¹ O Kemutou na Turaga mutu solia vuadru na tamata na kwa e dodonu me tautauvata, ni mutu vo Kilajia vo kia talega na lemutou Turaga ma lomalagi. ² Me mutu dau masu noga, Ka mo cikevia noga mo vaokaoka noga. ³ Me mutu masulaki niko madou noga me dolavia vo Kemadou na Kalou na mata ni were me madu tata me madu kwaya na kwa vuni balejia na KArisito. Okia quvo vesu noke. ⁴ Mequ vatakia ikwe, me kodaki vo kilikili voka yau mequ kwaya. ⁵ Mutu ia noga nai valavala vuku vuadru na taudaku, me mutu volia me lemutou na gauna ⁶ Me ia noga na lemutu tata ina yalo oka, ka me vakamikamica taki vana masima me mutu Kilajia ke se cava vo dodonu me mutu kwaya vuadru na tamata ya kia. ⁷ Ena kwa taucoko vo kemutou na kwa taucoko vo yacovi ko yau ko titiko, na wekamu squ vo lomania, bata nai talatala yalojina, vata na lequ tokani na Turaga. ⁸ Io quvo vatalajia vo Kemutou, ena vuku ni kwa ikwe, metu kilajia na lemadu nokoto, me vacegu nia mutu talo, o kia. ⁹ Orau vata o onisimo, o wekaqu vo dau yalojina quvo dau lomania, o kia e kia vo kemutou. Okia na vatakia vo kemutou na kwa taucoko vo tara no yaji ikei. ¹⁰ Vo looloma tu yaji vo kemutou o Arisitaco Kemaru vo vesu ki vata, o Marika e luvea o gwanea o panapasa. Okia mutu vo varoji devu ke, kodaki e vola vo kemutou, me mutu qai vacegu nia. ¹¹ Ko Jisu e yaca muni o Jusito, eru vo cili. O kuru ga ikwe eru vo daucakacaka qenico yau ena kwani matanituni kalou 10 eru vo dau vacegu niko yau. ¹² Vo loloma tuyaji vo Kemutou o Epafina, vo kia vo kemutou, nai talatala i Karisito Jisu, vo dau gumatua noga nivo masulaki nikomutou me tu dei va oka sara vo vavuqa nia taucoko sara ina kwa ni Kalou. ¹³ Niqu vo vakwajina taki nia vua, ni vo yalo Katakata sara vo kemutou, balejidru muni na Leotisea, bata qenidru na Alarapoli. ¹⁴ Vo loloma tu yaji vo Kemutou o Luke na vuniwai lomani vata o Timasa. ¹⁵ Qu vo loloma tu yaji vo wekamu tou taucoko mai Leotisea, vei Nimifa muni , vuadru na lewe ni soqosoqo lewe ni lotu i ledru were. ¹⁶ Ia ni vo wili oji, na vola ikwe no kemutou, me mutu lewaia me wili muni vuadru na soqosoqo lewe ni lotu vei Leotisea, me mutu wilikia muni nai vola vuadru na Leotisea. ¹⁷ Kwaya muni vo Akipo, Mo vadania na cakacaka ikwe mo rewajia mai vua na Turaga mo tara sara. ¹⁸ Aqu vo loloma yaji qu vo volaia vequ lima jina, o yau o Paula. Mutu numiko yau ni qu vesu no. Me lemutou na loloma. Emeni.