¹ Mini nuram Heroti yicnom Waintac ukaninentemi Jisasi uwarewanim wayo, yuci inde moni ² Heroti benic yokam wainta yci tiyimemi macnintemoni, mini Wainta we nom manjinke wam Joni ino, be sekem bam masic kinke ukukemi, Micni mukam wenit erani dukem mirakoli uwaremi. ³ Herodiasin amankafic wanka rare wen afac-awan anake Filipi, Heroti Jonimi akarayam dumurem pakem maro karafusic emi. ⁴ Newarafi, Joni macnin tirem wemi tameno, Gotinic Lo we ao tikeno Herodiasin enanakic ure mara nona ware. ⁵ Heroti bani Joni mi aritifo, anasi wanta yikani pekemi, newarafi Joni mi Profetin anaric memi. ⁶ Micne wanimi Herotin anon Herotimi makanin nuram teremoni, yunan neni yimonei wenoyo. Mini baruyintinen temi, Herodiasin aramumi anasi wanta yic bana kimi danisic emi Herotimi anon amo yini amemoni. ⁷ Mini akinta amoyin amiranimi, Heroti amucna iniya waintauc bayon kaci eran bayani Gotin okan kac namac anasi wanta yukankac namaci Herodiasin aramun nani temi newarac ayintenafi, amiric manan onteko. ⁸ Benano Herodiasi, bani ben aramum tinanin wayani tamemoni, micni sino wani. Nom manjinkenin Jonin acnom mana pereti kin dewa timeno ware. ⁹ Kin Heroti anon indiric memi, mini akinta nic indairani, amancaci teni bani rean bayanti tirukeci amoyini amiranani, enuni mini yunan neyonkim beyouni yimonureni Jonin acnona amenowen teno. ¹⁰ Afo ami uci tiyinkanini karafusi makinmi oreni Jonin acnomi omar akecye yeno. ¹¹ Jonin akaci akareni acnom mandeke peretikim deni mare Herodiasin aramuic ameno, ameyomi manaremc benc anomi maro.amemic. ¹² Iona emi Jonini disaipoli uc benco yemare maro masiceno, masic arenic Jonine uwarankeyom wayani maro Jisasi mic tameno. ¹³ Acfo Jisasi mini wayac indiremi, benic disaipoli uc namaci bouti kimi ureno, ucndeni wantawac icye wayom makusimi yerere wenoyoc, acfo Jisasi nacni mifaci wenoc teyonic waneta anasi indireni, yenoyi iyena tacuni yerereni Jisasi wanipac awakure mini makusimi weno. ¹⁴ Jisasi mini kac yerem yonanini, amucna iniya waicnta benoyo, bayomi bane dudune kidenimi anon akunani maremoni, micnuremi miniiniya wainta uc yicbanapate yic dukavo ucni tasasemi. ¹⁵ Afo ac amam kumpe kanini, disaipoli uc Jisasi mic maninc tire tameno, wanctawac icye wamc makusimino, ac amami kumpe keme mifo, mini inayac waineta bec adec maku sapata yunac ayac ura nako. ¹⁶ Jisasi manic tiremc benic disaipoli uc tiyimemi, icyem bec yunamc afakanteyo, eca waka ikec yunam yimeko. ¹⁷ Yeweke disaipoli uc Jisasi mic tameni 5-pic bredi namac 2fara fisi namaci beno. ¹⁸ Jisasi mini yunanuc mare yeko wani temanic ¹⁹ Jisasi anasi wanda wanic kumauc deko, karasi kake temonic, 5-pic bredi namac 2farafisi namaci moremoni, benic icnarum paci kakac emi, mini yunakimic awacbaci demoni, icnaemi bredi kidiremi disaipoliu ka demi anasi wancta yimeko temani. ²⁰ Umadenc iniya waincta namanuc dayocmi yimuc kuremci, nayom yunanc arayua mandeke dayocmi, 12-fic basketinc unctikemi. ²¹ Mini yunam nayokike 5-tauseni wainota uc mana yancdeno, iyewaci anasi uc namac anuc namac yancdeno. ²² Mini yunamc namauc dayomic Jisasi benic disaipoli uc tiyinc kaninic bouti kimc kumanc denic enac ofac yerere benoyo, acfo disaipoli uc boymic, Jisasi mini iniya waincta uc tiyinkac ninic yerere yecn yimapaci wenoyo. ²³ Afo mini iniyac waincta tiyim kamini yerere wayomic, Jisasi anufac oka okamc inukirani uremonic, ac amam kumpekemic acyufum kanimi, Jisasasi weyac okaci mini anukaci bemonic. ²⁴ Disaipoli uc kumanc dec woyomi bouti nonc abanapaci oremoni, oronimic iyena tisowani becwayom acipaten yemoni, mic uinc toni sic anemi bouti maro awekem marec awekem ecmoni. ²⁵ Kukakarac emic 3-kiroki namac 6-kiroki mini abanakimi Jisasi mini anufate yereremic mini nonc abonac akanc daremi benic disaaipoli uc wayo paci yemonic. ²⁶ Acfo disaipoli uc onayomi Jisasi nonc amukac akan daremc yewaninic, yeni indinc timi indeke bami yenonc tirenic pekanc timi benoyoc. ²⁷ Micne wayomi Jisasi akakac emi tiyimen temic, ukukamanc erarcoko, micni tenic weko. ²⁸ Yeranc dem Pita manic tiremc tei, “iyeno, puka ec wancta wec, tec nan tikac ec weconafac non amaka tikanc dare wonoc.” ²⁹ Jisasi tamomi, “yenoc.” Pita bouti kinke adem kuncdemi nanc amukaci akanc dare mi Jisasi wanic paci wemoni. ³⁰ Acfo Pita wenc ocnanimic anonc tisowani yenimic benic pekemic kukanodem non aimic kumemonic, acfo nono wenc dacdan kumonimic, Pita mikinc kec erarc araric uremi temi, “ Iyeno, tenc tasasenoc!” ³¹ Manac yakukami Jisasi Pitanc ayamc pakaremi tamemi semi, enic kipac biliwi dukananoc, newarafic eni temi iyem biliwi onanoc? ³² Acfo Jisasi uc Pita kancda bouti kimc uncdoyomi tisowanic kapin ecmoni. ³³ Disaipoli uc mini bouti kimi wake ni manic tireni Jisasi mic icyena bic ameno, “puka ukanec, ecni Gotin akaci wanamic. ³⁴ Yenic oreke Genasareti, ecna nouc awafac orenoyac. ³⁵ Acfo mini maku sinkena waincta uc Jisasi mic incdire pic onenoc, onareni wayac ukidayomi adec maku yacnam wemoni, Oronini yic dukayouc iniya waincta wemc Paci yenoyoc. ³⁶ Yeyamc makafinic urenic Jisasi tamenic enic korosic arac okacirare tecno, amucna iniya waincta Jisasi okac e wenic korosi okaco yocuni yeni aman kafic menoyo.