¹ Iya qu vo tautaunaki yaji o Vivi vuwako mutou, e Keya e wekadatou, o kiya e dau qwaraviya nia soqosoqo lewe ni lotu mau kenikiria. ² Me mutu vagegunia e na vuku ni Turaga, me Kodaki e kilikili qai nidru eru vo lotu, vata me mutu qai vuke ia i na cakacaka taucokoga mutu na yoga ke vua: ni dau vukeidru na lewe levu o kia, vata qeko au muni. ³ Me lei kwai yaji na lequ loloma vuwadru o virisila vata o Akuila, ni ru dau cakacaka vata qai niko au ina veikwa o jidru o Jisu Karisito. ⁴ Eru vo boleia na mate mequ valobi ke, madu vo vaokaoka ke vuwadru, kemadou qai nidru taucoko na visoqosoqo lewe ni lotu vuwadru na vimatanitu kanikia. ⁵ Aqu loloma talega vuwodru nai soqosoqo lewe ni lotu ina ledru were. Aqu loloma vo Evinito, na e cola qu daulomania, o kia na i sevu vo Karisito mai Esia. ⁶ Aqu lol Meri, o kiya e dau dakadaka valevu e vuwako mutou. ⁷ Aqu loloma vo Adroniko vata i Junia, orau o wekaqu, madu a vesu vata Eri dau vogo vuwadru na Apositolo, eri vo lea o Karisito mai mata, qai bere o yau. ⁸ Aqu loloma vo Uripenu, o kia qu dau lomania ina vuku ni Turaga. ⁹ Aqu loloma vo Uripenu, okia e dau vukei ko datou ina cakacaka i Karisito, qaini o Siteki, qu dau lomania. ¹⁰ Aqu loloma vo Apeli, e lei okaji ina vikwa va Karisito. Aqu loloma vuwadry na lewe ni were i Arisitopulo. ¹¹ Aqu loloma vo Irotioni, lequ wekani. Ou vo loloma vuwadru na lewe ni were i Narikiso, eri vo leya ga na Kalou. ¹² Aqu loloma vo Taraifina vata o Taraifosa, eru dau cakacaka ina veikwa ni Turaga. Aqu lolma vo Perisi e dau lomani, o kia e dau cakacaka valeru ina vikwa va Kalou. ¹³ Aqu loloma vo Rufu, okiya e dau djigitakinia me lea na Turaga, qainia la nene o Kiya vo lequ nene muni. ¹⁴ Aqu loloma vo Asinikarito, o Filekoni, vata o Erina, O Patiropa, Erimi vata qai nidru na viwekani e XX qeru. ¹⁵ Aqu loloma vo Filoloko, Julia, qainia O Niriu, vata o gwanea o Olimipa, vata qai nidru taucoko na na vo lotu, eru no qainidru no. ¹⁶ Mutu lomariko mutou vai niko mutou ina vireguci ena yalo savasava. Evo loloma yaji ve kemutou na lewe soqosoqo lotu taucoko ga ni Karisito. ¹⁷ Ia qu vo vamaimasi vuako mutou, na viwekani, me mutu kilajidru eru a tekivu takinia na veiburaji qainia na veikwa e dau vivataravetaki, e vo tasi kodaki na vaivuvuli mutu vavuvuli taki ke:la me kua ni veidonui qai nidru. ¹⁸ O rau eru kodaki ikwe, eru tasi qwaravi na ledu Turaga na Karisito, eru kete ga, iya na tata oka qai kamimakica, eru vo lawaki ke eru yaloga na wele. ¹⁹ Evo robojia na tamata taucoko na lemutu talairewarewa. Okia qu marautaki niko mutou kene: iya ro qu yalo ga me mutu vuku ina kwa oka, vata me mutu kua ni cala ni kwa bura. ²⁰ Ia na Kalou, i dau veivacegui ena butukia o Setani vawatoto e mutu ruku ni la-Me no vuako mutou na loloma ni ledu Turaga O Jisu Karisito. Emeni. ²¹ Evo lolma yaji vuako mutou i Jimoci, na lequ i tokani vata o Lusiu, O Jesoni, o Sosipeta, O Kuru O wekaqu. ²² O au o Teritiu, aqu volaia na ivola ikwe, qu vo lolona yaji vuwako mutou vena Turaga. ²³ Evo loloma yaji vuako mutou o keio, okia qu no ina leya were, vata qai nidru taucoko na nai soqosoqo lewe ni lotu O Erasito na dau ni yau ni rara ikwe e vo loloma yaji vuwako mutou, vata o Kuaritu i wekadatou. ²⁴ Me no keqo mutou na loloma taucoko ni ledu Turaga o Jisu Karisito. ²⁵ Iya i kiya vo kaikai me vataudei taki niko mutou me kodaki lequ i tukutuku oka, qai nia ka vunautaki o Jisu Karisito, me kodaki ni vo ratakei no mai na kwa e cilotaki, a cilo taki mai na gauna makewa sara, ²⁶ Ia evo qai varaitaki mai, aqai vatakilai vena ledru ivola na parofita, me kodaki na tata ni Kalou tawa mudu, ina vivanuwa taucoko ga meru vabaujiya vata meru talairewarewa ke. ²⁷ Io, vuwa na Kalou vuku takia, me du varokoroko e na vuku i Jisu Karisito, me kuwa ni mudu. Emeni.