1
Taem sabat dei i finis, meri magdela, meri mama blong Jemes, mo salomi oli karem senda blong kam putum long bodi blong Jisas.
2
Eli long fes dei blong wik, oli go long tum taem san i kam antap.
3
Oli stap talem long olgeta wanwan se, "Hu bae hemi rolemaot bigfala ston ia blong yumi save go insaed?"
4
Be taem oli lukluk i go, oli luk we ston ia oli rolemaot finis, from hemi bigwan.
5
Taem oli go insaed long tum ia oli luk wan yangfala man ia hemi werem wan waet klos, hemi stap sidaon long raet saed, nao oli luk oli fraet.
6
Hemi talem long olgeta se, "yufala i no fraet. Yufala iluk Jisas, man Nasaret, we oli putum hem long kros. Hemi laef bakegen! hemi no stap ia. Yufala luk ples ya we oli putum hem i slip long hem.
7
Be yufala i go, talem long ol disaepol mo Pita, 'Hemi go fastaem long Galili. long ples ia bae yufala save luk hem, olsem we hemi talem finis long yufala.'"
8
Oli go aotsaed oli ron oli fraet mo oli sapraes. Oli no talem eni samting long eni man from oli fraet tumas.
91
[Eli long fes dei blong wik, afta we Jisas hemi laef bakegen, hemi kamtru festaem long Meri Magdelen, hem we oli ronemaot seven devel long hem.
10
Woman ia i go talem long olgeta we oli stap tugeta wetem hem, taem we oli stap sori mo oli stap krae wetem hem.
11
Oli harem we hemi laef mo oli harem we woman ia hemi bin luk, be oli no bilifim nomo.
12
Mo afta sam dei i pass hemi kam tru long tu man oli stap wokbaot blong go long wan narafala ples be bodi blong Jisas hemi difren.
13
Oli ko talem long evri disaepol, be oli no bilivim nomo.
14
Nao bihaen Jisas hemi kamtru long ol eleven disaepol taem oli stap sidaon raon long tebol, nao hemi tok strong long olgeta from oli no stap bilif mo hat blong olgeta i strong, from oli no bilivim olgeta we oli bin luk hem afta we hemi laef bakegen long ded.
15
Hemi talem long olgeta se, "Yufala i go long ful wol, mo talemaot gud nius ia long evriman long wol.
16
Man we hemi bilif mo hemi baptaes bae hemi sef, be man we hemi no bilif bae God hemi jajem hem mo i kivim wan panis long hem.
17
Ol saen ia bae oli go wetem ol man we oli bilif: long nem blong mi bae oli save ronem aot devel. Bae oli toktok long ol difren langwis.
18
Bae oli holem snek, mo spos oli drink eni samting we i posin, bae i no save kilim ded olgeta. Bae oli putum han long ol sikman, bae oli harem gud."
192
Afta we Jisas hemi toktok long olgeta, hemi kobak antap long Heven mo i sidaon long raet saed han blong God.
20
Ol disaepol oli go talemaot gud nius long evri ples, Masta blong yumi hemi wok wetem olgeta mo isoem ol saen se hemi stap wetem olgeta.]
1Sam long ol gud olfala kopi oli nogat Mak 16 :9-20.