareyo awuc awa paci anaremi yimin teno: ⁷ Iyec ayokuc awuc awakuc uwarem amoyenac ayokuc baric ena ante kenafi, banana bam laifi amin temi. ⁸ Afo wanta iye uyaci yeya nana inde yafo, puka baya iyewac awa kure manda awuc awac awakure yafo, manda ayaka ara nuri yintemi. ⁹ Goti iyena umani yimi nami umani maran teno umac den iniya wainta iye manda awuc awac uwarenafi, Bani Judawa Grikiu baci eyo. ¹⁰ Micni mitifo amoyo no, ayokuc kuman dira nanayini yin icno iyem wainta ayokuc awuc awac uware nafi, Juda nare urani Griki u eyo. ¹¹ Newara Gotimi mano ayini umacden wainta wani ayenafi. ¹² Micni mana mukeno wanta cinic urane lo iyen yenkim beno, umani maran teyo micne lo iyewem wanta lo arafi sinic eye, lo arafimi kotin rere ¹³ Lo indeyon waintauc manawa Goti okaka ante keyaune, iyem wainta lo awa kurin tenafi ye rabaci ante kanteno. ¹⁴ Newara ena waintauc iyewac lo duke yafo, yenyi indini awakureni lo awakureno, yena funi yeyic lo beno, micne iyewac lo wac dukeye. ¹⁵ Mini awuc awaci, yeni yocyike lo ci awuc awac kani teyone, yira pimi aci uwani temi. Yenyic indini onakemi indini koka yimin tenafi yofa intenafi ¹⁶ Goti make. Mini ampa minteno Goti wantayic ayo fakeni awuc awac dai minani nurane ayokuc bayani awa kureyomi anan teno Jisas Kraisti nani tiyi mekunawe ¹⁷ Afo macne ikeyante Juda beko tire lo kac ukuke Gotikac anom bic mareke, ¹⁸ Ayira indeka onako ner namba wani ukam benafi lo mare kokimi, ¹⁹ Ikenic anon indini macni mukeno, ikeni yukam poti keyou ac yoyickam waintauc beci ayufunkim boyouyic kakam beci, ²⁰ Oc emwaintauc antec yinkam waintauci bano, kipa intauyic tisa namac ike namac lo wa pukaci indi ukami kano, nakac ewa, mini ikenyic bantimi uman yireno? ²¹ Ikeni ena mana laini nuakamifo ike yani iyen laini nami? Ikeni iye wac umoroko wani tiyi mami, ikeni iyec umo reka? ²² Ikenai ena tameci iyewac ena inayafi waintafi marako tami ikeni iye waci ena iniyafi waintafi marami? Ikemi iye waci umac godi nani yiyemi, ikeni iyewaci lotu makimi umorami? ²³ Ikeni lo wani iken yiwic yanic ami, ikeni Goti awic iyon ayo fami lo uka reko kimi? ²⁴ Ikem poni enuni Goti awic timi amareno, macne wayani yokimi benine. ²⁵ Yinda ake yeyon awuc awaci ikemi yafa inteno macne lo awa kirine, afo macne lo uka rane, ikeni yinda akec yekom awuc awaci macni mukeno iyen yinda akec yano. ²⁶ Macne iyeci anda iye akecyam loci awuc awac awakure nafi, mini bemi mandem micnuranami anda akec yanteno? ²⁷ Wanta yinda ake yeyo iye ana kene lo awa kuremi, amami ikemi koc yimin temi? Mini macni mukemi, lo ike dukec yinda akec yeke, lo ukarami. ²⁸ Newarac Juda iye benaci mapa tena bunam benofi, yinda ake yeyon awuc awaci mapa tena bunanaino. ²⁹ Afo andun timi Juda inda bemi yinda akec yeyomi yira patemo, spiriti kine, yoki nara teno. Micnu keni wainta amo yono macne wanta kikewa yenaino Goti kikewe.