¹ O kiya ikwe aqu varojiko ke, me vai re imata na masumasu, na kerekere, na vi masulaki, na va okaoka,mme balejidru na tamata taucoko. ² Me balejidru na tui qai nidru na turaga taucoko medu no oka ke, medu vacegu, me du i varau va lotu, kai varau oka. ³ E dodonu, e oka talega ina mata ni Kalou na ledu i vacola. ⁴ O kiya e vo okajiya me cola na tamata taucoko, me lamai kilajiya sara na i vavuvuli jina. ⁵ Ni vo kiya ga na Kalou, o kiya na dau vei sorovaki, vuwa na Kalou qai nidru na leya tamata, io na tamata o Jisu Karisito. ⁶ O kiya e vo soliya me kedru i voli na tamata taucoko, na kwa me lai kwai na keya gauna. ⁷ Iqoi aqu vo lesi ke me qu vunau aki niya mequ jiya i apositolo muni,[ aqu vo kwa jina aqu tasi giri] o au me ledru i va vuvuli na vi vanuwa i na vabaujiya qei niya na vavuvuli jina. ⁸ O kiya ikwe qu okajiya ke o rau na teigwane dau masu ena vivanuwa taucoko, aru dodokiya cake e ru lima savasava me kuwa na oca, qainiya na viba. ⁹ Meru vai sulu muni na lewa i na i sulu e rakorako, e na yalo maluwa vata na yalomakuga me kuwa ni tali e ru ulu,me kuwa ni vakoula, se mataniciva, se na i sulu talei. ¹⁰ Io [me ko daki e dodonu vuwadru na lewa e ruvokwa eru vo lotu] meru varau oka. ¹¹ Me kuwa ni tata na lewa, me la i vavulici, me va malumalumutaki niya valevu. ¹² Aqu vo tasi vataraiya na lewa mei vavuvuli, se me lewa ia na teigwane me nolo ga. ¹³ Ni a buli simata o Atama, qai bere o Ivi. ¹⁴ A tasi temaki o Atama, na lewa ga a temaki e tasi varorogo ke ¹⁵ Ia na cola ni vailuve e kodaki eru tudei ina vabaujiya na loloma, na yalololoma, vata na yalomatuwa.