¹ Temi tifon keno iye indi ke be komi, tifa tiwanan, peni, iken namac tifo u nami Solwarac i ukare yeyo nai konan arafimi yeyo nu kar indeko. ² Umac den konan ara fin na Solwarac kimi nomi mare no yo, mic nu reni, ukakeni Mosisin anku nic meno. ³ Akac umac den ori Spriti nan ni nen noyo. ⁴ Akac umac den Spiriti nomi nen no. Akac umac den Spiriti nomi osin kena neno, beni yena mac i yemi, mini oni Jisasi bemi. ⁵ Afo yeni amuc no wayon nani Goti iyen amo yemoni amuc no wain tain. Eu maka faci puc mar irara meno yo. ⁶ Mini aneneuc ampa moni mi i keunamac i yoti kemo ni, mini ona rewaci iye wakac manda andauc yiyi kano, yeni ewa yonuc ke. ⁷ Ikeni iyewaka umac Gotin kaci lotu teyom baintauc ke wako, mic ni mu kani buki kimi tan duka mi, wanta anasi naruc neni, non naman deni, ukuke ni danisic eni manda awoc awac kuc meno. ⁸ Akac iye wakac ikeunamac pamuku ono, yeni ewayonic ono, yeni mana kuka kan tac i, 23,000 ini yawain tauc i puke noyo. ⁹ Akac iye waka ikeunamaci, Jisasi amama kano, mic newa you ni, mema ni yiremoni. ¹⁰ Akac iye wakac yise no, amuno yise wayoni, wan ta yire wanin ensoroc i yiru man man daic meno yo. ¹¹ Make mini aneneuc ampa meni mi, ama nuc i yoti ka kemi, akac minin tare yomi ike namac i ani iyoti kake mi, ara sac nuram ampa mi nani mi. ¹² Micni muka mi, iye eni indeci, eranuec uku kake ko tewan te, esac antic kewac i iye waka yan dono. ¹³ Ama maka ni, iken kimi yeni mi, enac bac iyen uke no, ama maka ni, mana maka kake na iniya wainta kimi yeninic mana muke mi. Akac, Goti ben away ani awaku rin temi, iye waci okan yone wam, ama maka ni ikenyic erani umanan danan kumin temi. Apo ama makan iken kin yina ne, Goti ena ani uwic demi, ikemi yofa min temi. Mini ani macni min temi, ikemi eranurem uku kayin kantemi, mini ama maka ni iyewaci ikemi umanan danan kumin temi. ¹⁴ Micni mukemi fo, ten tiko nuyu ko, umac Gotin rac lotu tir akarac pekec iyayo ko. ¹⁵ Teni ikemi bayani tiyi me kuna wei wanta indini dukeci bayani daimi na komi no. ¹⁶ Mini, awokuc anene mini kapi kim baci yime ko, mini aman kac iye Jisasi nic uwo ke mare kunaic, iye enafi? Mini breti maya ouni kicde kuna, mini aman kac iyec Jisasin oke bena fi? ¹⁷ Newara fi, mana breti ara nana beno, micni muka ni ikenamac wanta anasi mana bun duke umpe, ikena mac mana breti nec umpe. ¹⁸ Israel riuc jic awoc awakac ona ko. Akon ke ewayon ukakaruc i neno yo, mini akon ke kimi, Gotin namac i mana kinic mene yo. ¹⁹ Newarac tente ka fu? Mini umac Got puka benafi? O yuna mi koye maro umac Goti mi ame yomi puka bena fi? ²⁰ Afo, teni teku na we, mapac bain tauc i man da spiriti kaci akon ke eyone Gotin kakai no, temi tifon keno, iyewa kac manda spiriti na mac bako. ²¹ Ikeni aman kac iyewaci Iyeno nic kapi kin nac, manda spiriti nic kapi kin nec i nako mino. Ikeni iyewac i, iyeno nic tewori kac nec man da spriti nic tewori kac nana komino. ²² Aman kac ikenamac i, Iyeno uman time na tisi no wanni inde umpe? Ikena mac tic era ni, benic erani yec an kake nafi. ²³ Umac den aneneuc ikena mac on te umpo“ afo yewac i umac den anene ikeu na mac tasa sintem mifo. Iyewaci umac den anene erar amin temi. ²⁴ Iyewa kac eyan tasa sira nana inde no. Ena wac tasa seno. ²⁵ Ikeni pani make ti kin kena yunan nana komifo iye wakac anon indiric ec inda oc noko. ²⁶ Newarafi, mana maka namac, umacden anene mini andun timi benin nuci, Iyenon inda bemi. ²⁷ Afo mana mapac bainta, en inda ena, ye tena mac ore yunan na no ti na we, e, ben amapac birar indei, yunan tesac urananim mi naric mana wac ono, iyewaka indaida ono, amucna in diric iyewac ono, naric mana wac ono. ²⁸ Afo, mana wainta tamena mana yuna mi, umac Gotin kaci akon ke meyo tireX tami na we, “Iye waka nano mini andaic ewe, mi tame nim bainta, eran nu anka no nami, mic ne we, enan ofa mi nona mi.“ ²⁹ Mini waya ni teni teku na we, mini en ofa i no wara tekau ne. Iyewe, ena ic indir tasasi no ware, newarafi ena wainta, benic idin namac tentic awoc awac dai mino ware. ³⁰ Afo te yunam marec tusu senane, iyec temi tisi rem man daic inte na. ³¹ Mini muka mi, narac nante, o nonac nante o, umac den anecne inte, Gotim, mana wac anom bic ame no. ³² Iye waka, mana Juda bem, mana Kiriki bemi iye waka teno, ena lotu iye waka, man daic tian kanac yan dino. ³³ Micni mukac i teni umacden bainta timon nuyen keko, teni umacden anene ekuna kine. Teni iye waci ten tofa ina nin ayo kuc i afa keum pe, iye ino. Teni amu na iniya wainta uyic, ayokuci afa ke umpe, Goti yewe ken yiwi kane ware.