¹ Weni macnin tiremi yemi tiyimemini, ''Pukaukane teni ikemi tiyi meko, wani weyove mayac eyouyeve ikenkinke ukukakeyo manakake, iyec iyevac amankac pukim pavenac i onan tenadfi Goti nic Kindomi pawa namac i yinanine!'' ² Six wayan acnayempac i, Jisasi Pita na Jems sina Jon nin acnami yivic manarani seyofo wenamac i mana anufac i yeacna manan urenoni. Micne yeacnam wayomi senifo, Jisasin omi senisic memi enakukam memini yen yukan kac i. ³ Wen o-anampa temi kakani awokuc karaukami efani enai kukan ukami ampa memini macnem mana makaka kena wainta yuanami tesec eyon andandau poni tesec urami kakenimi iyevac ini. ⁴ Icnayemi Ilaija namac Mosesi kandami afotafic menoni yeni wayonkac i weni yekada Jisasi namac i asewanoni. ⁵ Pita macnin tiren Jisasimi tamemi, ''Tisa, weni awokuc i wemino ikeu namac i manakac i bekunave, micni mukemifo yika ikeunamac kandac wac mana wac maka manakac uwarano. Mana eninda uwarec, mana Mosesi ninda uwarec, mana Ilaija nindave. ⁶ ''(Akac weni iyevac i indemini nevarac i weni tenafi wenani, nevarafini, yeni manda pekari kukam menoni.) ⁷ Mana ayoni yeremi yempac i yakoyemi. Akac mana yimeni ayontin kemi yemi macnin temi, "Mini weni sentikac i se wenan tiyikara yukan wenare evano inove.Wen awayayac inden.'' ⁸ Akaka mukukami, yeni yukam macde oneno, yeni iyevac i yoneno yeni enuni yenamac i bayouni, yeni onami Jisasi weuakac i bamini. ⁹ Micnureni yeni anufaten kumeno, Jisasin eram wayani yemi tiyimemi, iyevakac i tiyimeko mna wainta wake ne andandac i ikeni onekafe minivare, amankac Gotin Aka yewekem pukeyom waintauc yic makusinke ukukanove. ¹⁰ Micni mukani yeni ayompeno mini wayani yenac uni yen yicwanapac ini. Akac yenyirani yeyani wayayuc i senoni, nec i wenic anda ukami wenafini mini wayani, ''puc emi akac yem weken ukukan teno.'' ¹¹ Yeni Jisasin kac i inda eni, ''Nec wenic anda wayac i yeni lo uwareyom waintauc macni sire teyafo Ilaija narevac i acnan yinove? ¹² Weni macnin tiren yemi tiyimemi, ''Ilaija narevac yerenac i masicden andandauc manakac bakun denac i akac yeveken yeni wakeyon kim mandan danove. Akac ne andavarac i yeni macni sireyac uwareyafo Wanta Akai amucna umarac i mare wanayac i wemi yeni micnu ekeni weni mana wainta wen avicbac iyevac bam benin amankac i bantemini. ¹³ Micni mukac i teni ikemi macnin tirec tiyimeko, Ilaija weni ac i yevani akac yeni ne andanda uwaran kararac i inde yafo yen yikan denine micni mukami Gotin avayani temini mini wani.'' ¹⁴ Micnure yeni yerere disaiporouc wayopac yereni yeni yonayoni amucna iniya waintan yeni bakunteni yenamac wani akac, yeni lo tareyom waintauc i yeni iyevac i awokuc indiric eni amuc noyac yenamac wayayuc iyevac i senoni. ¹⁵ Manacyac kukami yeni Jisasi mi onareni, masicden iniya waintami manda yinduc i dureni akaka yiric menoni bem manakinic ureya wena yimoyu anka rareve. ¹⁶ Weni indamemi wenic disaiporoukac i, ''Nevarac ikeni yenamac yisi ekatenove?'' ¹⁷ Mayami iyec ye anasi wanta yic wanapac wanafi yem bekemi tamemini wenic inda ini, ''Tisa, teni sentikac i avikec i eni beonafac i yekove. Weni mana manda spiriti mi dukami weni wemi micnurevami waya sirani anin yokevako. ¹⁸ Weni eranamac i wemi difitaremi dondeken karuc dan kumimi akano pafasevami akac weni awayaracdem akac weni antec memi tampic kukami nanami amankac iyem wantemi umacdemi. Teni enic disaiporoukac i inda eumpe mini manda spiriti benkin kena yomanan deke dana binovare, akac yomanan deke dantimi yeni amankac iyevac i bayo. ¹⁹ Weni yewekemi tiyimemi yenyic indaini, ''Ikeye anasi wanta ikeni iyevac i bilipic ekone, nacde yakac i teni ikenamac i bekafuno? Nacdeyakac i teni mini uwan yinkan tekafuno? Avikec wen teni vekunafac yeko. ²⁰ Yeni mini intami avikeni we wapac i yeno. Micnem manda spriti Jisasin onaremi, weni manacyac kukami mini intami donan deken karuc dami makapac yandimi akanomi ofen kinke pafasemini. ²¹ Jisasi wenafon kac i inda emini, ''Nacdeyakac iweni macnena? Akac wenafomi macnin tiremi Jisasin tamemi, ''Wenic kipac ira inta akakinke inove. ²² Amucna yamuc i weni mini intami karucdam ikafim bem akac nompim bemi, akac wem mandac irarukam memino. Amankac ena indinama mana andanda en amankafic inave, mayau akuno tisin karevatasaseno mayauye.'' ²³ Jisasi macnin tirem wemi tamemi, ''Micne ena amankafic inane? Masicden andan dami amankafic minteno yena iyem waitau kac i wen kimi bilipic inteyafoni.'' ²⁴ Manac yac kukami mini inta afomi iyena bac i curemi temi, ''Teni bilipic meko! Temi sofa meonave teni awa kavakin iyevac bilipic evanakim mino,'' ²⁵ Akac Jisasi yonanini amucna iniya wainta iyayeni yewayopac boyomi, weni tamemi mini manda spiritimi aran namac i macnin temi, Eh manda spiritive wayayuc anana uyinkare yakandon yinkanom wanamino, teni eran tiric meko enare,wen kinke mapac kundevac i akac iyewakac i yeveke wenkin umpekano.'' ²⁶ Weni eran wac i duremi mini intami ukic dami kumemini.Mini inta i mana waintam pukenin amankac i wamini, micnu onini amucno iniya waintan teni, 'Weni ac i pukeminon tenofo.'' ²⁷ Akac Jisasi mifatemi wen ayami pakaremi ayan noc eken dami mini inta i antec memi ukuc kemini. ²⁸ Akac micnem Jisasi naumpac year onini, benic disaipoliuci yeni eyacokaci wakeni benkaci indaenoni, “Newarec tirenaci mayauni iyewac amankac yomanan dekec yem mini manda spiritiuci mapac benafino?” ²⁹ Beni yemi tiyimemi temi, “Mini andandaci amankac iyewaci yoman deke danonamifo, aka okam mukinto namaci beni dadakem amanka ukic demi mapac biutemi.” ³⁰ Yeni yere mini amampac ukicdeni yerere mecyan akofaci Galili maku Sapaci benoni. Bemi iyewaci aayemini mana iniya waintafi o aninta wase indeko ware, inkeu amampakac yeni beya foni. ³¹ Newarafi, beni benic disaipoliuci tiyimewami, beni macnin tiren tiyimemi, “yeni wanta akaci madeke wantauc yiyampim yimini yeni, yeni bemi arumani pukin teno. Micnure ye wen arumam puc emi, ecnayemi tarifara wayan acnayem paci beni yem bekemi ukuci kantemi.” ³² Akac yeni iyewaci awokufic ure mini waya yanda kayucde indeni akac yeni pekeno benkac indair akani. ³³ Icnaemi eni kepenaum makufaci oreno. Icnayem be naumpac umpekantemi, beni macnin tiren yeukaci indaemi, “ikenine andanda waraci ayac wanapaci tecyewaka?” ³⁴ Akac yeni iyewaci mana wayayac wac teno. Newarafi, micne ye ay ana payeni, yeni waya sireni yenyirani yisie yisie moyewano, macnin tireni, iyeci beni yen yicbanapac iyeno benafic. ³⁵ Micnuremi Jisasi Kumandemi, beni yemi yaremini 12fi disaipoliuci, Manakaci bakundomi akac beni yemi macnin tiren tiyimemi, “Amankac maya iyeno barare, amankaci enuyic yokam wainta kacinowe.” ³⁶ Weni mana kipac ira inta akac i avicdemi yen yic wanapac i dem. Weni wen ayampimi wemi avicdemi macnin tiremi yemi tiyi memini, ³⁷ “Iyec weni macnu keyon kipa inta akakuc ten tivikin yivi kenafi, weni temac wac i tivikemi akac micne maya sen tivikene, weni tenac okaka tivike naino iyevake, weni iyec temi tiain kakac i kumu kafu wen namac tenamac i tivi kemino. ³⁸ Joni macnin tiremi wemi tamemi, “Tisa, mayaomi yone wanani mayac on waintauc i en a vitimi mana spiriti uci yomanan delce daci akac mayauni yemi umoc i duyin keko nevarafino yeni iyevac i mayauni tivakurako.” ³⁹ Akac Jisasi yeveken temi, “Iyevakac i wemi umoc dono. Iyevac i mana wainta iyec weni iyena yokan sen tivitim mandenac i akac icnayen tem manda waya tisin kantena. ⁴⁰ Iyec weni mayau namac iyevac namukoc intenafi weni mayausi narukami wantemi. ⁴¹ Iyec i eni nanovan non kapi amin temafi, nevarafi eni kraisti nantin kenon wanami, pukaukane teni ikemi tiyimeke, weni iyevac manami aman ka weni ayac i ec anteno. ⁴² Iyec i micnurayac i maya i yenkinke kipac ira naric nafi; iyec i tenkim erarindinn denafi numokin yandu emi, mini mana amankac i wemino mana waintami iyena onoc wan nakami ena wainta akapen kimi dumuremi donadeken wemi sorarakimi karucdemi. ⁴³ Akac, micne en ayam en yandu eken numokin dana i, akec yarevac i yoman dekevac i dano. Mini awokuc kukami wantemino ena Gotinic kindomikin mana ayanamac umpeka nane, micnonoken kantan ayam micnu ranava hel ikafac binonove wenic kakipan dac wac iyevac wenin kine. ^{44 45} Micnem mana akam mic nurana numokin yandu reve, akec yarevac i yomandeke vaci dano. Mini awokuc kukami wantemi no ena Gotinic kinclom mikin mana akanamac umpe kananei. Micnooken kantan akam micnu ranaya ye en dondeke hel ikafin danove. ^{46 47} Micnen en okam micnurana numokin yandureve yo duruc devac i karukac dano, mini anon avokuku kami wantemina ena goti nic kindom mikin manapac okanamac urinonave, wakeya en donan deke hei ikafin karuc dano kantan okan namake. ⁴⁸ Mini amam patena makakakena memayuc i yeni iyevac i pukami akac ikavac i iyevac i pukemi. ⁴⁹ Nevarafi ikami masic demi yunkantemini yeni soremi yunan naropac i wacyenon aman kac i wantemi. ⁵⁰ Sove i weni awokuc i wemi, akac macnem wenic aseyln kipa ene, akac inkec nic urekec ike unamac yevekec micnu rananac i wenic aseyini yeveken awokufic intenafini? Ikeni sore dukakako iken iyic wanapacke, akac nana yirac i iken namac wenac i enu namac walcae wano.