¹ Talemaot long ol pipol blong yu se oli mas stap antanid long paoa blong ol hae man mo gavman blong olgeta, oli mas mekem i gud oltaem mo obei long olgeta. ² Talem long olgeta blong oli no mas tok nogud long ol narafala man,be oltaem oli mas liv long pis wetem olgeta, mo tu tingting blong olgeta evri wan i mas stap daon long wan qwaet fasin. ³ From we bifo yumi ia tu, yumi olsem ol kranke man nomo, yumi no save lesin, yumi no save obei, be yumi stap letem ol wantem blong letem bodi blong yumi i rulum laef blong yumi long fasin ia nao i mekem yumi stap lukluk mo tingting nogud long yumi. ⁴ Be gudfala fasin we God i soemaot se hemi lavem yumi tumas. ⁵ Hemi sevem yumi from Hemi sori long yumi, hemi sevem yumi long fasin ia mo hemi wasem yumi klin blong kam ol niufala man, mo hemi sevem yumi tru long paoa blong Holi Spirit we i mekem yumi kam niu bakeken. ⁶ God Hemi sendem Holi Spirit ikam long yumi mo Jisas kraes olsem Sevia blong yumi. ⁷ From gladhat blong God, bambae yumi save kasem laef ia we ino save finis. ⁸ Tok ia hemi wan tru tok. Mi wantem blong yu mas tokbaot gud ol samting long olgeta. Blong bambae hu we hemi biliv long God, oli save tingbaot blong mekem ol gudfala wok. Ol samting ia igud mo isave givhan long olgeta. ⁹ Be yu mas stap kamaot long ol kranke toktok mo ol toktok blong ol famili laen mo raorao wetem ol rao blong loa. Ol samting ia oli no helpem yu mo oli westem taem nomo. ¹⁰ Kamaot long ol man we oli stap kosem problem, mo givim wan woning long olgeta, sipos oli stap mekem fasin ia yet. ¹¹ Ol man olsem tingting blong olgeta i kam nogud finis, mo ol samting nogud we oli stap mekem i soemaot i klia we oli wrong oltaem. ¹² Taem mi sendem Artemas o Tychicus i kam long yu, yufala i kam hariap long mi long Nikopolis, ples we mi jusum blong stap long hem long kolkol taem. ¹³ Traem bes blong yu blong sendem loea Zenas mo Apollos blong tufala ino sot long wan samting. ¹⁴ Ol man blong yumi oli mas traem lanem blong putum olgeta long ol gudfala wok long taem we oli rili nidim. ¹⁵ Everiwan we oli stap wetem mi, oli talem halo, oli sendem halo long olgeta we oli lavem mifala tru long feit.