1
Macna kuka raren Goti aka Jisasini ayoku baya yentemi.
2
Manem bayani beno tXmi profet Asaiani buku kimi tikeno, “Onano temi, teni macna wainta tanka nami ewba nafa i beno, mini wainta beni i kenyi ani uwi yin kan teno.
3
Macna bayani meya aomana kewa makufate arareni macni teyo, i yenoni aya i uwi seko, beni ayai uwi donai ante kuka na i ukano.”
4
Joni aomana Xeba pai anasic wanta nomi man yinkemi Goti awa yani tiyi memi temi i keye yira kai bede kai nom marekai ikenyi siniu da-oyoko.
5
Umade iniya wainta u i Juda kenama Jerusalemi kenama i oreni oneyo. Oreni yenyi siniu pabam urami Joni Jodeni nom pa i noman yinkemi.
6
Joni I kemori andafoni korosic uwan dayomi urem nomoni mini fona-na deti uremi ure nomoni beni ukim pai bemi yafum nama afasam ani-amuku i nemoni.
7
Beni pabam muremi manin tiremi tiyi memoni, macna wainta mi ten tina yempai yinteno tiremi tyiyme bami, beni erani tenti eran daba aruremi yenkami ankakeno. Micni nacma teni ayo kuka beka beni sendori kakena nani ututon teka.
8
Teni i kemi nom pimi nomi man yinke umpo, afo beni Holi Spiriti i eran timi nomi man yin kan temi.
9
Afo beni macna nurami afotafi emi, Jisasi Nasareti i Galilike yera imi Joni i Jodeni nom pai nom maran yemi.
10
Jisasi nom man danimi, ina rumi dionimi Hori Spiriti numi barusinke aye yumemi.
11
Macna bayani inarumpatemi kumemi maninteno, macna intaXe ten tike kukane, benare tiyi karakuka eva intave. Benare anom timo yuka evanove.
12
Icna yemi Hori Spiriti awikemi wantava iye bapai beno.
13
Wantava iye bapa maro rami 40 nurami bami Ba-anomi yeremi ama-makemi. Ukim pai afasim tafurau nacma i bami ensolo yema ofa emi.
14
Micnureni nom man yinke bani Jonimi paka ekeni seri kimi kuyenoyo, afo Jisasi Galili yeremi Gotini ayoku bayani tiyimemi.
15
Macnin temi, mini nurami ai yereno, Gotini inarumi adekai yinteno, ikeye yiraka i bede kai ayoku baya-ya i pukai kai oko.
16
Afo Jesasi yere-rem Galili nom akofa yeremi, kal unta vani yonemi, Saimoni nu Andru kanda yonemi. Yekanda i kau yau kuka aronouni beni neti anegami yonemi.
17
Jisasi macnin tiremi yen kanda tiyimemi, i kekanda yeka ten tive kureba kai, yoyi kara naka i wanta yibi kako.
18
Yarani yekandai macna yakukami, yenyi netiu deni yeaba kurene beno.
19
Jisasi yere-remi kipaka iya kake-ke oremi, Jemisimi. Oneme, Jebedi akai, Joni Jamisi afa namai. Yekanda yenyi netiu anteke vami.
20
Jisasi yen kanda yarani yen yifo nacma beni yokam wainta nacma i yere yinkareni, avaku reni beno.
21
Yere-reni Kapenumi i Sarare kaiyeno, yerom Jisasi Juda uyi lotu mackimi undemi tiyi memi.
22
Teba nini yindu i deni indi ekeni namp dukan tino teno, nampa dukauni tiyi meyo tiyi miri kukamemi, lo indikauni tiyi meyo tiyi miri kuka memi.
23
Icna yemi macna wainta Juda uyi lotu mackimi bemi, beni manda spirit dukemi anom bakukami demi.
24
Macnin temi, „Yenama emi noka i uan kanuno, Nasareti Jisasi-o? Amanka eni yen nacma mande manda usin kara-ra i yewa pukawa? Yenama i ona keko eni iyebe. Eni Goti akai ante kanom banano.”
25
Jisasi manda spiritiu i yara remi tiyi meno, ikeni iyebai ani teko, bem kike mapa kumoko.
26
Tini kun domi don dekemi macka-ka i anurami, anom bai rerem bemi.
27
Umade iniya waintaX i mini ane-ne ona reni anom yindu i rureni, “Yeyi rani inda meno, macna neane-nefino teno? Amanka macna oyam bayanino teno? Manda spiritiu bai beava yani indi renX beno!
28
Micni bayani umade maku simi Galili i bemi.
29
Afo ina yemi Juda lotu makike kundeni, Jemisinu Joni kanda nacma i Saimoniu Andru kanda yima i ureno.
30
Disaiporiu Jisasimi tameno, Saimoni acna beano anom ame bami oni bakeno.
31
Temi Jisasi yeremi yemani ayam baka paka rami uku keno. Macna yaku kami ben ai kipami uku kemi yenyi yuna nui yunka yinkeno.
32
Micni nurami, a-amam kumpe onimi, ara-ara yidu kayo iniya waintawa manda spiriti duka yoni yibikeni bebapa i yeno.
33
Umade iniya waintau i tauni kikemi mini mac onaka macna yeba kuyeno.
34
Jisasi amuna iniya waintau i iye mini ai duke nafi ofaemi, manda spiriti duka yoni manani anemi, iyem baya soni micni manda spiritiu i e-emi, neva rafi bemi onu kayomoni.
35
Jisasi anu rampa kukami ukukemi, iye daka-kami, macna anufa i owemi okami mukemi.
36
Saimoni akonu nauma I bakemi Jisasimi afakeno.
37
Beonareni macnin tire tameno, umaden iniya waintau i emi afakeyo.
38
Jisasi macnin temi, mareyi ena makufa ore, tentifo abaya tiyimeno, neva rafi beni anda bani bai teni mofa yeko.
39
Jisasi i Galili umade maku simi bemi Goti aba yani tiyime mi, Judauyi lotu mackimi undemi manda spiritiu i macna anemi.
40
Macna wain tami lepra adukani bewa nipa i yeremi, akol uka reremi macnin tirem inda emi, amakai eni, amankai eni temi ante tinkanomi.
41
Undu nacmai, Jisasi ayam anon kademi macnin tirem tamemi , teni anom timo nei emi mande ante ankan teko.
42
Minu rami macna yukukami beni lepra ai kipa ankemi.
43
Jisasi eran bayani tamiremi fankami bemi.
44
Jisasi macnin tiremi tamemi, iyeba i enava tameno nei enoka ampa menafi, ore bai en ova i pristiu kai yoyi keva i en o ante keni nara i ofa bai yimeno, XXida Mosisi tenine, micni eni bayai emi yebe yopa i binteno.
45
Micni umadem wainau kim tiyi minteno nei Jisasi bemi uva renafi. Micni mukami iye macna makus Simai Jisasi bemi. Micni makuyu yere-remi iyupa ena maku simi obani umadem avafatuenuni amuna iniya wainta bebapa yevano.