¹ Ol brata yufala ibin save se (mi stap toktok long olgeta we oli save long loa),se ol loa ia nao hemi wanem we man i stap folem long taem we hemi stap laef long hem? ² Loa blong mared i joinem wan man mo wan woman taem tufala i mared mo taem man blong hem i laef yet,be spos man blong hem i ded,woman ia hemi fri long loa ia. ³ Be spos man blong hem i laef yet,be woman ia igo stap wetem narafala man,hemi komitim adoltri (fasin blong stap wetem wan man o woman we yu no maredem).Be spos man blong hem i ded hemi fri long loa ia,mo hemi no komitim adoltri spos hemi go stap wetem narafala man. ⁴ From samting ia,ol brata blong mi yufala tu yufala i fri long loa tru long bodi blong kraes.Hemia hemi blong yu save join long wan narafala,hemia we hemi bin ded mo i laef bakegen,blong yumi save mekem wok blong God. ⁵ Long taem we yumi stap folem fasin blong wol,ol rabis tingting blong mekem fasin nogud hemi stap kam laef bakegen tru long loa,ol fasin ia oli stap wok insaed long bodi blong yumi,mo frut blong ol fasin nogud ia hemi ded nomo ⁶ Be naoia yumi fri,loa i nomo holem yumi,naioa yumi stap folem spirit blong God,mo yumi nomo stap folem ol toktok we oli raetem we emi loa blong bifo. ⁷ Wanem nao bae yumi save talem abaot loa,loa ia emi sin? No. Be spos ino bin gat loa bae mi no save wanem ia sin,spos loa ino bin talem se ''U no stap wantem ol samting blong narafala man'',bae mi no save se taem we mi stap wantem samting blong narafala man hemi rapis fasin. ⁸ Sin hemi yusum komanmen mo i mekem mi save wanem we inogud,mo i mekem mi blong stap wantem ol samting blong ol narafala man.Taem we inogat loa sin i nogat paoa. ⁹ Fastaem taem inogat loa yet,mi mi laef.Be taem loa ikam, ol rapis fasin oli kirap bakegen mo i mekem loa igat paoa. ¹⁰ Mo mi nogat paoa.Loa ia we hemi sapos blong mekem mi laef. I mekem mi ded tru long ol rapis fasin. ¹¹ 11 Sin hemi tekem Janis tru long loa mo i yusum komanmen blong mekem mi bilif long samting we ino tru,nao tok ia i kilim mi. ¹² So loa hemi tabu,mo kamanmen hemi tabu,i klin,mo i stret,mo i stret ,mo igud. ¹³ v 13 Hemia i minim se,wanem samting we igud i kosem ded blong mi?Be ino minim se,sin ia i mekem,long oda blong soem se hemi sin we i kivim sin long mi tru long wanem we hemi gud,mo tru long ol komanmen sin i save kam mo bigwan. ¹⁴ Blong yumi save se loa hemi spiritual,be mi mi bodi.Oli salem mi olsem wan wokman long sin. ¹⁵ Long wanem we mi mekem,mi no save tumas long hem,wanem we mi wantem mekem,mi no mekem,mo wanem we mi no laekem,mi mekem. ¹⁶ Be spos mi mekem wanem we mi no wantem,mi akri wetem loa se loa ia i gud. ¹⁷ Be naia ino mi mi mekem,be sin we i stap long mi. ¹⁸ Mi save se long mi (hemia hemi bodi blong mi)ino gat gudfala samting istap wetem mi,be mi no save mekem. ¹⁹ From ol gudfala samting we mi wantem,mi no mekem,be ol rapis samting we mi no wantem,mi mekem. ²⁰ Nao spos mi mekem wanem we mi no wantem mekem,i minim se mi mi nomo man we i mekem,be hemi sin we istap long mi. ²¹ Mi faenem loa ia taem mi wantem mekem gudfala samting,rapis samting istap wetem mi. ²² Mi mi glad tumas long ol loa blong God wetem laef blong mi. ²³ Be mi luk difren loa long bodi blong mi. I faet akensem niufala loa ya we istap long tingting blong mi.Mi mi no fri long loa blong sin we istap long bodi blong mi. ²⁴ Mi mi no wan hapi man!Huia nao ba i sevem mi long bodi ia we ba i tekem mi igo long ded? ²⁵ Be tankyu igo long God tru long Jisas Kraes Masta blong yumi!Afat,mi mi wantem kam wokman blong God wetem tingting blong mi.Mo wetem bodi blong mi,mi folem loa blong sin.