¹ Nao from we yumi bilif strong, yumi kat pis wetem God tru long Masta ia blong yumi Jisas Kraes. ² Tru long bilif blong yumi long hem yumi kat acces long gladhat blong God, we yumi stanap long hem mo tok flas blong Glory blong God. ³ Mo taem we yumi kasem hadtaem, yumi glad tumas from we yumi save se hadtaem i stap mekem yumi strong mo blong mekem tingting blong yumi i longfala. ⁴ Nao taem yumi mekem tingting blong yumi i longfala, God i save glad long yumi. Mo hemi save mekem tingting blong yumi i stap moa long hem. ⁵ Mo taem tingting blong yumi i strong long hem, yumi no save harem nogud from lav blong God i stap insaed long had blong yumi tru long Tabu Spirit, we hem i givim finis long yumi. ⁶ Long taem we yumi wek yet, stret long taem we Kraes i ded blong sevem ol man nogud. ⁷ Sapos wan man i ded blong sevem wan stret man, hemia wan strong tingting maet i kat sam man we oli save ded blong sevem wan gudfala man. ⁸ Be God i lavem yumi tumas, from we yumi stap mekem ol rabis fasin, be Kraes i ded blong sevem yumi. ⁹ Mo from we blad blong Kraes i ron, bambae yumi saef long hem nomo long God blong yumi. ¹⁰ Fastaem yumi ol enemi blong hem, be long ded blong pikinini blong hem, yumi kam ol fren blong hem. Mo naoia, we yumi kam fren blong hem finis, i klia se God bambae i sevem yumi. ¹¹ Be i no finis long ples ia, be yumi rejoice blong God tru long Masta Jisas Kraes we i mekem yumi kam fren blong God, we hemi stap mekem yumi glad from ol samting we God i mekem. ¹² Bifo olgeta, wan man i statem fasin blong sin long wol ia, long fasin we man i save ded tru long sin nomo. From we ol man oli stap ded, from olgeta oli mekem sin. ¹³ From long law, ol man long wol oli stap mekem sin finis, olgeta oli stap mekem sin be i no kat law. ¹⁴ Be i stat long taem blong Adam mo i kam kasem Moses we ol man oli stap ded. Ating sam man we oli no mekem sin long sem fasin we Adam i mekem, hu nao bambae i folem sem rod blong fasin ia we bambae i kam yet. ¹⁵ Mo presen ia ino semak, from we sin we Adam i mekem ino olsem presen we God i stap givim nomo long yumi. From sin ia we wan man i mekem hemi wan bigfala samting ia mo ol man oli save ded long hem from, be gladhat blong God we i givhan long ol man hemi bigwan tumas. Mo presen ia blong hem we hemi stap givim nomo i kam, we wan man nomo Jisas Kraes i tekem i kamtru long ol man long gladhat blong hem we i bigfala moa. ¹⁶ Mo presen ia i no semak wetem sin we ol man oli mekem. Biaen long sin we Adam i mekem bifo, God i jajem hem se, yu yu mekem i no stret yu mas panis. God i givim presen ia long ol man long gladhad blong hem nomo, we i talem long olgeta se, long fes blong mi yufala i stret nomo yufala i save ko fri. ¹⁷ I tru we long sin ia blong wan man nomo, man ia i mekem we ol man oli stap ded, God i stap givhan gud long ol man long gladhad blong hem we i talem se, yufala i stret man long fes blong me. Mo ol man ia bambae oli joen long Jisas Kraes long laef blong hem we oli win oltaem. ¹⁸ Mo bakeken, sin ia we wan man nomo i mekem God i save jajem ol man we oli mekem ino stret mo oli mas panis, mo long sem fasin, stret samting ia we wan man nomo i mekem, hemi mekem we God i talem se ol man oli save ko fri mo oli save laef. ¹⁹ Nao from wan man nomo i no obei long God, olgeta man oli kam man nogud, be from wan man i obei long God, God i mekem we plante man oli kam stret man long fes blong hem. ²⁰ Taem God i putum law, law ia i mekem we fasin nogud i kam bigwan moa long ol man. Be taem fasin nogud i kam bigwan moa, God i stap givhan long ol man antap moa bakeken long gladhat blong hem. ²¹ Mo i hapen taem fasin blong mekem sin i stap holem ol man mo i stap mekem olgeta oli stap ded, be God tu i stap holem ol man mo hemi stap givim long olgeta long gladhat blong hem, mo olgeta oli kam stret man long fes blong hem. Hemi stap joenem yumi long Jisas Kraes, Masta blong yumi blong givim laef ia we ino save finis.