¹ E qai vatautaucatataki na matanitu valomalagi qenia na yalewa e lewe Jini okuru sa dui kau na ledru sina meru lai vo tata qenia na teigwane se qai vawaji. ² Vata e lewe lima vuwadru na vuku qai lewe lima take eru riva ³ O Kuru na riva o Kuru vo kau na ledru sina aru vo tasi kau vata na waiwai ⁴ Ia okuru na vuku aru kau na waiwai e na ledru tavaya vata na ledru sina ⁵ Ia vo balavu na teigwane a qai vayalewa eru qai sosova taucoko aru mose ⁶ Vo qai lomaloma ni bogi levu na vanua a qai coco, qai tolavia ni vo lamai na teigulawane a qai vawaji medu lai sotaqenia ⁷ O kuru qai tucake taucoko na yalewa ikwe, o kuru vo varautakinia na ledru sina ⁸ A Kwaya Ko vau na riravuwadru na vuku solia mai voko yau e kiya na lemutu waiwai ni vo Boko na lemutu sina ⁹ A vo kwaya o kuru na vuku vo Jikai ni virauji vo kedatou E oka medu la ga vuwadru na dauveivoli mo volia na lemutou ¹⁰ Ia o kuru vo la meru vivoli vo lamai na teigwane vo qai vawaji Io o kuru ro varau ojitu, eru vo unu vata kwaya ni na kana magiji a vo qai sogo na mataniwere ¹¹ Vo qai la talega mai i bere orau na yalewa o Kiya a qai kwaya, lequ turaga lequ turaga dolavia vo kemadou ¹² A saumia qai kwaya, E djina ni qu kwavuako, Aqu tasi kila jiko. ¹³ Saravia imata vuako ni ko tasi kilajia na siga qenia na yaua. ¹⁴ Me vo kadaki e kia na turaga e varau ni la e kia tale na vanua. E covia na lea tamata vacakacaka e qai solia na na lea i yau. ¹⁵ A vo solia e lima na taledji, vua e kia tale a solia e rua vata e kia me vo kia takia ga. ¹⁶ O kia e qulumia e lima na taledji a la ga vak ia qai vagataki nia me vivoli ke, qai vakuritaki tale e lima na taledji. ¹⁷ Me vo kodaki talega o kia e reajia e rua na taledji qai vakuritaki tale e rua tale na taledji. ¹⁸ Ia o kia e rewajia e kia na taledji a vo kelia kia na qwara, colotaki nia nailava ni lea turaga. ¹⁹ A vo balavu a lesu tale mai na ledru turaga na tamata ikwe qai lamai tarogidru. ²⁰ Na tamata a rewajia e lima na taledji a qulumia tale no mai e lima tale na taledji. A qai kwaya, lequ turaga na lima na taledji o solia to lovia aqu vo rewajia tale mai na lima na taledji ma kea sosomi. ²¹ Qai kwaya na lea turaga, e vo oka, ni iko tamata dau djina, o vo djina ena vica ga na kwa, qu na solia vuako na kwa taucoko, sita ina lea marau ni lemu turaga. ²² I kia erewajia e rua na taledji a qulumia tale no mai e rua na taledji. A qai kwaya, lequ turaga na rua na taledji o solia, tolaria aqu vo reajia tale ma na rua na taledji me kea sosomi. ²³ A qai kwaya na lea turaga, e vo dau oka na tamata oka qai dau djina, O vo djina ena vica ga na kwa, aqu vo solia na kaikai mo lewaia na kwa taucoko ga, sita ina marau ni turaga. ²⁴ Ia o kia e kia ga na lea taledji, a lamai qai kwaya, lequ turaga, aquvo kilajiko. No o vo tamata lawa ki qai dredre, O vo musukia na vanua a tasi kabukaburaki ke, o soqonijia mai na Nanua o tasi vibiuyakinia kene. ²⁵ Qu mataku, qu qai lai cilonia na le qu taledji ina yaloga ni qwele, tolavia, ikwe na lemu vo no tale tu vuako yau. ²⁶ A qai tata vua ina lea turaga, qai kwaya, e tamata bura qai dau vu cesa! Ovo kilajia niqu musukia na vanua qu tasi kabukaburaki ke, qai soqonijia mai na vanua otasi vibiu yakinia kene. ²⁷ O kia e doudou vuako mo solia na lequ ilavo vuadru na taikei ni baqe, ni qu volayaji mequ lai qulu mia na lequ vata na lea ker e dere talega. ²⁸ O kia me mutu kaudei vua na taledji, qai solia vua na kwa e vo notu na taledji e Jini ²⁹ Ni notu vua na tamata e kia na kwa, ena qai solia vua na kwa leru me lea: Ia na tamata e jikai tu na lea yaya, ena qai kau dei mai vua na kwa vo notu vua. ³⁰ O kia na tamata e tasi yaga o kia e dodonu me biu na gilogilo i rara: e na qai tagi. Qai quruquru baji tu. ³¹ Na siga ena lamai ke na luve ni tamata, ena lea i uku uku, qei nidru na lea agilosi yalo savasava taucoko, ena vo nokoto e lea inono vaturaga e vo vaiuku uku. ³² Ena qai soqon i veru mata na lewe ni dui vanua taucoko, na tawasejidru rua o kia, me vo kodaki na dru vatawa sipi evo tawasejia o kuru na sipi mai vuadru na me. ³³ E qai vanonia o kia na sipi ina lima i matau, qenidru na me ina liga maw i. ³⁴ E na kwaya na Tui vuadru na lea lima matau, mutu lamai, o kia vo vakalougatataki vaudru na lequ Momo me mutu rewajia na matanitu e vo varauta kinia na lemutu mai tekivu i vuravura. ³⁵ Ni qu matakana, avo solia mai vo yau na kakana , a qu vo matasomu, me mutu va so muni ko yau, ni qu ja runilagi, mequ mei ko yau ina lequ were. ³⁶ Qu tasi vaisulu, mutu vaisulu takiniko yau, qu tauvimate, mutu lamai tolaviko yau: ni qu no koto ina were ni vevesu, niru a lamai vuako yau. ³⁷ E na qai tata o kuru na yalododonu vua, na turaga, madu to laviko re i vei ni o mata kana, madu qai vakaniko? Se o mata somu, madu qa vasomu niko? ³⁸ Madu tolaviko gauna cava ni ko a vunilagi, qai memadou i were? O tasi vaisulu, madu vaisulu niko. ³⁹ Se madu tolaviko iv ei na gauna iko tauvimate, se o noko i were ni vevesu, la madu layaji vauko. ⁴⁰ E qai tata na tui, qai kwaya vuadru, aqu vo kwaya djina vuakomutou, ni mutu a tara vua e kia evo lailai vuadru lequ wekaya, ni aru tara vo yau. ⁴¹ Ena qai tata vuadru e ligai mawi o ni o vo lade i mai vokoyau ni o vo ocaoca, na quto mudre ena qai boko, ni vo varatuakinia na lea nitu na lea agilasi. ⁴² Ni qu matakona mutu tasi solia vuakoyau: qu mata somu, mutu tasi solia vuakoyau me qu somu. ⁴³ Ni qu vunilagi, mutu tasi meiko yau ina lequ were, mutu tasi vaisulu niko yau, tauvimate qu nokoto i were ni vevesu, mutu tasi lamai tolaviko yau. ⁴⁴ E qai tata vuadru o kia qai kwaya, na turage, madu tolaviko guana caba ni o mata kana, mata somu, o vunilagi, se o tasi vaisulu, tauvimate, se o no koto no i were ni vevesu, madu a tasi ni qwaraviko. ⁴⁵ E qai kwaya o kia vuadru, qu vo kwaya djina vuako mutou, ni mutu tasi tara e kia na kwa vua na kwa lailai vuadru taucoko, mutou nu ta tasi tara talega vo yau. ⁴⁶ E ru na qai la me ru lai ocaji ina tawa mudu, ia o kuru eru yalododonu e ru na la ina bula tawa mudu.