¹ Peyukam bam wayaye, mini yenamac indirec tukampo onare Tiyampo pakarec one wanawayaye, mini wayani laipi wayani weno. ² Akac laific mare afotafi ici mayaunu onareci tiyimeko, banana wane yaumi wenimi yenama. ci tiyimekol . Goti namaci wakemi ike unamakimi mare afotafic eno. ³ Newarafino, Mayaunic onarec indireci tiyimekoc ikene, micni mukemifo ikeyabae ye mana kim bako maya usine. Micni muke mifo ike unamac manakim banac Goti wac Jisas Waci wanteyo. ⁴ Micni mukaci, yenamaci minin tare kunaci, ike yabac yimoyoko ware, akac ike unamac tic timayin amakafic ino ware. ⁵ Mini wayani yenamac indireci yenamaci manicn tire tiyimeko, Goti kakani weno, iyem, ayufunkam bekim beno. ⁶ Afo ike unamac tec, benamaci mana kimi beko ayufunkam bantine teke. Mini umaci teateko, awokye wayaya tente kaune. ⁷ Afo, ike unamac kakan tima bec, beni kakan timi benim baric eke, akac ena iniya waintauc namac beke, Jisasi, Gotin akakic nare foni ike unamatic sin daon tinkan teno. ⁸ Afo, ike unamac tec iyewaci sini dukeko seke, mini ike unamac teyani umaci tenteko, mini umac bayani ike unamac kimi banteno. ⁹ Afo, ike unamac tic siini afotafic urec teke, akac beni antekam baric ewam bemi ike unamatic sini da,on tinkemi manda baruci nonoc tinkan teno. ¹⁰ Afo, ike unamac tec, ike unamac iye waci sini eko teke, afo bemi madeke umac baintaci mureci akac benic puka wayani iyewaci ike unamac kimi beno.