¹ Iyen iniya Wainta yeni Jisasi nam pukam beno sire bilivic eyafo, yeni Gotin akafandam beyo, akac iye beni benafonar ayenafi, ben akakandaci ayinteno ² Mini andawani ike unamac gotin akafandauc tiyeno, ike unamac Golinar inde benic ayir awakureke. ³ Afo ike unamac Gotinar indire benicayir awakureke, aka benic ayin awakurini anon yokara benacino. ⁴ Gotinic anasi wantam beyo ucni mana makaic ayin timi iyem beyo. Jisasinic erantoni mana makaic eran timi unukaman erar ukeyo. ⁵ Iyec eni mana makaic ayini beninkimi ukukaman erarinte? Afo Jisasin onakeyo uoni yeni Gotin akafandam beyo. ⁶ Ike unamac Jisasi narac omare indeno, Gotin tankam mana makaka kumeno. Goti nomanawa Jisasin yocakenaino, iyewake, nonamac nare namaci yocakeno. Gotinic Spiritin Jisasinan tiyimemi temi mana gotin akacino temi. ⁷ Newarafi, Jisasi gotim paten yewenimi tari fara acnenen yocyikakemi. ⁸ Afo gotinic Spiriti namac aka Joni Jisasim nompim nom marankanin namac aka Jisasi keka yasa Puconim nare kumonin namake. Mini tarifara acnenen yotikemi temi Jisasi Gotim paten yeweno. ⁹ Wanta ike ucnamac Waya tisimeci indeumpe, Gotin awayani iyenam beno. Newarafi, Gotim benaconi temi Jisasi tentikaci benon temi. ¹⁰ Afo anasi wanta yena Jisasin kac biliui eyo ucni, yeni Gotin akafandam beni Jis-si nani yeni tiyimeyo. Gotin awaya bilivi iyewac eyom waintauci yeni teni umake sinteyo. Newarafi, yeni Jisasi Gotin akaci benimi bilivic iyemeyo. ¹¹ Aka Gotin awayani ikeunamac baric, baric mana ukan taumi timeno. Mini aumi benimi, ben akakimi beno Jisasin kine. ¹² Afo wanta Jisasi namac Wananim mini aum maran teno. Afo Wanta Jisasi namac iyewac wanani mini aumi iyewaci maranteno. ¹³ Teni mana Wayani tarekunaci Wanta Jisasinkim bilivice eni gotin akaci bemi mini acumi maranonano. ¹⁴ Aka ikeunamac inolinkeko, mana acnene wara ben awitin inanteke, ike unamac mararic manam monteko. ¹⁵ Goti ikeunamac indene, newarac ikeunamac bempac inan tentekafu, timiric mana minteno ¹⁶ Afo onam mana enafac awac sinic urana mini sini bem bukintin iyewac danami, afo beni Gotim pakaci tasasinowarac okam mukino. Teni wantan yirumam pukenin sini warac tekaucne. Wantan yirumam pukem=nin sinikac yukam mukoko wara tedacune. ¹⁷ Iyewac antekenim awuc awaci sinim beno, Wamta iyewac pukeyom siniwe. ¹⁸ Ikeunamac indinkeko wanta gotin akafic ene, beni sinic iyeminteno. Iyec beni Gotin akafic enafic, beni beyokaci antinteno bananomi iyewaci ananka ankanteno ¹⁹ Ikeunamac indinkeko, ikeunamaci Gotin akafandam beko, mana makaci bananonic erantimi beno. ²⁰ Ikeunamac indinkeko, Gotin akaci aciyeno, beni ikeunamac indin timir ukano, ikeunamac Pukam Gotimi indikanteko. Ikeunamac Gotin namacben akac Jisasin yenkandakakac akackano. Jisasi Gotim beno, beni baric baric mana ukam yaumi mare yom andam beno. ²¹ Ten tikafanda-o, umacgotin akarac pekec nenkakac bako.