¹ Ikeunamac Gotinic ayirukam dukec awakuranayac eni tareni gotin akake seko, micni sewaka ikcuwamac Gotin akac bano. Mini anafoni mana makakakena waintauci anucare ikeunamac iyawo toneni gotin iyewac oneyol ² Micni mukemifo tifactiwananok, ikeunamac Gotin akafinaia wac bano afe beni nec icnayen ampamintenafi mini iyen yotikeno. Afo Jisasi afotafic inanin kukakantake, ben oneci beni benininic mukanakno. ³ Micni mukani anasi wanta Jisasin onantac antikeyouye, yeyani antekukami kakeyo, sini akani pekeyo. ⁴ Ucmaden iniya wainta yeni sin acuni beyo, miyiuni gotin awayayuc iyewac awakurauye. ⁵ Ikeunamac indinkeko Jisasi afotafic muemi ikeunamatic sini daoni tinkarukano, akac beni iyewaci siniceno. ⁶ Iyewaci mana waintawac Jisasinka akakeno, sinic iyewac inteno, newarafi, mayawac iyewaci payacben gotin oneno. ⁷ Teutic kapa intauko, ikemi iyeewaka ecanami manacinayom waitauc ikemi umactiyiukako. Afomana wainta antekenim baricene, beni anteci kemi Jisasim beninic mukeno. ⁸ Afomana wainta sinicene,beni bananon namacibeno, peyukam sinic onim Waintawec. Mini anduwani Gotin akaci afotafic uemi bananonic mandauc yokaruc anankamandeno. ⁹ Wantauc Gotin akafandac ukeyouye iyewaci yeni yeweke sinic inteyo, newarafi, goti yemi ayac murukami Gotin awayani yenkimi beno. ¹⁰ Mini wantoni Gotin akafandauc namac bananon akafandauc namaci afotafic minteyo. Wanta Gotinis baruc iyewac awakurene, mine=I Wainta ben afacawami manda onaric minteno. ¹¹ Peyukami ikeni mini Wayani macnin tirec indemino, keunamac ena iniya Waintawac tiyikano. ¹² Ikeni Keinim baninic iyewac ukako, Beni bananonic bani awakuremi ben afac areno. Neandawarac beni ben afac arenafic? Newarafic, Keininic yokani iyewac antekami akac Ebolic yokani antekewamic, mini andafoni beni Ebolin aremoni. ¹³ Iketifactiwanan, anon indiric iyewac oko, mana makakakena waintauc iken yifokankacike ¹⁴ Ikeucnama indinkeko make pukiric erani iyembeno, make ikeunamac ayumibeko, newarafi, ikeunamac tifactiwanami tiyikaray ukam meno. Afo mana Wainta enunac awokufic uyinkyom baruc iyewac dukemi pucikeyonic mukeno. ¹⁵ Afo mana wainta ben afacawan iyewac ayene, bemi arumam pukenin amankaci beno, micni mukemifo ikeni indiwac kako, wantauema wanto yirumam pukeyoucni yaucmi iyem maranteyo. ¹⁶ Jisasi benofonic ayacuremi ikeunamac oweken tiwikemi. Akac mini amankac ikeunamabac tindun dekaci ena iniya wainta wac tasaseno. ¹⁷ Afo mana Wainta amucna anecne dukema anecnewac iyedukenim. Wainta iyewac akunar yren amene, inkenika urenac akac Gotinic ayini benamac bantema ¹⁸ Micni mukemifo tentic kapa intauko, ikeunamac iyewakac yemi tofemponana tiyino, iyewake enic wantim pukawac teno. ¹⁹ Mini andafoni ikeunamac antekam wantimi becumpe teci akac ikeunamac tinduni benamaci bemino tecumpe. ²⁰ Afo yenamac iyewac antekenim baricunane, Goti mayausic indira wantimi tonankeno. ²¹ Ike tifactiwanam, afo ikeunamac tinduntim mana siniwac iyewac banake, ikeunamac tukam mukekac Gotin acnaka bono. ²² Afo mana acnenewam Gotim pac inanteke, ikeunamac indiekec maraaric mana monteumpen tirec indeumpe, newarafi, ikeunamaci lon awakureci bemi ayikenim wantimi beko. ²³ Benic lo macnimukeno, ike unamac Jisasin Kinae biliviekaci enuyabakac tiyikano, Lon ikeunamaci timeninac ono. ²⁴ Afo mana wainta gotinic lo awakurene, beni Gotin namaci akakami gotim benamaci beno. Akac mini ikeunamac indinkeko beni ikeunamac kimi beno, mini beni ikeunamaci Spiritin timeno.