¹ Noa i gat t u dei nomo bifo bigfala dei blong pasova o lafet blong bred we i nogat is long hem. Ol jif pris wetem ol tija blong loa oli stap traem blong faenem sam rod blong arestem Jisas haed mo kilim hem. ² Nao oli stap talem se, "bae i no stret long dei blong lafet, from nogud bae ol man oli kros mo kilim yumi." ³ Taem Jisas hemi stap iet long Betani long haos blong Saemon man we hemi gat wan rabis sik, taem hemi stap kakae yet long tebol, i gat wan woman i kam insaed i karem wan botel we oli wokem long ston we nem blong hem alabasta senta we mani blong hem i sas. Hemi brokem, mo hemi kavsaedem long hed blong Jisas. ⁴ I gat sam long olgeta oli kros,oli stap toktok long olgeta se, "From wanem hemi mekem kaen ia? ⁵ Hemi sud salem senta ia blong tri handred taosen vatu, mo givim mani long ol pua man. "Nao oli tok long woman ia. ⁶ Be Jisas hemi i talem se, "yufala i lego hem. From wanem yufala i stap mekem olsem long hem? hemi mekem wan gudfala samting ia long mi. ⁷ Yufala i stap wetem ol pua man oltaem nomo, yufala save mekem i gud long olgeta.Be mi no save stap oltaem wetem yufala. ⁸ Hemi mekem wanem we hemi sud mekem. Hemi kavsaedem senda ia blong mekem rere long bodi blong mi blong bae oli berem. ⁹ Tru mi talem long yufala, wea ples we gud nius bae i go kasem evri ples long wol, bae oli tokbaot wanem we woman ia i mekem, blong tingbaot hem." ¹⁰ Nao Juda Iskareot,wan long ol twelf, hemi ko luk ol jif pris blong letem Jisas i go long olgeta. ¹¹ Taem ol jif pris oli harem,oli glad tumas, mo oli wantem givim wan mani long hem. Juda hemi i stap lukaot wan rod blong letem Jisas hemi i go long han blong olgeta. ¹² Nao long fes dei blong lafet blong bred we i nogat is, oli sacrifaesem ol pasova sipsip, ol disaepol oli talem long hem se, "yu wantem blong mifala i priperem, blong bae yu save kam kakae pasova kakae?" ¹³ Nao hemi sendem tu long ol disaepol blong hem mo,hemi talem long tufala se, "yutufala i go long taon ia, i gat wan man i stap karem wan botel blong wota. Yu tufala folem hem. ¹⁴ Taem hemi go tru long wan haos, folem hem i go insaed, mo talem long man blong haos, 'Tija hemi i talem se, "Wehem gest rum we hem bambae i kakae pasova wetem ol disaepol blong hem insaed?'" ¹⁵ Bae hemi soem wan bigfala rum i stap antap i redi finis.Bae yufala i preperem ol kakai i stap long ples ia." ¹⁶ Nao ol disaepol ya oli aot oli go long taon ya.Oli faenem evri samting we hemi talem i stret gud,nao oli preperem pasova ia. ¹⁷ Nao hemi stap go long aftanun, hemi kam wetem ol twelf man blong hem. ¹⁸ Taem oli stap sidaon long tebol, mo oli stap kakae, Jisas hemi talem se, "Tru mi talem long yufala, wan we hemi stap kakae wetem mi bae i putum mi long han blong ol enemi." ¹⁹ Evriwan oli harem nogud mo oli sori we,wan wan long olgeta i talem se, "i no mi?'' ²⁰ Nao Jisas hemi ansarem olgeta se, "hemi wan long yufala ol twelf man ia, wan we mitufala i pusum bred tugeta long dis ia. ²¹ From pikinini blong man bae hemi mas go olsem we oli bin raetem bifo. Be i nogud long man we hemi putum pikinini blong man long han blong ol enemi! Hemi mo gud sapos hemi no stap bon nomo." ²² Taem we oli stap kakai, Jisas hemi karem bred, i blesem, mo i brokem.Hemi givim long olgeta, mo i talem se, "tekem hemia. Hemia bodi blong mi." ²³ Hemi karem wan kap, hemi talem tankyu i go long God, nao i givim long olgeta,nao evriwan oli dring long hem. ²⁴ Hemi talem long olgeta se, "hemia blad blong mi, blad we i ron from fulap man. ²⁵ Tru mi talem long yufala, bae mi nomo dring waen frut ia bakeken kasem dei we bae mi dring bakeken wan niufala dei bakeken long haos blong God." ²⁶ Afta we oli singsing long wan hyme nao oli go antap long wan bigfala hil ia olif. ²⁷ Jisas hemi talem long olgeta se, "yufala evriwan bae yufala i slip,from oli bin raetem bifo finis, 'Bambae mi kilim man blong lukaot ol sipsip ia mo bae ol sipsip bae oli ronwe wanwan.' ²⁸ Be afta we bae mi laef bakeken, bae mi go fastaem blong wet long yufala long Galili ²⁹ Pita hemi i talem long hem se," sapos evriwan bilif blong olgeta i foldaon, be mi bae bilif blong mi i no save foldaon." ³⁰ Jisas hemi talem long olgeta se, ''Tru mi talem long yufala,t edei -yes, long naet ia-bifo man faol bae i singaot tu taem bae yufala kiaman tri taem se yufala no save mi.'' ³¹ Be Pita hemi talem strog se, ''be sapos mi mas ded wetem yu, bae mi no save kiaman. ''olgeta evriwan oli talem semak toktok. ³² Oli kam ; Long wan ples nem blong hem Getsemani, Nao jisas hemi talem long ol disaepol se,'' Yufala sidaon long ples ia bae mi go prea.'' ³³ Hemi tekem Pita,jemes mo Jon oli go wetem hem be Jisas hemi harem hat blong hem i hevi tumas. ³⁴ Jisas hemi talem long olgeta se,'' Mi harem tingting blong mi i hevi tumas, Mi harem olsem bae mi ded. Yufala i stap ia be yufala i mas stap lukluk.'' ³⁵ Nao Hemi wokbaot i go smol, Nao Jisas hemi nildaon nao hemi prea se spos i stret bae haoa ia bae i pas. ³⁶ Nao hemi talem se, ''Apa, We hemi minim se papa, Evri samting wetem yu hemi stret nomo. Yu karem aot cap ia long mi. Be i no long wantem blong mi, Be long wantem blong yu.'' ³⁷ Hemi kam bak be hemi luk evriwan oli slip, Nao hemi talem long Pita se,'' Saemon, Yu stap slip? Yu no save lukluk blong wan haoa? ³⁸ Yufala i mas lukluk mo prea blong yufala i no foldaon long temtesen. Tingting blong yufala i strong be bodi blong yufala i slak.'' ³⁹ Bakeken hemi aot i go stap prea, Mo hemi stap usum semak toktok nomo. ⁴⁰ Taem hemi kambak bakegen, Hemi fananem olgeta oli slip, from ae blong olgeta oli hevi nogud. Oli no save wanem blong talem long Jisas. ⁴¹ Hemi kambak namba tri taem nao hemi talem long olgeta se,'' Yufala i stap slip mo tekem spel blong yufala? Enaf! Haoa ia i kam nao. Yufala i luk! pikinini blong man oli putum hem i go long han blong ol man nogud finis. ⁴² Yufala i kirap; yumi go. Yufala i luk, Man we bae hemi putum mi long han blong ol enemi i stap kam klosap.'' ⁴³ Taem hemi stap toktok iet, Judas, Wan long ol twelf, I kamtru, Mo i gat wan bigfala grup oli folem hem oli karem naef blong faet mo ol hanclap, Oli kam from ol jif pris, ol tija blong loa, Mo ol eldas. ⁴⁴ Nao man we i letem Jisas long han blong ol enemi hemi go mekem wan saen, Mo i talem se,'' wan we mi kisim hem man ia nao. yufala i holem hem yufala i nomo letem hem i ronwe.'' ⁴⁵ Taem Judas hemi kam tru, hariap nomo hemi kam antap long Jisas mo hemi talem se,'' Tija,'' Nao hemi kisim hem. ⁴⁶ Nao oli holem hem mo karem hem i go. ⁴⁷ Be i gat wan we i stanap klosap i sakem naef blong hem nao i katem aot sora blong wan wokman blong ol hae pris. ⁴⁸ Jisas hemi talem long olgeta se,'' Yufala i kam ia blong ajansem mi nomo olsem mi wan stil man wetem ol naef mo hancap blong arestem mi? ⁴⁹ Taem mi stap wetem yufala mo mi stap tij long tempol, Yufala i no wantem arestem mi?Be hemia i hapen from tok blong God hemi talem blong i kam tru.'' ⁵⁰ Evriwan we oli stap folem Jisas ia oli lego hem mo oli ronwe. ⁵¹ I gat wan yang man,we hemi werem wan klos we oli putum raonem hem,hemi stap folem Jisas. Taem ol man oli holem Jisas, ⁵² hemi lego kaliko ia, mo i ronwe i neked nomo. ⁵³ Oli karem Jisas i go long hae pris. Evri jif pris, ol elda, mo ol tija blong loa oli sidaon raonem hem. ⁵⁴ Nao Pita hemi folem hem be hemi wokbaot longwe smol, long we long haos kot ia blong hae pris. Hemi go sidaon wetem ol gad, we oli stap sidaon klosap long wan faea blong oli stap wom. ⁵⁵ Nao ol jif pris mo evi jiu kaonsel oli stap traem faenem wan testemone we i agensem Jisas blong oli save kilim hem i ded. Be oli no faenem wan. ⁵⁶ Fulap oli talem fulap ol kiaman testemone agensem hem, be ol testemone blong olgeta, ol man oli no agri long hem. ⁵⁷ Sam oli stanap mo oli talem fulap ol kiaman testemone agensem hem se, ⁵⁸ Mifala i harem hemi se,' Bae mi brekem tempol ia wetem han blong mi, mo long tri dei, bae mi bildim wan narawan be mi nomo usum han blong mi.'' ⁵⁹ Be stil oli no agri wetem testemone blong olgeta. ⁶⁰ Nao hae pris ia hemi stanap long fes blong evriwan nao i askem Jisas se,'' From wanem yu no toktok? olsem wanem long ol testemone we ol man ya oli talem agensem yu?'' ⁶¹ Be hemi stap kwaet mo i no talem wan samting. Nao bakegen hae pris ia i askem hem mo talem se,'' Olsem wanem yu nao kraes, Yu pikinini blong God we yumi stap presem hem?'' ⁶² Jisas hemi talem se,'' Mi ia nao; Mo bae yufala i luk pikinini blong man we bae hemi sidaon long raet han blong paoa, mo bae hemi kam wetem klaod blong heven,'' ⁶³ Nao hae pris ia i terem klos blong hem nao i talem se,'' olsem wanem yumi stap lukaot ol witnis iet? ⁶⁴ Yufala i harem finis we oli tok nogud long God wanem desisen blong yufala. Olgeta evriwan oli jajem hem mo we oli wantem blong hemi mas ded. ⁶⁵ Sam oli kirap oli sped long hem, mo oli kavremap fes, mo oli wipim hem oli talem se,'' profet!'' ol wokman blong hae pris oli kilim hem. ⁶⁶ Taem pita i stap iet klosap long haos kot ia, i gat wan haos gel blong hae pris i kam long hem. ⁶⁷ Hemi luk Pita i stap wom long faea, hemi lukluk Pita klosap nao i talem se, Yu tu yu stap folem man nasaret, ia Jisas.'' ⁶⁸ Be Pita hemi kiaman, Mo talem se,'' mi no save man ia mo mi no andastanem tu wanem we yufala stap talem ia, Nao hemi go aot long get. Mo man faol i singaot. ^{1 69} Be haos gel ia hemi luk hem nao i stap talem i go long ol naraman we oli stap stanap tugeta se,'' Man ia hemi wan long olgeta!'' ⁷⁰ Be Pita i talem se hemi no save Jisas bakeken. Be i no long taem olgeta we oli stanap tugeta oli stap talem long Pita, ''Tru ia yu wan long olgeta ia, from yu wan man Galili.'' ⁷¹ Be Pita i mekem wan strong toktok se, ''mi no save man ia we yufala i stap tokbaot.'' Sapos mi kiaman bae God bae i panisim mi ia. ⁷² Be i no long taem faol i singaot seken taem. Be Pita hemi tingbaot toktok blong Jisas we i talem long hem se: ''Bifo faol ia i singaot tu taem bae yu talem tri taem se yu no save mi,'' nao hemi foldaon i krae.