¹ Krais Jisas sini temi taremi Porimi. Goti ni ayin tac aposolic ono want, akac Sostenes. Yena mac tifac tiwam bemi. ² Goti, nic Siosi kimi wemi Korinici. Iyea yac Jisas Krais sin kimi ako anda nic uke yago. Iyen iniya wantau kac yare nafi. Ako anda nic oko wani. Mayauni, mana yon tande kec danam beni mi, iyen iniya waintac iyenon, Jisas Krais sin awitaac maku sinkac areya fo, iyec yenyic iyeno wenac mayau Sinda wac bena fino. ³ Ecanac, Goti, ikena mac tifo nic awac kaka nana Yira, akac iyeno Jisas Kraisi ike nama kac bano. ⁴ Umac nic awac baci, Goti beni Jisas Krais sin kimi dami yime nine. ⁵ Beni micne nimi, umac den anecne duka kowani, umac den asapa te, umaac den baya ni tina kon andun timi, indin timi ayokuc indi ruc namac. ⁶ Micni muke mi, Krais sin awaya ni ikemi tiyi me yomi, Puka ukami bemi. ⁷ Micni mukaci iyeno ic, Spiriti Kimi iyewaci iroc bac omi, ikeni, iyeno Jisas Krais si afo tafic ino wani dafic tami. ⁸ Ikemi erar uyin kam bemi arasac maro Kipan temi, micni muka naci ikeunamc tic iye no Jisas Krais Si ni kika kan taci, iyewaci uman dacbac dukana komi. ⁹ Goti, araku ka mi yime mi ikemi yare mi, ereka ben akac namac lotu Seko wani, Jisas Kraisi ikena matic iyeno i. ¹⁰ Maken teni eram bayani ikemi tiyi meko, ten tifac tiwa nano, iyenon Jisas Krais sin awaitimi macnin teko, ike ye, mana Yirackakac bako. Iyewa kac iken yira yisi oko. Teni mac nin teko, ikeye, mana indin namac mana awoc waacnama kac bako. ¹¹ Ten tifac tiwa nano, aci ten kaci afo tafic emi mac nime no, koke nic lainini iken namaci umani duke none. ¹² Ten tiwaya ni macni memi, ike maya maya macnin tami, teni pori namaci wec umpe, “o” Teni Aporosi namaci wec umpe, “o” Teni Sepasi namaci wec umpe. “o” Teni Kraisi namari wec umpe. “ ¹³ Aman kac Kraisi amucna kimi dakac kac umpe? Aman kac Porin enkaci kekac yasac Puckemino? Aman kac eni Porin awitaci nom maranac umpe? ¹⁴ Teni Goti mi tusun tiam keko iken kinke mana wac iyewaci nomac maran kec umpe, iyewacino, teni Krispus namac kaiusi kandan nom manyin kecmpe. ¹⁵ Mini afo taci macnin tike ni, iye waci maya macni Sinona mi, ten tiwitaci ikeni nom maram mino. ¹⁶ Akac mini wake, teni Stepanasiin amac kin kenu yuci nom manyin kec umpe. Micni mukaci, mini naropaci, teni iyen yona keumpe, enu yacba kaci nom man yin kekafu, iye ino. ¹⁷ Newa rafi, kraisi iyewaci temi tisin kemi, ore nom man uin kano wa tena ino, ayo kuc baya tiyime no wani. Temi wanta yic indin tac baya tiyime no waratisin kac yekau ni, akac kraisi nic kekac yayic erani iyewa kac kumi no. ¹⁸ Akac nerafo, Puki nayouni kekac yayani payanic minteno. Akac iyeu yac Goti yiwi kante nafi, mini Goti nic erani. ¹⁹ Baya ni macnin tike mi, teni indim baintacu yic indini man daic monte ko, akac teni wantan iyena indini duke youni, yen yic idini umanani danami lumin temi.’ ²⁰ Ayokuc indin bainta inke pakac bena fino? Iyena indim bainta inke pakac bena fino? Wantam baya Sintimi resisic meyou ni nafa kac beya fono? Aman kac Goti iye waci ayokuc idini mana maka kaci wenimi, yowec man payanic emi? ²¹ Mana maka kake na iniya wainta Goti mi iyen ona keno, micni muka mi Goti amone mi, wantan waya ni yaumi mare you mi, iyen ona kemi, iyeuyac bilivic eyafo, tiyi meyo mi. ²² Newa rafo, Juda uni, maki wa, mirako riuka ni inda ani, krikiuci ayo kuc indi ruci afake no. ²³ Afo mayauni kraisi kekac yasaci puke nimi, tiyi meku na we, Juda uc yika ni Saki memi, akac krikiuci ayokuc in dira duke yau. ²⁴ Akac iyeu sakac Goti yare na, Juda ucna mac krikiuc namac mo, mayau ni kraisi mi tiyi meku nawe, Goti nic erara ayo kuc idi ruci wemi. ²⁵ Newa rafi. Goti nic Payar anec ne kimi anasi wanta kimi ayokuc wemi, akac Goti nic reani iyembenin kimi, anasi wanta yic erani wemi. ²⁶ Iken yic aran tin onako, ten tifactiwa nano. Iye waci ikeni amuno ayokuc idin duka mino, anasi wanta yukan kake. Iye waci ikeni amuno eran duka mino. Iye waci ikeni amuno eran duka mino. Iye waci keni amuno anom bic dukami. ²⁷ Akac Goti mana maka kake na anec neuci ukake nimi, idim baintauci Paya nic memi. Goti uka keni mi, anec neuci erani iyen duke nimi. Ayo rini eran duke nimi amemi. ²⁸ Goti ukake mi, anecne mana maka kake na iye yiye nimi. Weni micni memi, anecne umani wenimi, paya ni kac i no. ²⁹ Weni mic ne nimi . wanta anda wac iye wana na ben okan kac yen yiwic yanic iye wana na, ben okan kac yen yiwic yanic iye oko wani. ³⁰ Newarac Goti micne nafi. Make ikeni Jisasin Kimi wami, iyec ikena mac kin kume naci, Goti nic ayo kuc indin te kume nafi, beni kena matic ayokuc awocawakic memi, ikena matic ako anda nic memi yewe kem ike namac ayac im bain taic memi. ³¹ Mini anda want, Goti macnin tirukami, ecana iyec anom bic mararan tewan tenafi, beni iyenon kinke anom bic marara nana wac timo.”