¹ Jisas hemi lego ples ia, mo hemi go long wan ples long rigen blong Judea, mo saed i go long ist blong Jodan riva, mo fulap man oli kam long hem bakeken. Hemi stap tijim olgeta bakeken, i semak olsem we hemi bin stap mekem. ² Mo ol farisi oli kam blong testem hem mo oli askem hem se, "yu ting se i folem loa blong man hemi divosem woman blong hem? ³ Jisas i ansa se," wanem nao Moses i talem we hemi oraet long yufala? ⁴ Nao oli talem se, " Moses hemi allaowem mifala blong raetem wan leta blong divos nao yu save sendem aot hem." ⁵ Jisas i talem long olgeta se, "hemi from ol strong had we yufala i gat, mekem Moses hemi raetem loa ia." ⁶ "Be long stat blong kriesen, 'God hemi mekem olgeta man mo woman.' ⁷ 'From samting ia nao man hemi mas lego papa mo mama blong hem, mo blong go joen wetem woman blong hem, ⁸ mo man ia wetem woman ia bae oli save kam wan bodi nomo.Nao bae tufala i nomo stap olsem tu, be bae oli kam wan bodi nomo. ⁹ From saming ya God i joenem tufala tugeta, bae nogat man i save seraotem tufala." ¹⁰ Taem Jisas mo ol disaepol oli go insaed long haos, ol disaepol oli askem hem bakeken. ¹¹ Jisas hemi talem long olgeta se, "man we hemi divosem woman blong hem, mo go maretem wan narafala woman, hemi mekem adoltri agens long woman ia. ¹² Sapos woman hemi divosem man blong hem, mo go stap wetem wan naraman, hem tu i mekem adoltri." ¹³ Nao ol man oli tekem ol pikinini blong olgeta i kam long Jisas blong hemi tajem olgeta, be ol disaepol oli tok strong long ol man ia. ¹⁴ Be taem Jisas hemi luk save, hemi harem nogud, mo hemi talem long olgeta se, "Letem ol pikinini oli kam long mi, yufala i no stopem olgeta blong kam long mi, from kindom blong God hemi blong olgeta we tingting blong olgeta i olsem ol pikinini ia. ¹⁵ Tru mi talem long yufala,wan man i mas kam olsem wan pikinini blong hemi save go insaed long kindom blong God." ¹⁶ Nao hemi tekem ol pikinini ia i putum han blong hem raonem olgeta,mo hemi putum han blong hem long olgeta. ¹⁷ Taem Jisas hemi stap kohed long wokbaot blong hem, wan man hemi ron i kam long hem, mo hemi nildaon long foret blong hem, mo hemi askem se, ''gudfala tija, wanem nao bae mi mekem blong kasem laef we i no save finis.' ¹⁸ Jisas i talem se, "From wanem yu singaot mi se gud? Nogat wan hemi stret be God nomo ¹⁹ Yu save ol loa: no kilim man, no slip wetem naraman o woman, yu no stil, no mekem kiaman long nem blong naraman, no tekem samting we i no blong yu, hona long papa mo mama blong yu.'' ²⁰ Be man ia i talem se, "tija, evri samting ia mi stap folem taem mi wan yut." ²¹ Jisas hemi lukluk hem, mo i soem laf blong hem long man ia. Jisas i talem long hem se, "wan samting i stap we yu no mekem iet. Yu mas salem evri samting we yu gat, mo givim mani i go long ol pua man, mo bae yu gat ol gudgudfala samting long heven. Afta yu kam, folem mi." ²² From toktok ia, hemi harem nogud tumas nao hemi wokbaot i go wetem wan hat we i harem nogud, from hemi gat fulap samting tumas. ²³ Jisas i lukluk raon, mo i talem long ol disaepol se, "hemi had tumas blong wan man we i rij blong go insaed long kindom blong God!" ²⁴ Ol disaepol oli sapraes tumas long toktok blong hem. Be Jisas i talem long olgeta bakegen se, "Ol pikinini, i had olsem wanem blong go insaed long kindom blong God! ²⁵ Hemi i si moa blong wan kamel i go insaed long ae blong nidel, be i strong blong wan rij man blong i go insaed long kindom blong God." ²⁶ Ol disaepol blong Jisas oli sapraes tumas, mo oli talem long olgeta wanwan se, "be hu nao bae hemi save sef?" ²⁷ Jisas hemi lukluk olgeta nao hemi talem long olgeta se, "wetem ol man i no posibol, be i no wetem God. From evri samting wetem God hemi posibol." ²⁸ Nao Pita i stat blong toktok wetem hem, "Luk, mifala i lego evri samting, mo mifala i folem yu." ²⁹ Jisas hemi talem se, "Tru mi talem long yufala, i nogat wan we i lego haos, o brata, o sista, o mama, o papa, o pikinini, o graon from mi, o from gud nius. ³⁰ Naoia long wol bambae God hemi givim long ol man ia sam moa gudfala samting bitim ol samting we oli lego i stap,i moa long wan hundred taem! Bae oli gat haos, mo ol brata ,ol sista, ol mama, mo ol pikinini long ples,mo ol man bae oli akensem olgeta, mo fuija bae i kam, bae olgeta oli gat laef we i no save finis. ³¹ Be fulap we oli feswan bae oli las wan, mo olgeta we oli las bae oli kam fes." ³² Oli stap long rod bakeken blong go antap long Jerusalem, nao Jisas hemi stap go feswan long olgeta. Ol disaepol oli stap sapraes,mo olgeta we oli stap bihaen oli fraet. Nao Jisas i tekem olgeta twelf i go long saed nao hemi talem bakeken long olgeta wanem bae i hapen i no longtaem ³³ "Luk, yumi stap go antap long Jerusalem, bae pikinini blong man bae oli putum hem long han blong ol jif pris, mo ol tija blong loa. Bae ol lida blong ol Jiu bae oli kilim hem, mo putum hem long han blong ol jentael. ³⁴ Bae oli jikim hem,sped long hem, wipim hem, mo bae oli putum hem long ded. Be afta long tri dei bae hemi laf bakeken." ³⁵ Jemes mo Jon, tufala boe blong Zebedi, oli kam luk Jisas mo tufala i talem se, "tija, mifala wantem yu mekem wanem samting we mitufala i wantem blong yu mekem." ³⁶ Nao hemi talem long olgeta se, "Yufala wantem wanem blong mi mekem blong yufala?" ³⁷ Oli talem se, "yu letem mifala blong sidaon wetem yu long ples blong yu, wan long raet saed mo wan long lef saed." ³⁸ Be Jisas hemi ansarem olgeta se, "Yufala no save wanem we yufala stap askem. Yufala save drink long cap we bae mi drink long hem, mo bae yufala save harem nogud olsem we bae mi harem nogud?" ³⁹ Nao oli talem long hem se, "Mifala save mekem." Jisas hemi talem long olgeta se,"cap ia we bae mi drink long hem, bae yufala drink, mo baptisim we bae mi baptaes long hem, bae yufala tu i save baptaes. ⁴⁰ Be man we bae hemi sidaon long raet o lef blong mi i no mi blong givim raet ia, be hemi blong olgeta we ol redi i stap." ⁴¹ Taem ol nara disaepols oli harem nius ia, oli stat blong kros long Jemes, mo Jon. ⁴² Jisas hemi singaot evriwan oli kam long hem nao hemi talem long olgeta se, "yufala save ol man ia we oli olsem ol haeman long ol jental we oli wantem ol man oli stap andanit long olgeta. ⁴³ Be bae i no olsem long yufala. Sapos wan hemi wantem kam hae long evriwan bae hemi mas kam wan wokman fastaem, ⁴⁴ mo man we hemi wantem kam feswan hemi mas kam wan slef blong evriwan. ⁴⁵ From pikinini blong man hemi no kam blong man i sevem hem, be hemi kam blong givim laef blong hem, blong sevem fulap ol man." ⁴⁶ Nao oli stap kam long Jeriko. Hemi lego ol disaepol blong hem long Jeriko wetem wan bigfala grup,boe blong Tamaeus, Batemias, wan man we i blaen i stap askem ol samting, hemi stap sidaon long saed blong rod. ⁴⁷ Taem hemi harem se Jisas blong Nasaret, hemi stap singaot mo hemi stap talem se, "Jisas,pikinini blong Daved, plis yu gat sori long mi!" ⁴⁸ Fulap man oli tok strong long blaen man ia, oli talem long hem blong hemi stap kwaet. Be hemi krae strong moa, "pikinini blong Daved, plis yu sori long mi!" ⁴⁹ Jisas hemi stop mo hemi komandem hem blong oli singaot. Oli singaotem blaen man mo talem long hem se, "yu wan strong man! yu kirap!hemi stap singaot yu." ⁵⁰ Hemi sakem, kot blong hem i go long saed, hemi stanap hariap nomo, mo kam long Jisas. ⁵¹ Jisas hemi ansa long hem se, "yu wantem blong mi mekem wanem long yu?" Nao blaen man ia i se, "tija, mi wantem lukluk bakeken." ⁵² Nao Jisas hemi talem long hem se, "yu go. Fait blong yu i hilim yu." Hariap nomo hemi save lukluk gud bakeken, nao hemi folem Jisas long rod.