¹ Jisasi manacim waekam wayani Judauc yic anonic ukam waintauc kaui, macnin tirem temi, “Mana wainta waini anayo demi kukuyuc ankemi, akac beni mana masi tenkiken udemi waini dasa mirani. Akac beni wanta we anayoka autinayom maci uwaremi. Akac beni mini anayo mandekemi wanta ukaci demi beni bisuisic oko wani, akac beni yereremi iyac inakuc faci bemi. ² Afo waini akan irewan okaci yemik, beni mana yokam wainta tanekami wantauc mini waini anayokim wayopaci yokapaci wemi, orayac manacin yunam mini anayokinkeameko wacni indiremi tankemi. ³ Mini anayo kinkena waintauc mini wainta pakreni anon ariri mureni tankaram beni. ⁴ Akac anayo acfo ena yokam wainta tankami yec wapaci wemi akac yeni acnom pautireni madXdaci mu dukeno. ⁵ Akac beni ana yokam waintan tankemi, akac yeni mini yokam waintan aruman pukeno, akac beni amuna yokam waintau tiyinkani yewapaci beno. Akac yeni yen yirenimaya eyoucmi yiruman pukeno. ⁶ Akac mana wainta manam pacXami, mini waintai ben akakukami ben ayikan intaci, lasi ukami mini inta tankanimi anayokim yokewayou, waintauc pac bemi, Ben afoc temi, tentika awayani indin teyo. ⁷ Afo mini anyokim yoke wayom waintauc yeyani wayuni seno, mana wainta beni, benafonic umaden andandam maran teno, yerac ben aurmam pude mana anayoka anteno. ⁸ Tireni yeni mini inta arumam pukeno, akac yeni anayokinke miniwainta dondeke mapaci aneno. ⁹ Afo waini anayo afa inkenin tenafic? Indeko, beni yeremi ucmade mini anayokim yokeyom waintauc yirumam pukin teno. Akac beni mini anayo mandekem ena waintauci yimin teno. ¹⁰ Amaka ikeni mini wayani yandere onano Gotini bukuc kimi benine? Mini wayani mani mukeno, mini oXi kapentacu mandaci mukenon tire yomanani deyo. Make beni mini erara oni bemi mac eran nuram beno. ¹¹ Iyeno beni mini andanda uwan dami ikeuc namac onami awokufic emi, ¹² Iyena waintauc indeno Jisasi wayaso yem pakemi mini baekam waya sXmoni yeni Jisasim pakarani inde nofo, anasi wanta yikani pekeni ece weno. ¹³ Iyena waintacu yeni Farisi uc namac Erotini daimi namaci tiyinka yoni Jisasi waXipaci weno yeni iye antekenim wayaso Jisasim makatire ben awayasac koc amirani indeno. ¹⁴ Afo yeni yereni manin tire teno, Iyeno, yenamac indinkeko eni antekam wayac Xanom banano. Eni mana wayanana tiyimanano awic dukenim wainta wac awiciye dukeni wainta wake. Antekam waya sonanac anasi wanta mandeke Gotinic awuc awackim danano. Afo e-indenami?Ike unamac amankaka Sakisi Sisariuc yimenteka o iyewaka? Yimen tekafu o iyec yimentekafu? ¹⁵ Afo Jisasi yeyic umaci indemoni, akac manim tirem tiyimemi neanda warac temi timam makeka? Mana moni marerac onano. ¹⁶ Akac yeni mana moni mare yeno, akac beni yembaci inda emi. Mana piksanama mana wic namac iyeninda benafino? Akac yeni teni, sisari nenteno. ¹⁷ Akac Jisasi yemi macnin tirem tiyimemi, Sisarin inda wake, yeweke Sisarina ameko, akac Gotin inda wake, Gotina ameko. Yeni ben awayac indireni yinduci deno. ¹⁸ Afo mini Siranini Sadyusiuc Jisim bacik yeno, miyi uni teni wanta pukeni, iyen yeweke ukukan teyo. Afo miniu tire Jisasi mi inda eno. ¹⁹ Iyeno, Mosisi mana wayani tankdekem ike unamakimi dukano, mana wainta amac iyewa dukem pukinane, afo banana pawene, mini wainta afac awa wac mini ini mandenac amakano. Inayem ben akum iye kiako ware. ²⁰ Afo 7-weni ankun intam benoyoc, yen yiwa anasi mandemi pukemoni, iyewaci amac demoni. ²¹ Minononimi yen yiwan anayen kena intami mini ini maremoni. Akac beyac baci amac iyewac dami pukemoni. Akac tarikac wanin intawaci beyu abaci mineui mana memi. ²² Minonimi, umadem 7-inta mini ini mandeni ama iye makami pukenoyo. Akac inayemi mini ini yac puke moni. ²³ Afo inayem banta pukake ukukami, mini inini iyenanaka wantena? Mini 7-ni wainta ben awoafu uci bano. ²⁴ Afo Jisasi yemi macnin tirem tiyimemi, ikeni iyec indikeka Gotini bukukimi tikenine. Akac iyeni Gotini erani iyec onakeka, micni mukaci aka ideni manda wayani sano. ²⁵ Afo wanta mac pukake na masic piuke ukukeyec, momini iniya wainta iyewaci bayic inteyo, iyewake, yeni inarumpa beyon ensorouc kem ban teyo. ²⁶ Afo mini wayani te wantam pukake ukuc kanayone amaka ikeni Mosini bukuc kimi yandere iyec oneka kapac yani ikan kanine? Mini wayani Goti Mosisiu tamemi teni Abrami na Aisaki na Jekopi Gotin beko. ²⁷ Goti weni puke youcyic Goti wac benaino iyewake. Beni pani weyom waintauc yic Gotim beno. Micni mukami iken yiwayani yieyukaini antekeno. ²⁸ Mana loc indim wainta yeremi indenini Sadyusiuc Jisasin namac i eram bayani teno, akac beni indenimi Jisasi awokafic murem yewekem tiyimemi. Akac beni Jisasimi inda emi temi, Louc kinke ne loc acnari ukenafic? ²⁹ Jisasi yewekem tamemi temi, acnari ukenim loci manam beno, ike Isreriuc, awokufic ure indeko, Iyeno maya ukami beno beni ike unamati Gotin beno. ³⁰ Gotin narac yiywac kano beni ike unamati iyenom beno, yinduutiuke wac benani yiyi kena, akac spiriti kina indin tina erantina sewac yiyi kano. ³¹ Akac kantau loci mani mukeno, Eyani ayenini ka ena wac micni wac one, iyewaci ena loci mini loc kanda yean kakeno. ³² Afo mini loc indim wainta Jisasim tamemi temi, Iyeno, enawayani awokufic meno, puka wec, Iyeno beyac okaci Goti beno iyewaci ena Goti wac beno. ³³ Ike unamac tindun tinke namac i indin tinke wac eranan tinke wakac tiyikano. Aka ike unamac teyani tiyrika enawac uankano. Afo ike unamac miniloc kanda awac kureke. Nene afac ikakac unke yafo mini wac arunkeno. ³⁴ Jisasi mini wayay inde wanimi mini wainta temi wanta awokuc indin dukewe, akac Jisasi macnin tirem tamemi, eni Gotini makuni wenin adekaci wanano. Akac umadem waintauc Jisasim wayay indaci rani pekeno. ³⁵ Jisasi mam mac kukusim bemi anasi wanta wayani tiyimemi beni mani tiren temi, nec wayac lo indim waintauci teyac, wanta Goti makim murukano owekem yiwikananine, miyi ic Dewitin akaci? ³⁶ Hori Spiritin Devitim indir amimi temi, Iyenon tentic Iyenomi macnin tirem tamemi, ten tiyan kukampa kuman dikac enic namukouc mandekec en araficnai danteko. ³⁷ Dewiti benac oni awic deno beni iyena wainta wec. Inke nika enac akac mini wainta Dewitin akaci bena? Amuna iniya wainta yimo yintinken Jisaisn awayani indeno. ³⁸ Jisasi macni wac okon tirem tiyimemi, ikeni lo indim waintauc yikara pekako, iyac korosi ucfede birani yiyikeno anasi wanta yem anonic uyim kakoware mindanka dakoware. ³⁹ Yem yiyikenimi mam makim yecanombiX dukarare. Yunam nantimac yecanan tapac brarare. ⁴⁰ Yem yeweke yen yiwafiuc pukan ininanusi makateyo, yen yimac umorirare. Akac yeni makac tire iyac yukami mukin teyo, koc kukakam yinani yeni iyena umantimi winteyo. ⁴¹ Jisasi mam makin kena moni kura anakaci kumantem. Afo beni yonewanini anasi wanta mini kurafimi marom ofa are wano. Akac moni waintauc amuna moni ic maron deno. ⁴² Akac ona wac iye dukem ben awafuc pukanim inini maron kam wan toyan demoni. ⁴³ Akac Jisasi benic disapoliuc yararem tiyimemi temi, onda wac iye dukem ben awafuc pukenin inini maron fan denine, ucmade uckami yiruremi, beni anonukami deno. ⁴⁴ Mana iniya wainta amucna monici dukeni kamore monici mare kurakim deyo. Meoyan inini kamore monici dukemi mini dendem maron deno, yunam mandem nananimac iyen dukeno.