¹ O keya ikwe madu jikai ni rewa ni vosojiya rewa, maru vo okajiya ga me ru dai takiya ga i Aceni, ² ia maru vo vatalajiya ga o Jimoci o wekamu, qaneya na i talatala ni Kalou, vata na lemaru i tokani ina keya i tukutuku oka o Karisito me vadeitakiniko mutou, me varojiko mutou ina vuku lemutu vabaujiya. ³ Me kuwa ni kiya i vuwako mutou me lai vasavulitaki ina vuku niru rarawa ikwe, ni mutu vo kilajiya ikwe ga na kwa du vo lesi ke. ⁴ E djina ni madu a no qaneko mutou no, madu a kwa i mata vuwako mutou nidu na vararawataki, evo yaco me kodaki ke, ia mutu vo kilajiya no ga. ⁵ Ina vuku ni kwa ikwe, aqu jikai ni rewa ni vosojiya no, aqu a qai talatala yaji mequ kilajiya na lematu vabaujiya, ke virtaki niko mutou o rau na dauvere, me na yaco me kwa wale na lemadu cakacaka. ⁶ Ia nivo lamai i vuwako mutou o Jimoci i vuwako madou muni, evo kau no mai na i rogorogo oka ni lemutu vabaujiya qaneya na i loloma vata na lemutu numiko madou oka no ga, lemutu okajiya valevu mo mutu tolaviko madou, me kodaki muni ke na lemadu okajiya a me madu tolaviko mutou. ⁷ O keya ikwe madu vo vacegu ke me balejiko mutou, na viwekani ina vuku ni lemutu vabaujiya, ina lemadu rarawa taucoko ga ⁸ qaneya na lemadu jikai vacegu. Ni madu vo qai cola, kodaki mutu tudei no vuwa na Turaga. ⁹ Ia evo na kodaki ga igina na lemudu vaokaoka e levu me madu na vaveya vuwa na Kalou me balejiko mutou, ina vuku ni lemadu reki taucoko madu vo rekitaki niko mutou e mata na ledu Kalou. ¹⁰ Ni madu vo masu valevu sara ina bogi qaneya na siga, me madu daniya mutu mata me madu jiniya oka na vikwa e jikai tu ina lemutu vabaujiya? ¹¹ Ia me tuberiko madou reware na Kalou na ledu momo vuwako mutou, qaneya na ledu Turaga o Jisu. ¹² Ia me valevu taki niko mutou na Turaga me mutu uasivi cake ona loloma vainiko mutou, vuadru muni na tamata taucoko ga me kodaki na lemadu dau lomaniko mutou. ¹³ Me vadei takiniya o keya mutu yalo yakiya me kuwa ni bura. ¹⁴ Kodaki e kiya e jikai ni rokoviya na lemadu kwakwa ina i vola ikwe madu volaiya, mutu tolaviya oka no mutu kuwa ni qai mata kilajiya tale, me na qai madua ga mai o keya. ¹⁵ Ia kua ni wilikiya me jiya kemu meca, no vavuliciya ga me kodaki lemu tacini. ¹⁶ Ia me qai soliya vuwako mutou na ledu Kalou na vacegu ina vigauna taucoko. ¹⁷ Me no qaneko mutou no ga ina vigauna vo devu. O au o Paula, qu volaiya na i vola ikwe vequ lima ga, evo makataki no ina vimatanivola aqu volaiya. ¹⁸ Na loloma levu ni Kalou o Jisu Karisito me no qaneko mutou no ina vigauna taucoko. Emeni.