¹ Vo qai kwakwa o Jisu vuodru na lewe levu, vuadru talega na lea Jisovdi, ² Qai kwaya, Eru vo nokoto mai la were o o Mosese o kuru na vunivola qai nidru na Farisi. ³ Kodaki eru varojiko mutou na kwa me mutu tara, tekucia na kwa ru kwaya vara mo vaqaqaidru. Io, me mutu kua ga ni tekucia na ledru ivalavala, niru vo kwakwa ga lo ru tasi tara. ⁴ Niru vo vauci ina colacola bibi e dredre ni calaji, niru vo biujia vuadru na tamata; elu vo tasi mata yavalajia e kia ru jiji ni lima. ⁵ Io eru vo kitakinia na ledru cakacaka taucoko meru lai tolavi ke: eru vo varabailevutakinia na ledru numia tabu, niru vo valevutakinia no ledru tutu ni sulu. ⁶ Niru vo okajia nai nono vaturaga ni ru kana vata, vata nai nono ni qase ina viweie ni tolu, ⁷ Vata na vikidavoki ina virara ni vivoli, me vatokai talega vuadru na tamata, vavuvuli. ⁸ Ia vo kemutou, mutu kua ni vatokai me kia take me vavuvuli: ni vo kia vauga na lemutu vavuvuli, io ni mutu vo viwekani ga. ⁹ Mutu kua talega ni vatokania e kia me lemutu kalou i vuravura, ni vo kia bauga na lemutu kalou, o kia mai lomalagi. ¹⁰ Mutu kua taloga ni vatokanidru me Turaga, ni vo kio vauga na lemutu Turaga, o kia na Kansito. ¹¹ Io o kia e uacivi cake vua o komutou, mo lemutu tamata o kia. ¹² Ia I kia ena valovulevunia mai, ena vamalumalumutaki ia o kio ona vamalumalumu takinia mai ena valevulevui cake. ¹³ Io o bura vo kemutou, na vu-ni-vola vata no Farisi, na dauvivokwaisini ni mutu vo sogojia na matanitu valomalagi vuadru no tamata: ni mutu vo tasi unu rewa ina matanitu valomalagi, se mutu biujidru meru unu ga o kuru na vo unu no. ¹⁴ E bura vo kemutou na vu ni vola vata na Farisi, na dauveivakwaisini! Ni mutu vo kocovia na ledru iyau na yada, ni mutu vo macu vabalavu no me vivakwaisini: o kia ikwe mutu na lai ocaji valevu cake ke. ¹⁵ E bura kemutou, na vu-ni-vola vata na FArisis, na dauvivakwaisini; ni mutu ra lavia no wasawasa vata na vanua me mutu vukicia e kia me lotu me kodaki o kemutou; ia ni vo rewa, mutu vo vavunia me luve ni eli me uacivi varua mai bo kemutou. ¹⁶ E bura vo kemutou, na ivavuvuli mataboko! Mutu va kwaya, o kia ena bubului ina wero ni soro, ia eva kwa wale; ia o kia ena bubului ina kaula ni were ni soro, io ena vauci ga ke o kia. ¹⁷ No lialia vata na matavoko! O sei vuadru e levu cake na lea koula, se lea were ni soro vo vatabui ke na kaula? ¹⁸ Ia, o kia ena bubului ina icabocabo-ni-madrali, evo kwa wale; ia o kia ena bubului ina madrali vo na ke, vo vauci ke o kia. ¹⁹ Na lialia vata na mataboko! O cei vuadru e levu cake, nai madrali, se na icabocabo-ni-madrali vo vatabuniya na madrali? ²⁰ O kia vo vuvului i nai cabocabo-ni-madrali, vo bubului ga ke o kia, vara na kwa taucoko vo no ke: ²¹ Ia, o kia vo bubului ina were ni soro, vo bubului ke, vo kia taoga evo no ke: ²² Ia o kia vo bubului i lomalagi, evo bubului ina nono vaturaga ni Kalou vo kia tolega evo no ke. ²³ E bura vo kemutou, na vu-ni-vola vata na Farisi, na dauvivakwaisini! Ni mutu vo solia na i kajini ni botobotekoro, vata na mau kodaki ikwe, ia ni mutu vo biujia na vikwa bibi ina vunau, na ivalavala dodonu, na loloma vata na vadjinajia: o kia vo kilikili me mutu kitakinia, me kua taloga ni biu doi ke. ²⁴ Nai vavuvuli mataboko! Mutu vo tauvulonijia me biu na na`na`, ia na kameli mutu vodrogia ga. ²⁵ E buia vo kemutou, na vu-ni-vola vata na Farisi, na dauvivakwaisini! Ni mutu vo vasavasava takinia na bilo vata na dari e no ibere, ia e yaloga vo vuqa tu ke na daudriva vata na garogaro. ²⁶ Na Farisi mataboko! Mo vasavasavatakinia re na yaloga ni bilo vata na dan, ma qai savasava talega ke e no i bere. ²⁷ E bura vo kemutou na vu-ni-vola vata na Farisis, na dauvivakwaisini ni mutu vo kodaki na viwere ni bulubulu boro bucokuco, ni vo rairai oka e no ibere, ia iyologo e vuqa ke na tua ni mate, vata na kwa taucoko e velavela. ²⁸ Vi jidaju talega ke o kemutou, mutu va tolatola i taudaku vuadru na tamata meru tamata dodonu, ia iyaloga mutu vo vuqa vuadru na dauvivakwaisini vata na kwa e tasi dodone, ²⁹ E bura vo kemutou na vu-ni-vola vata na Farisi, na dauvivakwaisini! Ni mutu vo tara na ledru were ni bulubulu na PArofita, meru vaukuukutakinia ledru viwere ni bulubulu na tamata yalododonu ³⁰ Qai kwaya, kodaki edu vo cola ina gauna ni ledu qase, edu vo dua na lomavata qai nidru na ledru vamate na parofita. ³¹ O kia ikwe evo lai kwai ke vo kemutou, ni mutu vo ledru iluve o kuru na vamate nidru na parofita. ³² Ia, me mutu vavuqani komutou na ivarau ni lemutu qase. ³³ Na gwata, na luve ni gwata lolo! Mutu na tuba rewa ivei mai na oca mai eli? ³⁴ Ia mutu tolavia, aqu na vatalajia yaji vo kemutou e vica na parofita, na tamata vuku, vata na vu-ni-vola: ia e yavalu vuadru eru na vamatei mai na kauveilatai; ka yavalu eru na vakanakuitataki mai werenilotu, meru no qai lairovi mai na kia na rara ve kia tale na rara. ³⁵ Me yaco ke vo kemutou na icau ni dra na tamata yalo dadonu taucoko vata meru na ramate ivuravura: mai e dra a E pali na yalodadonu ka yaco ve dra o Sakaraia na luvei Parakaia, o kia mutu vo vamatenia ina tadrua ni were-ni-soro vata na icabocobo-ni-madrali. ³⁶ Aqu vo kwaya vaidjina vo kemutou, Na kwa taucoko iqoi ena yaca vena tabatamata ikwe. ³⁷ Isa Jerusalemi! Ias Jerusalemi!, o iko vo vamate nidru na parofita, vavirikidru mai o kuru na va lai vaatala yaji vuako, aqu a numia no ga vavica mequ soqoni jidru na iluve, me kodaki o kuru na to yalewa evo soqoni jidru la iluve me la ruku ni vukavuka, ia mutu vo tasi okajia! ³⁸ Tolavia, vo qa biu kemutou na lamutu were me lala tu: ³⁹ Niqu vo kwaya vo kemutou, mutu na tasi tolaviko au tale, io mutu na kwaya tolo ramalua, vo kalougata o kia vo lamai ena yaca ni Turaga.