¹ A qu qai tarogiya, a qai biujiya soko ra kalou na leya tamata? Se Jikai o vau na luve ni Isireli, a kwaya o Eparama, mai na Yawsa i Penijamini. ² Na kalou a tasi biujidru na leya tamata, o rau eru kilajia simata o kiya. Mutu tasi kilajiya re nai vola Tabu balejiya o Ilaija? Ni a beitaki nidru na Isireli o kiya vua na kalou? A vo kwa. ³ “I Jiova, e ru vo va matenidru na lemu parofrta, a ru ro keliya bale na lemu vicabocabo-ni-soro; Ia ni o au takiya gaqu vo vavo ro, e ru vodakiko au mequ va mate. ⁴ Ia na kwa a kwaya mai vuako au na kalou? “Ia niqu vo maroroi Jidru na lewe vitu na udolu na tamata, eru vo tasi tekiduru vo Peali. ⁵ E vo kodaki tale ga ke na gauna ikwe, e vu vo notuga na keyavo eru vo djigiya e na loloma. ⁶ Ia me ro kodaki na kwa ni loloma, ia ro tasi kwa ga ni cakacaka kelala na loloma e vo ina tasi kodaki na loloma. ⁷ Ia me kodaki ga ivei? Ni vu vo tasi rewajiya na kwa eru vadaniya ro orau na kwai Isireli, Ia o rau na djigiya eru rewajiya, ia o vu yalokaikai na keya vo. ⁸ Me kodaki na kwa e volai, ni va solia na yalo na kalou vuadru na daumoce, na mata eru tasi tola rewa, aqi niya na bebe e tasi rogo rewa, me yacovia mai na siga kwe. ⁹ A qai kwaya o Tevita, mutu biujiya na ledru tereli me lawa, me ledru dai, qai niya na kwa meru tacaqe ke, me kai sau talega na kwa bura. ¹⁰ Me gilogilo eru mata meru kuwa ni tolarewa, qai biujidru no ga meru kaere balenoga eri lobo. ¹¹ Aqu qai tarugia, aru qai tacaqe meru daroi bale sara?” Se Jikai? E Jikai sara. Ia na ledru daro bale, ena vo rewa ni vacolai na matanitu kanikiya, me tokomata takinidru. ¹² Ia kodaki, eru vo vutuniyau na vuravura i na vuku ni ledru daro bale, ni ru vutuniyau na vi matanitu kanikiya, ina Keya vo valailaitakinidru o rau iqoi, me kdaki ivei me va ojike? ¹³ Ni qu vo tata no yaji vuwako mutou na matanitu kanikiya, ni qu vo apositolo no vuadru na ni matanitu kanikujia taucoko aqu vo dokain ra cakacaka aqu lesi ke. ¹⁴ Ia ke qu na vuvu takinidru na lequi tokanu vayalo la mequ va cola nidru ke eso. ¹⁵ Ia kodaki e vo okaji mai o vuravura ni vo biu mai o rau iqoi, ena tasi kodaki na cola mai na mate ni ledru lomani tale. ¹⁶ Ia kodaki e va savasava taki nai sevu, ena kodaki talega ke na keya vo taucoko; Ia kodaki e va savasava taki e vu, ena kodaki talega ke e vitabana ¹⁷ Ia kodaki e vo musulaki dai eso e taba, la o iko, na taba ni olive ni vikai, vo lamai sema vata qainedru, mo cola vata qanedru e na vu ni olive vo uno; ¹⁸ Mo kuwa ni valevulevu taki niko mai vuadru na vi taba djina. Ia kodaki o na valevulevu taki niko, e na vo tasi rewa ni cola e vua balejiko. ¹⁹ Ona qai kwa “Io eru vo musu dai e katula djina, me qu rewa ni sema yaji ke o au.” ²⁰ E djina igi. Eru na musu dai mai balejiya niru jikai ni vabaujiya na Kalou ia mutu vo laino vakiya balejiya ni mutu vo vabaujiya. Mo kuwa ni dokadoka ke, ia mo matuku ga. ²¹ Kodaki a jikai ni vosojidru o rau na Jiu na Kalou o rau eru kodaki na taba ni olive djina, ke lala o numya me na vosojiko na o keya? ²² Ikei edu qai totaviya soko na leya yalo oka qaneya na leya varavara ni leya lewa na Kalou. Na keya varavora ni leya lewa vuwadru eru reba bale na leya yalo oka vuwalco kodaki o tudei no ga ina leya loloma ia kidaki o jikai ni tudei no one musuki dai muni. ²³ O rau na Jiu, kodaki eru na biujiya dai na ledru jikai ni vabaujiya, eru na mei lesu tale mai ina ledru tutu makawa, e rewaXX vuwa na Kalou me semajidru tale. ²⁴ O kemutou na kwai matanitu tani mutu kodaki na katula ni olive ni vikai kai e lai musu dai mutu jikai ni mataqali vata qaneya na olive tei mutu qai lamai sema vata ga. Ia o rau na Jiu eru kodaki ga na olive e tei, e jilcai ni dredrei vuwa na kalou me semajiya lesu tale ia ve vudjina. ²⁵ Vuwako mutou na viwekanu ikwe na kwa e cilotaki aqu okajiya mo mutu kilajiya ena vacoloniko mutou mai na vananu ni mutu vo tamata vukei. Na ledru yalo kaikai na jiu e na jikai ni dei rewa, me tacoviya na gauna eru lesu taucoko vuwe ne kalou nai wiliwili ni kwai vimatanktu tani e dodonu meru vacolai ²⁶ Ia me kdaki kwe, me ru vacolai taucoko o rau na kwai Isireli “Ena lamai o saioni o keya na i va cola, ena qai Kaudai na i valavala ouXX mai vuadru na Jekope, ²⁷ Ia ni vo lequ viyalayalaji ikwe vuadru, ni qu vo kaudai na ledru i valavala bura.” ²⁸ E nai tukutuku oka, eru vo vimecaki o rau balejiko mutou. Ia e nai lesilesi ga, eru na li okaji ga balejidru na qase. ²⁹ Ni na leya loloma vata qai niya na leya dau coco ena tasi visauvakiya. ³⁰ Ia me kodaki ni lemutu tasi vabaujiya re i mata na kalou, a qai yaco vuako mutou na loloma e balejidru ni ledru vatjitjiqa: ³¹ Me kodaki talega ke o rau na vo tasi vabaujiya me balejidru ni vo yaco vuako mutou na loloma me yaco Talega vuadru na loloma. ³² No vo sogolaji nidru vata na kalou e na vajijiqa, me lomani dru taucoko o kiya. ³³ Ni kwa djina ni nua na leya vutu ni vuku vata qai niya na leya yalomatua na kalou? Ni tasi kilai rewa na leya lewa, ni tasi lai dani na lewya i valavala. ³⁴ “O cei e vo kilajiya ra yalo ni kalou? Se o cei e vo leya i vavuvuli? ³⁵ “Se o cei e vo soliya re e kiay na kwa vua na kalou, me rewa ni saumiko lesutale ke na kalou?” ³⁶ Ni vo vu mai vua na kwa taucoko ga. Me balejiya talega, vata qai niya me leya talega: me varokorokotaki o kiya me tasi mudu. Emeni.