¹ O Paula, na leya avositolo o Jisu Karisito ina lewa ni Kalou, qeniya o Jimoci na leya Tacini ² Vo rau eru vo lotu qai viwekani djina qenia na KArisito, eru no koto mai iKolosa ³ Maru vo vaokaokatakiniya na Kalou, leya momo ledu Turaga o Jisu Karisito, madu na masulakinkio mutou ⁴ Ni maru a rogouya na lemutu vabaujiya na KArisito o Jisu, qeniya na lemutu loloma vuadru taucoko eru vo lotu, ⁵ Ina vuku ni kwa mutu vo vanuinuitakiniya, o kiya e vo maroroi mai lomalagi me lemutou, iyo mutu rogociya ke ve na tata djina ni tukutuku oka, ⁶ Vo yaco vuwako mutou, me kodaki talega i vuravura taucoko; a vo vuwatakiniya e vuwa, e vo tubu no, me kodaki talega ke vuwako mutou na vo ekivu qeniya na siga mutu a rogociya ke, qeniya na siga mutu kilajiya djina ke na loloma ni Kalou. ⁷ Me kodaki mutu vo kila jiya mai vo Epafira, na lemaru icaba lomani, iyo na leya italatala yalo djina na Karisito buwako mutou. ⁸ O kiya muni ga vo kwaya vuwako maru na lemutu loloma ina Yalo Tabu. ⁹ Ia na vuku ni kwa ikwe o maru talega vo tekivu vata ina siga maru a togociya ke, maru vo kikai ni cegu ke na masulakiniko mutou, madu masu me rewa ni mutu va tawani ina lemutu kilajiya e yalo, ina yalomakuga qeniya na vuku vaylo taucoko ga. ¹⁰ Me mutu vatekuciya na ivarau e dodonu qenidru na leya na Turaga, me okajiya taucoko ga okeya, me mutu vavuwa ina cakacakaoka taucoko ga, me tubu cake talega na lemutu kilajiya na Kalou; ¹¹ Me mutu kaikai mai ina kaikai taucoko ga, me kodaki na leya kaikai vaidjina, me tubu na vosojiya taucoko ga qeniya na dau vosojiya vabalavu ina marau. ¹² Me mutu vaokaoka vuwa na ledu momo, o kiya vo varautakiniko datou medu rewajiya na ledrui votavota eru vo yalo savasava, ma kakarama ¹³ O keya vo vacoloniko datou mai ina lewa ni gilogilo, a vo meiko datou ina matanitu ni leya luve ni toko ¹⁴ O kiya edu vo rewajiya na colo ina vuku ni leya dra, ni vo boko na ledu ivarau bura ¹⁵ O kiya na iyaloyalo ni Kalou vo jikai ni lai dani, na vo vatubuniya imata qai bere na kwa taucoko e vai. ¹⁶ Ni vo vaveya na kwa taucoko ga o kiya, se ru notu mai lomalagi, se ru notu inuravura, vo lai dani se ru tasi lai dani, se ru nono vatusqwaqwa, se vimatanitu, se ru tuqwaqwa imata, se ru tuqwaqwa kaikai: o kiya vo vaveya na kwa taucoko ga, iya, me leya talega. ¹⁷ A vo cola imata o kiya qai bere na kwa taucoko ga, a vo vatau deitakiniya na kwa taucoko ga okiya. ¹⁸ O kiya na ulu talega ni lala, ina soqosoqo lewe ni lotu: o kiya na vatekivu, na qase mai na mate; me levu cake ke kiya ina kwa taucoko ga. ¹⁹ Ni vo lai okaji me vuqa o kiya ina kwa taucoko ga. ²⁰ Me vaviokajitakinidru na kwa taucoko ga e vuku, ni vo vaveya na kwa ni viokaj i ina leya dra ni vo vakoji ina kauveilatai: lo, e vuku ga eru notu mai vuravura se ru no tu mai lomalagi ²¹ O mutou talega, mutu vo kwai kanikiya imata, ni a meca ve mutu vu ni yalo ina kwa bura, bo qai vivaokajitakiniko mutou o kiya. ²² E yago va lewe ni vo mate, me varaitakiniko mutou ke ni mutu vo yalo savasava, ro jikai ni lilitaki rewa, vo jikai talega ni vunauci rewa re mata. ²³ Kodaki mutu vo vabaujiya no ga, se mutu vataudeitakiniya, se mutu vakaikai takiniya, se jikai ni vuki dei mai na inuinui ni tukutuku oka mutu a varogo, a vo vunautaki vuadru na tamata taucoko ga e nokoto ve ruku o lomalagi; iya, o yau o Paula qu vo djigitaki mequ keya italatala. ²⁴ Aqu qai marau ni qu vo vararawataki balejiko mutou, qu vauaconiya ke vaqu lala na keya vo noa rarawa e vuku o Karitiso qeniya keya vu ku e lala, o kiya isoqosoqo lewe ni lotu. ²⁵ Aqu ro djigitaki ke me qu keya italatala, me kodaki na vidjigitaki ni Kalou, qu vo djigitaki ke me balejiko mutou, me qu vayaconiya na tata ni Kalou. ²⁶ Na kwa cilo igi cilotaki mai vuadru na itabatamata ina gauna imata; iya, vo qai varaitaki mai vuadru na leya tamata yalo savasava ²⁷ Ni vo okajiya na Kalou me vatakeya vuadru na keya vaidjiina qeniya na keya oka na cilo ikwe ina kedru maliwa na vimatanitu; iqoi noKArisito ve mutu yalo, na vuni keya niutaki na kalougata. ²⁸ O kiya madu vo vunautakiniya, ni madu vo valasalasa no na tamata yakiya ina vuku taucoko. ga; me madu varaitakiniya ke na tamata yakiya ni vo oka sara ve vuku o Karisito: ²⁹ Iqoi na kwa qu vo dau vaveya talega ke, qu vo gu mai kali talega me kodaki na leya cakacaka vo mana ve qu yalo.