¹ Be wanem gudfala samting nao ol man Israel oli kat? Mo wanem nao i gud oli kasem sekomsaes. ² Hemi gud oltaem nomo. Fastaem ol man Israel oli bin givim wan wok blong mekem tru long tok blong Hae God. ³ Be olsem wanem sapos sam long ol man Israel oli no kat strong tingting long God? Bae oli no bilif se God hemi tru mo i stap wetem olegta oltaem. ⁴ Bae ino save olsem. God hemi tru oltaem be ol man oli save kiaman olsem we tok blong hem i talem se, yu save soemaot se ol toktok blong yu i stret mo yu save win taem oli jajem yu. ⁵ Be sapos yumi stap mekem ol fasin we i no stret mo yumi stap soem se yumi stret long God, wanem nao bai yumi talem? Be yumi save talem se i no stret blong God, hem i givim panis long yumi? Ol toktok ia i olsem tok blong man. ⁶ Bae ino save olsem. From olsem wanem nao bae God i jajem wol ia? ⁷ Sapos mi stap kiaman God bambae hemi soem ol tru fasin long yumi. From wanem bae God i mas jajem mi from mi man nogud? Mi mi mekem ol fasin we ino gud. ⁸ From wanem yumi stap talem ol toktok we ino try, mo sam oli talem se, yumi mas mekem ol rabis fasin blong ol gud gudfala fasin we i save kam? Ol toktok blong olgeta ino tru. ⁹ Wanem nao? yumi stap traem blong talem se yumi no save ol samting ia? Ino hemia nating. From yumi talem finis se ol Jews mo ol Greeks oli mekem ol samting ino stret. Oli stap andanit long ol rabis fasin. ¹⁰ Hemia i bin talem long toktok blong God se, ino kat wan man i stret long fes blong Hae God. ¹¹ Ino kat wan man we i save gud, ino kat wan man we i stap lukaotem Hae God. ¹² Everiwan oli ko lus, everiwan oli no mo kat ol gud gudfala fasin. Ino kat wan man we i folem gudfala fasin no kat, ino kat wan. ¹³ Trot blong olgeta oli open olsem hol blong ded man. Tang blong olgeta oli stap usum blong talem ol toktok we ino tru. Mo lips blong olgeta i fulap long posen blong snek. ¹⁴ Maot blong olgeta i fulap blong swe long ol man mo kroskros long ol man. ¹⁵ Ol leg blong olgeta i hariap tumas blong kilim man i ded. ¹⁶ Taem oli wokbaot long rod oli spolem ol samting mo mekem ol man oli fulap long harem nogud tumas. ¹⁷ Ol man ia oli no save wanem nao pis oli no kat sori nating long ol man. ¹⁸ Long ol ae blong olgeta oli no fraet nating blong Hae God. ¹⁹ Nao yumi save gud se everi samting long loa blo hae God e stap tok long olgeta we oli no folem loa ya, blo stopem everiman we oli stap eskius mo karem wol ya iko anta lo jasmen blo Hae God. ²⁰ From inogat wan man nating we i stret lo fes blo Hae God we e stap mekem samting e stret olsem we loa e talem; From wanem we e stap lo loa ya e bl mekem yumi luk save se yumi sin. ²¹ Be naoia prapa fasin blo Hae God bl putum man e stret lo fes blo hem e bin kamaot klia finis e stap. Mo hemi nogat bisnis wetem loa nomata loa blo Moses mo ol profet oli witnes long hem. ²² Be Hae God e putum man e stret tru lo fet blo olgeta lo Masta blo yumi Jisas Kraes. Hemi mekem olsem nomo lo olgeta we oli biliv long Kraes, from inogat difrens nating, ²³ everiman e mekem sin mo stap long we tumas long gudfala presens blo God we emi blo sevem man, ²⁴ be tru long fri gif blo glat had blo God hemi putum stret everiman wetem hem tru lo Masta blo yumi Jisas Kraes. ²⁵ Hae God i givim hem, blo tru lo blad blo hem, hem nomo i save tekemaot fasin nogud blo ol man lo fet blo olgeta sapos oli biliv strong long hem, ba e mekem oli fri man tru. Hae God e mekem olsem lo fasin blo soemaot we hemi tabu tumas fastaem olgeta hemi mekem ²⁶ tingting blo hemi longfala nao e ova-lukim inogud blo ol man lo wol, be lo taem tedei hemi dil stret wetem inogud blo ol man, lo fasin we e soemaot we hemi tabu tumas lo fasin ya hemi soemaot we hemi tabu tumas mo ba e mas putum stret man wetem hem lo fasin blo biliv nomo lo Jisas Kraes. ²⁷ Wanem bakeken blo yumi save flasflas lo hem? Nogat nomo! Mo wanem nao hemi risen blem mo from wanem risen nao i olsem? from fasin we yumi obei long loa? Nogat, be from se yumi biliv nomo. ²⁸ Nao bae yumi talem last wan se wan man e save kam stret nomo lo fes blo Hae God tru lo fet blo hem nomo, ino blo mekem wanem we loa e talem. ²⁹ O ba yumi talem se Hae God hemi God blo ol Jiu nomo? mo hemi no God blo ol Jentael tu? Be yes hemi God blo olgeta tu. ³⁰ Hae God hemi wan God nomo, mo bae hemi putum ol Jiu oli stret gud wetem hem lo fasin blo gat strong fet, mo lo sem fasin ba emi putum ol Jentael tru lo fet blo olgeta. ³¹ E minim se tru lo fet yumi save putumaot loa ya? no nogat nomo, be lo fasin we yumi holem strong gud loa ya.