¹ Micni mukami, Goti mayauc mara nowani timenim yokani duci keko. Gotinic nana yini mare kuna amaukaci beno, maya ucni iye waci mini yokani tifowac keno. ² Micni mukaci, yenamac peekem beko tiyorin timem pekan timenim baru kare. Yenamac umac banitin iyem beko, akac maya ucni iye waci umac tekafu o Gotin awaya baekeko. Yenamac puka baya tiyi manani, anasi wanta tona ekeni teni Gotin okankac antekau yokani mareyo sinteyo. ³ Afo mayauc mini awokuc baya tiyimekuna yu acnankin ayofarukeye. Mic ayofaru ke yo ucni Gotin aenaka iyewac beni aka yina visici maran teyo. ⁴ Yem ponanam, mana makaka kena goti yenyic indiruc maka tirani Jisasinic awokac baya bilivic iyewac eyo. Mini anda fonanam Jisasinic awokuc kakani wayasimi benim iye wac oneyo, iyec beni Goti ke benafino. ⁵ Iye waci mayauc teyanitiyimi rukeko, yenamac Jisasi nananan tiyimeko, beni Iyenom beno, maya ucni Jisasini yokam wainta beci cen avic timi yeko. ⁶ Goti manan temi, “Ayufun kimi kakani kakeno.” Mini kakani mayuc dindun timi kakeno, mini kakan toni Gotin oneci Jisasinic nanayir one eko. ⁷ Maya ucni mini awokuci tindun tim beno maka kura kimi benim baric mukeno. Iyena eran toni mini afotafic minteno, mini Gotin inda we, mayauc sinda waino. ⁸ Yenamac umoni amucna asapatem mareko, mini mayaucni iyen ucmanan dacdeno. Micnem maya usic indir acndanda ukin iyewae amandene, yenamac iyen tikun nantim beko. ⁹ Yeni maya ucni mandac usinke nofo, Goti iye waci oyen timeno. Yenitire nofo, yenamac iye waci umani mareko. ¹⁰ Ucmaden nurami yenamac tufimic Jisasinic pukini mandec noko, micni mukami Jisasinic bani mayauc sinke afotafi inteno. ¹¹ Yenamac iyeyec ayum bekafu, yenamaci Jisasinic pukini mandec noko, micni mukami Jisasinic bani maya usinken afotafic inteno. ¹² Micni mukami mini pukini maya usimi yokeno. Micni mukami Jisasini bani ikenkimi yokau teno. ¹³ Micni mukaci bilivic eyom spiriti manan yenamac dukeko, Gotin awayani profetiuci tandam benine. “Teni bilivic meko, akac teci,” yenamac baci bilivic meko, micni mukaci yenamac teko. ¹⁴ Micni mukaci yenamac indin keko, iyec Jisasin ayanoke nafi beni yenamac bac tiyan no eken deno, Jisasin namake yenamac indinkeko, beni ike ucnamac tivi ekemic beni nanayi timi dan teno. ¹⁵ Umac den anecnem benimi, iken yiwikaci beno, Micni mukami, nanayina iyenac inami, Tusu sinic amankaci Gotini kakan tin urin teno. ¹⁶ Micni naci ike ucnamac iye waci wiki onteko pukawe ike ucnamac tu macnda inane, ike ucnamac tinduni ucmaden nurami acnteci kakan teno. ¹⁷ Bakac nurami benimi, Tito umarac tinavisi kuci ike ucnamac tesa ucekem iyena kakani, baric baic mana ukenin kimi danteno, benic afunda iyewac bananin kine. ¹⁸ Newarafi, yenamac tukan oneni nara indike kacune, tkam mac iye wac onenin andanda ukare. Newarfi, tukama onenin anecneuci kicman teno, afo tukama iye wac onenin acneneuci iyakaci beni araya iyem banteno.