¹ Na cava medu qai kwaya nivo rewajiya o Eparama na leya momo, e na valavala vayago? ² Kodaki e vadonuya o Eparama ina vuku ni cakacaka, eya qai kiya na kwa vuwa me dokai ke; io evo jikai ga vena mata ni Kalou. ³ Na cava e kwaya na vola tabu? evo vabaujiya na Kalou o Eparama, evo lai okajiya vuwa me vaveya na i varau dodonu. ⁴ Io na keya i sau vuwadru na tamata cakacaka, vou tasi lai okajiya me loloma evo keya i vola. ⁵ Io, o keya e tasi dau cakacaka evo vabaujiya me vadonuniya na tamata varau bura evo lai okaji vuwa me vabaujiya nai valavala dodonu ⁶ Vo kodaki tale ga ke o Tevita ni vi kwa na kalougata ni leya momo evo okajiya vuwa na kalou me vaveya nai varau dodonu io e jikai ina cakacaka. ⁷ Eru vo kalougata na tamata evo boko na ledru varau bura, nivo bulu dei na ledru varau bura. ⁸ E vo kalougata na tamata e tasi beitaki vuwadru nai varau bura o Jiova. ⁹ Eru kalougata na tamata eru viniji, vata qeinidru tale ga na tamata eru tasi niji? ni du vo kwaya nivo lai okaji vo Eparama na leya vabaujiya me varau dodonu. Avo qai lai okaji kodaki ivei? nivo vabaujiya oji o keya se tasi vabaujiya? e vou tasi vabaujiya oji, no sibere ga ni vabaujiya. ¹⁰ Avo soli vuwa na vabaujiya me vatakarakara me vadjinadjina takiniya nivo donu o keya nia vuku ni leya vabaujiya nivo tasi vabaujiya tu, me lai okaji vuwadru na varau oka! ¹¹ Avo soli vuwa na vabaujiya me vatakarakara, me vadjinadjina takiniya nivo donu o kiya ina vuku ni leya vabaujiya nivo tasi vabaujiya tu; me lai okaji vuwadru na varau oka. ¹² Me ledru momo o rau na vabaujiya, vuwadru tale ga na dau vawelewele takiniya na colo ni vabaujiya igi vo leya o Eparama, na ledu momo ni vo bere na vabaujiya ¹³ Nivo tasi yalataki vo Eparama, se vuwadru na leya kawa me taukeijiya na vuravura, ina vuku ni vanua, ina ga ni vivadonu vo yaco ina vabaujiya. ¹⁴ Nivo mai vatawayaga takiniya na vabaujiya e kiya kwa wale ga na tata ni yalayala, kodaki eru vo vatawaniya o rau eru dau tekuciya nai vunau. ¹⁵ Nivo vavuniya na oca ni vanuwa nivo jikai nai varau bura, kodaki evo jikai nai vunau. ¹⁶ Ina vuku ga ni vabaujiya, me vo rewa ke na kwa ni loloma: me tudei na tata ni yalayala vuwadru taucoko na kawa; e tasi no ga vuwa na vanuwa, eno talega vuwa na leya vabaujiya o Eparama: o keya vo ledu momo taucoko ga. ¹⁷ me kodaki vo volai, aqu na lesiko mo ledru momo na vivanuwa. ve mata nivo vabaujiya o kiya, io, na Kalou, o kiya avo vacola nidru tale na mate, a coviya na vikwa e jikai tu me no. ¹⁸ Io nivo jikai na kwa me nuitaki ke avo vabaujiya o keya qai vanuinui nivo yacoviya me ledru mo na vivanuwa tale me kodaki nivo lai kwai, Ena kodaki ke na lemu kawa. ¹⁹ Io nivo tasi malumalumu na notu me vabaujiya, a tasi vakasamatakiniya na keya mate e lala e kiyanadrau na yabaki, se la mate e kete o Sera. ²⁰ Avo tasi lomalomaruwa me tasi tomaniya na leya vabaujiya na viyalayalaji ni Kalou; avo kaikai ga na leya vabaujiya, varokorokotakiniya na Kalou. ²¹ Avo vadjinadjinatakiniya o keya, nivo rewarewa vuwa me vayaconiya na kwa e yalatakiniya. ²² O keya ikwe evo lai okaji ke vuwa me vaveya na varau dodonu." ²³ Io evo tasi niya takiniya ga e volai ke ni lai okaji vuwa.. ²⁴ Evo balejiko kodatou tale ga, ena lai okaji tale ga ke vo kedatou, kodaki edu vabaujiya ena vatucake takiniya tale mai na mate na ledu Turaga o Jisu; ²⁵ O keya evo soliya mai ina vuku ni ledu varau bura, avo tucake tale na mate medu cola ke.