¹ Ni vu devu na vi kwa ikwe, avo keidei a Paula i Accni me la Koronica ² Ia kei gi aru qai sota e kiya na Jiu e yaca o Akuila, E sucu mai Ponito, o kiya e lamai Itali qai niya na leya yalewa o Virisila, balejia a varojidru taucoko na Jiu o Kiloliu meru vagwalaladai mai Roma. A qai la vumadru o Paula, ³ Qai belajiya ga ni tautauvata ledru cakacaka a qai lai no qai nidru no qai bukeidru e na vai werelaya . ⁴ A vo vunau no i werenilotu ena visigatabu taucoko; A vo vewajidru na kwai Jiutia qai nidru na kwai Kinsi. ⁵ Ia na gauna eru vo lesu mai kei i Mesitonia o Sailosa qainiya o Timoci, A qai dercia na Yalo Tabu o Paula me vunaucidru na Jiu nia Jisu na Karisito. ⁶ Na gauna aru no saqaviya, ru ocajiya ke, A qai kurejiya na leya i sulu o Paula qai kwa vuwadru, “Ena balejiko mutou ga na lemutu rusa, Ena tasi bale vuako yau.” ⁷ A qai biubiu mai kigi a qai la i na leya were o Taito Jusitu, ero tamata e dau lotu no vua na kaou. Na leya were e volika jiya no na were – ni – lotu na leya were. ⁸ A vo vabaujiya na Turaga o Kirisipo, na turaga ni were-ni-lotu, vata qai nidru na leya mata-vu-were;Aru qai leru na kwai koronica aru qai rogocia, a ru sqai vabaujiya meru li vavitaiso taucoko. ⁹ Na kalou a qai kwaya vo Paula e na bogi ni raivotu, mutu kiwa ni mataku, mutu tata me mutu kuwa ga ni galu no. ¹⁰ Niqu vo noqai niko mutou vata no, ia era tasi rewa ni kiya e rewa ni Sagaiko mutou; ni vo lewe levu na lequ tamata eru nokoto no i na rara ikwe. ¹¹ O Paula a vo nokoto no i kigi va yabaki kiya qai vula oro, me lai vavuli adru na tata ni kalou ¹² Ia na gauna a ro Turaga mai Akaia o kalio, a ru vo lomarata na Jiu meru qulumiya o Paula vakaikai, a ru vo meya i na mata ni nono ni vilewai. ¹³ Aru qai kwaya, “okiya ikwe e vavulicidru no na tamata meru masu vua na kalou me kuwa ni kodaki na vunau.” ¹⁴ Ia na gauna a rarau ni tata ke o Paula, a qai kwaya o kalio vuadru na Jiu, “o Kemutou na Jiu, kodaki e kiya ra kwa mutu kocovia, no , se kiya na kwa bura leru, e dodonu mequ vosojiko mutou. ¹⁵ Ia kodaki e vileji taki nai vavuvuli, vata qai niya na vi yaca tale eso, vata qai niya na lemutu vunau, mutu lewaia ga niqu na tasi mata lewaia na vikwa ikwe. ¹⁶ A qai rovidru i rara o Kalio i na tadratadra ni were ni vilewai ¹⁷ A ru qai qulumiya o sosicera na turaga ni were-ni-lotu, a ru qai qou laki niya i ra tadratadra ni were ni vilewai. Ia o kalio a tasi mata kawai takiniya va kwa e ru vareya vua. ¹⁸ Na gauna a ro oji mai ra leya nokoto no i na were-ni-vilewai e vica vato tale na siga, a qai biujidru tu mai na leya tokani, a ru qai soko i siria, vata qai indru o Pirisila qai niya o Akuila. Na gauna a Sibere ni biubiu mai i Kenikiria, a qai Kojiya Simata re mai e Ulu, balejiya ni lomaloma rua tu o kiya. ¹⁹ Va gauna aru vo yaco ke i Efeso, o Paula a qai biujidru tu yaji, ia o kiya takiya ga a la i were-ni-lotu, me la i vavulicidru na Jiu ²⁰ Na gauna aru vo tarogia ke o Paula me nokoto tu re, o kiya a qai kwaya Jikai. ²¹ Ia a qai tatauga o kiya me vo la soko, a qai kwa o kiya, “a qu na lesu tale ga mai vuako, kodaki me jiya na leya lewa na kalou.” A qai biubiu tale mai kigi i Efeso o kiya. ²² Na gauna a ro kele i sisana o Paula, a qai lacake o kiya me la i vikadaraki vuadru na were-ni-lotu i Jerusalemi, oji igi a qai labale tale mai i Antioki. ²³ Ia ni vo no balavu no, a qai biubiu mai kigi, a qai lai vadodonu sara na vanua o kalatia, qai niya o Firijia, a qai vataudei taki nidru taucoko ga o rau eru vo lotu. ²⁴ A kiya na Jiu e yaca o Apolosa, e sucu mai i Alekisadria, e dau kiya ina tamata e dau tata va vuku, e rewajiya sava me kwaya na Vola Tabu o kiya. ²⁵ Ia o Apolosa, e dau vatavuvuli Jidru me kodaki me dau vatavuvuli Jidru na kalou. Ia e katakata e yalo, a qai kwaya o kiya qai vunau takiniya va gumatua na reikwa ni Turaga, ia e vo kilajiya no ga na Vavitaiso i Joni ²⁶ O Apolosa a qai tekivu me tata va bolebole i na were-ni-lotu. Ia na gauna aru vo rogocia ke o Akuila vata sqai niya o Pirisila, a ru qai biubiu vatutu, a ru qai kwaya noga na tata ni kalou. ²⁷ Ia na gauna a vo mata layaji i Akaia o kiya, o rau na leya tokani a ru vi vauqetji niya me volaia vuadru na Jisereli i Akaia meru Kidavaki niya. E vukeidru valevu o rau na vabaujiya e na loloma ²⁸ Ni vo kwa gumatua Sara na leya rewa jidru na rewarewa no Jiu, e na vileji vuadru, ni vo vatakiya mai na i Vola Tabu ni o Jisu na Karisito djina.