1 Mayauni indunami mayami iken yic banapaci, manda baruc kukami ampameno. Mini varuci Haideni uci iyemi yvareyoc mayauni indumi benanona afonamaci bareno. 2 Ikeni ano bekecti kukamano! Ikeyaraci ano yikuno vaci teko: mini waintavaci iken kinkevaci tankanaci vino. 3 Nevarafi, tentunamacka ikenamac bekaune, teni Spriti Kinkemi ikenamaci vec umpe. Ace mini waintai one umpe iyeci mini vani uvarenafi, ikenamaci mifaci bakekunaic meno. 4 Ike mana kina iyena Jisinamac beke, tentic Spiriti vaci ikenamaci mifaci vena, Jisinic erani ikenamaci veno. 5 Mini waintava manda keka manda wainta amirani micneko, benova mande kena mandaic uranaci, ikeunamactic Iyenonic Kukakantac benic Spritivao avokufic ukanovare. 6 Iyevaci avokuci vemino yeyivigi yanic eyone. Ikeni mini i indikekafono! A’a eye indikekafono, kipac yisti akaci manam breti i pameno. 7 Ikeyara mana anufare kaci, manam peyam yistiva mana karuc dekaci, oyam bretikeva iyevac pamoko. Nevarafi, kraisti i vena uni yaumi yimi rukemi, mini sipisipi intami kolinic kukakantai Isrealiucka avokuc kakavako vani aronine 8 Micni mukaci iyenaic kukakan taci timo yac ekaci Lotuvaci teno. Iyevakaci poyankena yistivani timoyono, mini yisti i mandac ambaruci veno. Iyevake, ecanakaci mayauni timoyono iyevacka yistivac beni bretikake “minibretimi venimi avokuc Avuc avakani tikemi 9 Mana yomi ikemi uvanani yimeko, machni tireci yimeko iyevackaci manda varuci dukeyo unamaci noko. 10 Mini kimi haideni uci veyo uyara tekaune, yeyanana indeya unamac, umac wainta uc nama, umac kotin kaci teyounamac, Iyevake, mmicni meyom Iniya wainta uc namaci iyevaci mana kimivanonano’ eyani nekaci vanonano mana makakaka 11 Micni mukoici mini yomi uvarekunai, micneyom afac avana. Onana kaci munkonovare, mandavaruci maraci, yeyanana indeyo afac avafi, o umac anateyo Lotufi, o manda vayayuci teyo uyafo, o umac kuci teyo uyafo, mic nukeyo unamaci iyeva kaci manakimi yuna nuci nako. 12 Nevarafi teni Siosi kinkemi mapaci veyom wainta uci daimonte? Iyevake, Iye Iniyawainta uckaci Siosi kimi veyafo yenaci daimoko. 13 Koti i iyem manda waintaci yen yic wanapaci venafi manani karuci danteno.