¹ Kieni, a pangi jemi ana zola, a nienda kumwena pashi, kieshi kiemi ni khembu yemi mu pila etshi nu khadi nwa jiza mutshima kwa fhumu, enu akwetu. ² Nienda nia bondila Evodi ni Syntichi muku khala ni dibanza dimoshi kudi fumu. ³ Kieni kioki, nienda nia kutambika eyi epi ndoyimi wa pimbu mukisalu: Wasadishi akhetu awana. Kikuma ahangidi niami muku mwanga tsangu ja pimbu, Ni c Clema nia ndoyi ekha a kisalu awa majina medi kubuku dia moyi. ⁴ Khala ngenu kosu tangwa nu kishi kwa fumu. Nia yivutukila khala ngenu ni keshi. ⁵ Leka kushipula kwenu kwijangani kudiathu osu. Fumu wa finama. ⁶ Nudi yangi soku. Kashi mu yima yosu, mu kisambu ni kudihomba ni ku hana matondu lombululenu nzala jenu kudi Nzambi. ⁷ Ngemba ya Nzambi eyi ya hita ama matuku banzanga, yisweki mitshima yenu ni mabanza menu mu Yesu Khidishitu. ⁸ Ama masala, a pangi, ama mosu medi masonga, ama mosu ma lukumu, ama mosu medi ma sungama, ama mosu medi ma vedila, ama medi ma luzolu, ama mosu medi malukumu, wuvwa kudi ni kima kia hitangana pimbu, wuvwa kudi ni kima kia lunga kunona lukumu banzangenu mu yima eyi. ⁹ Yima eyi nwa longukidi nwanonini, nwevidi ni nwamweni ku nidi ami, yi hangilenu. He Nzambi wa ngemba wu ku khala nwenu. ¹⁰ Nidi ni kishi lawu ni fumu kikimweni, nwa vutula epi ndandu ku nidi ami. Kiedika nwakhedi ni ndandu ku nidiami thethi kashi pila ya kungusa disa ya khediku. ¹¹ Keshiku kikuma kia nzala ya amimweni nia makula kikuma, nia longuka kieshi tangwa diosu. ¹² Niejika kiehi kukhala ni nzala, ni kehi kukhala niyima lawu. Ata kiene kina ni mu yima yosu, nia longuka yi tsweki : Kiehi mu mbala yi moshi wudi, wakuta epi ni nzala, kukhala ni yima lawu ni kuyihenga. ¹³ Nilunga kuhanga yima yosu ni mweni wenda ku nguhwa ngolu. ¹⁴ Kikimweni, nwa hanga pimbu mu ku kapisa niami pashi. ¹⁵ A ha he nwejika, enu enia Fidipini, ni muluyandjiku lwa sangu ya pimbu, tangwa di nia katukidi ku Macedoine, ata dibundu di moshi dia ngu hwediku koku muama ma tadila ku hana ni ku nona, katula enu . ¹⁶ Ata ki nia khedi ku Tesaloka, nwangusadishidi mbala lawu yi yosu ya nia henganga. ¹⁷ Kesuku etshi nienda nia hengulula kabu, kashi nienda nia henga kibundu ki kukandusanga kinunga(peta) jenu. ¹⁸ Nia nona yosu, he nidi nayi ya hitangana. Ni di nia zala. Nia nona kudi Epafrodita yima yi nwangu tumishini. Yidi malashi ma tsunga ya pimbu, Kabu dia kumbusshiwa dikuhwa Nzambi kieshi. ¹⁹ He Nzambi wemi wu kunuvutudila mudi kidi kimvwama kiendji ni nzala jenu josu mukhembu ni Khidishitu Yesu. ²⁰ Kikimweni, kudi Nzambi tata lukumu tangwa diosu tii konda tsuka. Kieni kioki ! ²¹ Mboti kwa vedila(kwa longo) mu Yesu Khidishitu. A pangi edi niami anuhwa mboti. ²² Avedila(a longu) osu anuhwa mboti, awa kamu etu munzu ya Cezadi. ²³ Khenda ja fumwetu Yesu Khidishitu jikhadi nienu osu. Kieni kioki.