¹ A tolavidru o Jisu qai ca e I , io ni vo tadra i ra, aru qai la mai vuwa na jisaiveli, ² A qai tata o kiya, e vavulicidru, e kwaya," ³ E ru kalougata na malumalumu ni vo ledru na matanitu va lomalagi. ⁴ E ru kalougata o rau na dau tagi e ru na vacegui. ⁵ E ru kalougata o rau na yalo malua, e ru na taukenijia na vanua. ⁶ E ru kalougata o rau na mata kana qai nidru na mata somiya nai valavala dodonu ni ru na vamaumautaki. ⁷ E ru kalougata o rau o rau na dau loloma ni ru lomani. ⁸ E ru kalougata o rau na dau yalosavasava e ru na tolavia na Kalou. ⁹ E ru kalougata o rau na dau tataro, ni vo jiya na i luve ni Kalou. ¹⁰ E ru kalougata o rau eru vaburaburataki e na vuku ni valavala dodonu ni vo ledru na matanitu valomalagi. ¹¹ "Mutu vo kalougata ni mutu vo vasewasewanitaki qai vacacani qai tata vaburaburataki e na kwa taucoko e giri ve qu yaca. ¹² Mutu marau, mutu marau sara valevu na keya i sau mai lomalagi ni kodaki na ledru vaburaburataki na parovita aru cola i mata. ¹³ Mutou na masima i vuravura, io kodaki e vo lavele na kamica ni masima, e na qai vakamikamica tale ina cava? Qai tasi yaga i na kia na kwa, me biu ga i rara meru qai butukia na tamata. ¹⁴ O mutou na kakarama i vuravura. Na rara e vai nono ina Vatelaga e tasi cilo rewa ¹⁵ Vo jikai ni tutuvaki na sina, me qai no e ruku ni varau ni sila, na kea i nono ga e na qai kakarama jidru na no i yaloga ni were. ¹⁶ Me kakarama kodaki ke na lemutu kakarama e ru mata na tamata, me ru tolavia ke na lemutu i varau o kwa, me varokorokotaki nia o Tamamutou e no mai lomalagi. ¹⁷ Mutu kuwa ni vanumia ni qu vo lamai me qu va buratakinia na i vunau se na ledru vavuvuli na parovita, a qu tasi lamai mequ vadevucia mequ vayaconia ga. ¹⁸ A qu vu kwa djina vokomutou e takwali re o lomalagi qai niya o vuravura, e tasi takwali na i vunau e kiya na mata-ni-vola lailai se kiya e jiki lailai sara, me yaco sara ga. ¹⁹ Keya ikwe e lai kwai ke me lailai i na matanitu valomalagi, o kiya ya kiya e tasi varorogo i na kiya na i vunau ikwe e lailai sara, a vavulicidru ke na tamata, o kiya e vabaujiya qai vavuvuli takinia e vatokai ke me levu ina matanitu va lomalagi. ²⁰ A qu vo kwa vuwako mutou, kodaki e tasi toro cake na lemutu i varau o keya ina ledru na Vu-ni-vola qai nidru na Farisi, mutu na tasi unu sara ina matanitu valomalagi ²¹ "Mutu vo varogo a vo lai kwai devu i mata, 'Mo kuwa ni laba, 'Kodaki o laba o na lai ocaji i na matavilewai.' ²² Ia o au, a qu go kwa voko mutou, o kiya yakia e ocajia o wekaya, e na ocajia na matavilewai; o kiya e tata burataki niya o wekaya e vo bilitaki me bura, ena ocajiya na matavilewai levu o keya e vaburaburataki niya e lai ocaji i na buka waqa i eli. ²³ O keya kodaki e vo kau na lemu i soro i na cabocabo ni soro, a vo numiya mai ke e kiya na kwa a vo bilitaki ni ko ke o wekamu, ²⁴ deiniya tu na lemu i soro i na matamata ni cabocabo ni soro, no lamai re me muru lai vi okaji re i mata o wekamu devu qai lamai mo vacabo niya na lemu i soro. ²⁵ Watoto me muru vi okaji o kiya a beitaki ni niko, ni muru la vata i calevu, ke soliko o kiya a bilitaki niko vuwa na turaga ni lewa qai soliko vuwa na turaga ni lewa na ovisa, ko qai i were ni vevesu. ²⁶ A qu vo kwa vai jina vuwako o na tasi sere sara mai ke mo saumia devu re na i lavo. ²⁷ "A mutu vo varogo a vo lai kwai vuwadru I mata,no kuwa ni dau yalewa.' ²⁸ O au qu vo kwa vuwako mutou o kiya yakia e tolavia na lewa lailai me okajia a vo dauyalewa levu o keya e yaloga. ²⁹ Kodaki e vacalaniya mu mata i matau, liujiya dei kaudei vuwako, e oka vuwako me lavele e kiya mu jiki ni lala me kua ga ni biu i eli mu lala taucoko. ³⁰ Kodaki e vacalaniko mu lima i matau musu kiya dei, kau dei vuwako, ni oka vuwako ni oka vuwako me lavele e kiya mu jiki ni lala, me kuwa ga ni biu i yali mu jiki ni lala taucoko. ³¹ A vo lai kwai tale ga o kiya e deiniya na la yalewa me solia vuwa na i vola ni vi biu.' ³² Io o au qu vo kwa vuwako mutou o kiya e deiniya na la yalewa e tasi dau teigwane o keya e ru vo viwajini vata o keya e vo dai, ia e vo dau yalewa. ³³ Mutu vo varogo muni a vo lai kwai vuwadru imata mo kuwa ni giri i na lemu bubului,mo vavea vuwa na Turaga na kwa o bubului ke. ³⁴ Io o au aqu vo kwa vuwako mutou,Mutu kuwa sara ni bubului kuwa i lomalagi ni vo ja i nono va Turaga ni Kalou. ³⁵ Kuwa i vuravura ni vo niya kai tutu qu la kuwa i jerusalemi,ni niya la rara na Tui levu. ³⁶ Na ni bubului i mu ulu, o tasi vukiciya rewa mu rau ni vulu me bucobuco se me lolo. ³⁷ Na io ga na io me jikai ga na jikai na lemutu tata na kwa e levu e tubu ke na bura. ³⁸ Mutu vo varogo a vo lai kwai me keya i sau na mata na mata,keya i sau tale ga na bati na bati. ³⁹ Io o au, aqu vo kwa vuwako mutou, mutu kuwa ni vi sasaumitaki niya na bura kodaki e kiya e sabiciya mu kaliga i matau soliya tale ga kai karua. ⁴⁰ Kodaki e kiya e mata meiko ina matavilewai me kau dei na lemu i curucuru dei niya me kau dei muni na lemu i taboi. ⁴¹ Kodaki e kiya e tagoraki niko me muru lavata ina kiya na maile, la qai nia na keya i karua. ⁴² Solia vuwa o kiya e lamai kerekere vuwako, ia mo kuwa ni vuki kanikia vuwa, ni vo mata kerevia vuwako e kiya na kwa. ⁴³ Mutu vo varogo a vo lai kwai mo lomaniya o wekamu, mo burajiya na lemu meca. ⁴⁴ Io o au qu vo kwa vuwako, lomanidru na kemu meca qai masulaki nidru o rau e ru dau vabura ni ko. ⁴⁵ me rewa ni Tamadatou mai lomalagi. Ni vo vacabe niya mai na matanisiga vuwadru na tamata bura qai niya na tamata oka, qai vatau niya na luvu vuwadru na yalododonu qai nidru na tasi yalo dodonu. ⁴⁶ Io kodaki du vo lomanidru o rau eru dau lomaniko datou, na cava na keya i sau? eru tasi vaveya kodaki i kwe o rau na dau soqoni jiya na i vacavacava. ⁴⁷ Kodaki du vikidavaki vuwadru o wekadatou na cava du toro cake ke? aru tasi vavea kodaki kwe o rau na vi matanitu tani. ⁴⁸ O keya me mutu qai oka sara, me kodaki na leya oka o Tamamutou e no mai lomalagi.