¹ Farisi ucnama sadyusi uc namaci yereni i ama makeyo Jisasi mi, yerekeni indaeni teni manacin sainiu inarun akunka yotikano. ² Yevekem Jisasi yemi macnintiremi tiyimeni, onevam avinkari evanam ayonta maro korani evayave, ikey macnintami avoku nurami kakambam yintenoven tami. ³ Ena wanuram yoraci, ikeni macnintami, ‘ac irinteno, nevare tireno inarumi korani ukakenaci ayoni masidepaci davacenafi ikeyeve inarumpaci onare sikerin areci yeveke ikeni indemino ne ‘nuranaci kakambami yintenafino. Micnimmukami ikeyeve iyevaci maken yenin andan dauc onare pacmban urec ne andandaci incayemi ampamintna ano inakono. ⁴ Anasiwainta mada uvuareyounama ampim bani uvareyouni, yeni mini. Sainiwani afakeyo, micnimukami iyecaci. Mana samuci ampaminteno yeveke. Jonani sainiu mana ompamin teno. Micnuremi Jisasi yemi yere yinkaremi beno. ⁵ Mini nuram beni disaiparouci erere ena avafa oreni, yeni yivimikareni iyevaci bareti marenoyo. ⁶ Jisasi tiyimemi semi ikeyara anteko micnonokeka Farisi va sodyusiuyi yest marave. ⁷ Mini disaiporouci yeni rani macnin teyo, amanka ikevna maci iyevaci bareti maredu kanami mana bayani Senatino. ⁸ Micnimukami Jisasi beni bani yen yivayani inderemi yevekem macnintemi, ikeyeve kapa bilivin dukano, nevaraci iken yirare baa yu tevakarono, Jisasi mini bayani indiremi Temi ikeni nevaraci tekaci amanka iyevaci mini bareti mareukanami Temisino Tekafono. ⁹ Amanka ikeni iyevaci indemino fa ipi baretimi fa 5,000 ni waintauci yimekunave, kak nacde basketi ikeni arayara yunanuci untikekafono. ¹⁰ O seveni baretimi fotauseni waintauci neyone, aka nade basketi ikeni arayara yunanuci untikekafono? ¹¹ Ikeni nevaretirekaci temi, avokuficurekaci indekafono teni baretivara seakaune. Ankarevaci en okakaci anteno forisiunama sadyusiuyi yestikake. ¹² Micnureni inca yemi mini disaiporouci avokufi ure mini baya manden, indereni teni beni yestime bareikimi beninka pekanovara tenasino, ikeyar aci antekaci iyevakaci farisiva sadyusiuyi sikuru bayani marako vani tevamisino. ¹³ Mini nuram Jisasi yemi acdeka sisira nama Filipa maku anakac u vanduke yon kaci yeremi, yevekem beni disaiporouci manin Tirem inda emi, anasi wainta iyenon akaci onareni, teni mana iyefino teno. ¹⁴ Mini disaiporouci mayacouni indeni amanka Jon da baptaisve teni, ena daimini teni mana elaya bemi teni aka ena daimini teni, Jeremayafina, aca amonka profetiukenke maya bemino teno. ¹⁵ Jisasi yemi tiyimemi, semi ike indeci teni iye beka funo. ¹⁶ Yevekem simon pita macnin tirem bekin nemi sine, ani Christin iyakac Baric Baric mana ukam Gotin akaci banaove. ¹⁷ Jisasi bemi yevekam damemi semi, saimoni o Jonan akako, eyave amoyacono, neverafino wantava ami mana indini amenano, inarumpa benin tentifo emi mana indini ukuka ankaraya manar apotafionano. ¹⁸ Mininama teni anai macninteko, eni pitabanami, teni dotu maci mini onabam naropaci uvaran teko. Pukiri erani iyevaci amankac bemi daunin nanteno. ¹⁹ Teni amenteko marumpaci mini kindomi kikena keve. Micnimukaci ne andandauka mana makaka uyakantefono, Goti vaci mini andandauci inarumpabaci uyaakantefano. Yeveke ne andandauka mana makaka yereranterono, Goti vaci mini andanauci inarumpabaci yereran teno. ²⁰ Yevekem Jisasi beni disaiporouci Tiyimemi temi iyevaneci ena iniyawaintau. Tiyimekaci mana wainta i Jisasim beno teko ²¹ Mini nurami Jisasi yevekem kukandemi mini disaiporu tiyimemi beni Jerusaremi i orenaci, beni amuno umani miarano mini net manivenama bikprisva ticave yiyam penkena umamandena, yevekem ben aruranaci pu enaci icnayem Tarifara nuram yankacinanaci yevekem. Beyeve aum maranteno. ²² Yevekem pita avikem nenkaci oremi Eram bayani macnin terem Jisasi tamemi iyeno, mini andandauci iyevaci en okca yeremi enkimi am paminteno tiranimi. ²³ Yevekem Jisasi yovecemi pitami macnintiremi tameno, banano, nenkabono eni tentic ayuci untitinkanamino eni iyevaci iyena indiri onano Gotini andandaukake, yeveke eni waintaucyi andandaukimi anon indiri anano. ²⁴ Jisasi beni disaiporouci yevekem Tiyimemi temi, maya ten tiva kurinteve, eyaraci makafina devaci, i, yeveke eni divai korosi nama manarevaci temi tivakurano. ²⁵ Wanta beni aunara indem yevekem beyaun tasasene, beni beyaumi yereranteno, yevekem wanta beyaum Gotin kim yeremk akene, icnaye mi beni yembekem mini aumi maran teno. ²⁶