¹ Nao Jisas hemi stat tijim olgeta long Parabol. Hemi talem se, "i gat wan man hemi planem wan karen blong greps,hemi pulum fanis i raonem, mo i digim wan hol blong putum ol greps blong mekem waen long hem. Mo hemi bildim wan haos blong man i stap long hem blong gad long hem long naet. Nao hemi aot i go long wan narafala ples. ² Taem ol greps ia i redi, hemi sendem wan wokman i go blong hemi karem sam frut long yad ia. ³ Be oli holem taet hem, oli kilim hem, mo sendem hem i go bak i no karem wan samting. ⁴ Nao bakeken hemi sendem wan narafala wokman i go, oli kilim hem long hed blong hem mo oli mekem hem isem nomo. ⁵ Nao hemi sendem wan nara wokman i go, mo hemia oli kilim. Oli tritim ol narawan i semak nomo, oli wipim sam mo oi kilim sam tu. ⁶ Hemi gat wan iet blong sendem hemi go, wan stret pikinini blong hem. Hemia hemi las wan we hemi sendem i go long olgeta. Nao hemi talem se, 'bae oli rispektem yu pikinini blong mi.' ⁷ "Be ol man blong lukaotem greps ia oli talem long olgeta wanwan se, 'hemia nao stret wan. Yufala i kam, yumi kilim hem, mo bae evri samting ia bae yumi karem.' ⁸ Oli tok nogud long hem, oli kilim hem, mo oli sakem aot hem long yad blong greps ia. ⁹ From samting ia, yu ting se wanem nao bae ona blong greps ia bae hemi mekem? Bae hemi kam bae hemi spolem gud ol man ia, mo bae hemi givim yad ia long ol naraman. ¹⁰ Yufala stap ridim tok blong God o nogat? 'ston ia we ol man blong wokem haos oli bin no wantem, i bin olsem gudfala bos blong haos. ¹¹ Be hemia i blong hae God, we yumi luk i gud tumas long ae blong yumi." ¹² Afta long ol samting ia ol lida blong ol Jiu oli wantem faenem sam wei blong arrested Jisas from oli harem save se hemi stap talem stori ia i agensem olgeta. Be oli fraet long hip blong ol man. Nao oli aot long hem oli go we. ' ¹³ Nao oli sendem sam farisi, mo ol man blong Herod blong go long Jisas blong faenem sam rabis toktok long hem ¹⁴ Nao taem oli kam, oli talem long hem se, "tija, mifala save se yu no tingbaot wanem ol man oli talem abaot yu, yu no soem se yu mekem i gud long sam man nomo. Yu stap tijim tru tok blong God. hemi folem loa blong pem takis long sisa o nogat? Bae mifala pem o no?" ¹⁵ Be Jisas hemi save se oli gat tu fes, mo hemi talem long olgeta se, "From wanem yufala wantem testem mi? yufala i karem wan mani i kam bae mi luk." ¹⁶ Nao oli karem wan mani i kam long Jisas. Hemi talem long olgeta se, "Pija blong huia i stap long mani ia?" Nao oli ansa se, "sisa." ¹⁷ Nao Jisas hemi talem long olgeta se, "Yufala i sud givim wanem we hemi blong sisa i kobak long sisa, mo wanem we hemi blong God i gobak long God." oli sapraes tumas long hem. ¹⁸ Nao ol saduci, we oli talem se i nogat laef afta long ded, oli kam long hem. Oli askem hem se, ¹⁹ "Tija,Mosis hemi raetem blong mifala se, 'sapos wan man hemi ded aot long woman blong hem, we tufala i no gat wan pikinini, blong tekem bak nem blong fes man we hemi ded finis, woman ia hemi mas tekem brata blong man blong hem, mo lukaotem ol pikinini blong olgeta. ²⁰ I gat seven brata evriwan; fes bon hemi tekem woman ia, mo hemi ded aot long hem, tufala nogat pikinini. ²¹ Nao seken bon hemi tekem woman ia, mo hemi ded aot long hem, tufala nogat pikinini, mo namba tri bon tu hemi stap wetem hem be nogat pikinini. ²² Mo namba seven i nogat pikinini. Mo woman ia tu hemi ded. ²³ Long taem we bae oli laef bakeken, oli kirap, woman ia bae hemi blong hu? From ol seven brata ia evriwan oli bin maretem semak woman ia." ²⁴ Nao Jisas hemi talem se, "yufala rong olgeta, mo from yufala i no save tok blong God, mo yufala i no save paoa blong God? ²⁵ From sapos ol ded man ia oli laef bakeken, oli no save maret be bae oli kam olsem ol enjel long heven. ²⁶ Be abaot ol ded man we bae oli laef bakeken, yufala no ridim long buk blong Moses, taem faea i laet long wan bus, mo God hemi toktok long hem se' Mi mi God blong Ebraham, mo God blong Aesak, mo God blong Jecob'? ²⁷ Hemi no God blong ol ded man, be hemi God blong olgeta we oli laef. Yufala rong ia." ²⁸ Nao wan long ol tija blong loa hemi stap lesin long ol storian blong olgeta; hemi luk se Jisas hemi ansarem gud ol kwesten blong olgeta.hemi askem long Jisas se, "wanem koman blong God nao i moa impoten bitim evriwan? ²⁹ Nao Jisas i ansa hemi talem se, "loa we i hae, mo i gud tumas hemi, 'yufala lesin, Israel, Hae God hemi blong yumi we hem wan nomo i hae God. ³⁰ Yufala mas lavem God wetem ful hat blong yufala, mo long olgeta laef blong yufala, mo long olgeta tinktink blong yufala, mo wetem olgeta paoa blong yufala.' ³¹ Namba tu loa hemi olsem,'yu mas lavem ol narafala man we oli stap raonem yu.' I nomo gat wan mo loa i bitim tufala loa ia." ³² Nao tija blong loa hemi talem se, "gud, tija! yu talem se God hemi wan, mo nogat wan narafala God olsem hem. ³³ Mo yumi mas lavem hem wetem fulhat, mo tinktink, mo wetem olgeta paoa, mo yumi mas lavem ol man ranabaot olsem we hemi gud moa i bitim ol taem we ol man i stap kilim animol blong bonem, mo mekem wosip i go long God." ³⁴ Taem Jisas hemi luk se man ia hemi givim ol waes ansa, nao hemi talem long hem se, "yu kam klosap finis long God." Afta long hemia, i nomo gat wan hemi askem wan kwesten long Jisas bakegen. ³⁵ Taem Jisas hemi stap tij insaed long wan tempol yad,Hemi talem se, "From wanem ol tija blong loa oli stap talem se Kraes hemi pikinini blong Deved? Deved hem wan, Holi Spirit i givim tok long hem, mo hemi talem se, ³⁶ 'Hae God hemi talem long Masta blong mi se, "Yu sidaon long raet saed blong mi kasem taem mi mekem ol enemi blong yu oli kam andanit long leg blong yu."' ³⁷ Deved hem wan hemi talem se, 'Masta' olsem wanem nao bambae kraes hemi kam pikinini blong Deved?" plenti man oli stap lesin mo oli glad tumas long hem. ³⁸ Insaed long tijing ia Jisas hemi talem se, "yufala mas lukaot gud long ol tija ia blong loa, olgeta oli wantem blong pulum ol long longfala klos,mo long maket haos, oli wantem tumas blong ol man i stap leftemap han blong hona long olgeta, ³⁹ mo insaed long haos blong prea oli wantem sidaon long ol nambawan ples, mo long taem blong ol lafet oli wantem blong go sidaon long ol ples blong ol haeman. ⁴⁰ Mo oli stap rafem mo stil long ol wido, mo oli stap mekem ol long longfala prea blong ol man oli luk. Ol man ia bae oli kasem ol strong mo bigfala panis." ⁴¹ Nao Jisas hemi sidaon klosap long wan bokis blong putum mani insaed long haos blong God, mo hemi stap lukluk ol man oli stap sakem mani i go insaed long bokis ia. Fulap ol rijman oli sakem ol bigfala mani. ⁴² Nao i gat wan pua wido hemi kam mo putum tu smol mani we i olsem wan peni, insaed long bokis ia. ⁴³ Jisas hemi singaotem ol disaepol blong hem, mo hemi talem long olgeta se, "tru mi talem long yufala, pua wido ia hemi putum moa mani pitim olgeta we oli stap putum ol bigfala mani insaed long bokis ia. ⁴⁴ From evriman ia oli stap putum mani ia, oli putum nomo from oli gat fulap. Be pua wido ia, nating we hemi pua nogud, hemi putum evri mani we hemi gat blong hemi save laef long hem i stap.