¹ Nia banza etshi hudi ni kikesa kia kuhana mu Khidishitu. Nia banza etshi kudi ni kikesa kuhana kia katuka mu zola diendji. Nia banza etshi kudi ni mbundani ya kipevi. Nia banza etshi kudi ni lutondu ni khenda. ² Ekhinisenu kieshi kiemi kingi kamu mu kukhala ni ngindu ja mutshindu wumoshi, ni zola dia mutshindu wumoshi, ni mabanza ma mutshindu wumoshi, ni kwijiya kuhanga mambu mu mutshindu wumoshi. ³ Nu hangoku ata diambu dimoshi ni pevi ya kutenda wuvwa lo kikuma kia kumwenisa etshi nwa hita athu ekha kashi mu kudikulumusa kamu ni kutadila etshi a nu hita. ⁴ Nu hengoku kasu lo mamboti menumweni, hengenu epi mamboti m'athu ekha. ⁵ Khalenu ni mabanza mamoshi ma khedi ni Yesu-Khidishitu. ⁶ Wa khedi mudi Nzambi kashi kamonangoku etshi wudi kikwaka ni Nzambi mudi kima kia kubendangana. ⁷ Kashi mupila yekha, wa lekidi yima yosu, wa fwana muhika, wafwana athu. ⁸ Wa dikulumushini, wekhina lulemvu tii ku lufwa, lufwa lwa ha mutondu. ⁹ Heni hohu Nzambi a mu kandushididi homa ha nanguka ni wa muhwa jina ha wulu dia majina mosu. ¹⁰ Wa hangidi kienekina kikuma mu jina dia Yesu, mabolongu mosu mafukami mu ma wulu, kashi ni mu mavu. ¹¹ Ni Ndaka yosu yifunguni etshi Yesu-khidishiyu wudi fumu, mukhembu ya Nzambi tata. ¹² Mu kumanisa a pangi a zola mukdi kia nwenda kulemvuka keshiku kasu ki nidi kashi ata ha pamba, labenu kuhanga kikuma kia kuhuluka kwenu ni woma, ni matekita. ¹³ Kikuma, Nzambi wenda kutuhwa kikesa mumambu menda kumuhwa kieshi, wenda kutuhwa nzala ni ngolu ja kuhanga mambu. ¹⁴ Hangenu mambu mosu konda kubokuta ni kuleka kushangana pika. ¹⁵ Hangenu kienekina kikuma nwikhini hathu akonda kifu nia konda kuhanga kubola, ana a Nzambi owuna wa konda mvwindu muktshi ka ndonga yathu abola ni a nzanzi mukatshi koyi nwenda nwalebuka mudi mwinda hashi a thothu. ¹⁶ kwatenu ngolu ndaka ya lujingu kikuma ni moni kinunga kia kudi kembisa mu kilumbu kia khidishitu, kikuma nia kejiya etshi nanoniku fishi aho nia hangidiku mu pamba. ¹⁷ Kashi ata nia dihana mudi makabu ma kimenga ni ma kisalu kia a santhu ekina lukwikilu lwenu lwanusenda mukuhanga, nidi ni kieshi, nenda nia yangalala nienuosu . ¹⁸ Mutshindu wumoshi, sepilenu, sepilenu niami. ¹⁹ Kashi nisha mutshima kwa fumu Yesu mu kunutumishina Timote thama yingi lo kikuma ni nonini kikesa kinia kejiya mambu manu ta dila enu. ²⁰ Nishiku epi ni muthu mwekha wudi ni yifu ya kudi yangisa kikuma kienu. ²¹ kikuma enda ha henga mamboti (ma pimbu) mowu kasu konda ama ma Yesu Khidishitu. ²² Kashi nwejiya thalu ya hanini kikuma kiendji mweni etshi mudi mwana ni tatendji, wahangidi niami mudi muhika, kikuma kia kusenda tsangu ja mboti kumesu. ²³ Nienda zola ku nu tuma tangwa dianakejiya ama makngubwila. ²⁴ Kashi niasha mutshima kwa fumu etshi ami mweni nia keza thama lo. ²⁵ Nia mona fhunu mu kuvutudila Epafrodita . Wudi pangiemi ni ndoyi wa ndjita, musashi(pulushi), musadi, wunwatumini mukulungisa Nzala yemi. ²⁶ Kinwevidi etshi we khedi wa yela, wekhedi kamu ni khenda jingi, wa zodidi kukhala nie nwosu. ²⁷ Wa khedi kamu wayila bela-bela(penapena) mukufwa, kashi Nzambi wa mwivididi khenda. keshiku ja mweni kasu kashi epi jami kikuma ni leki kukhala ni pashi kumanima. ²⁸ Nia swasukishidi mukumu tuma kikuma ki nwakamumona epi, nukhadi mukieshi nia ka bokutoku hengi. ²⁹ Yambenu pimbu Epafrodita mufumu ni kieshi kiosu. jitisenu athu edi mudi mweni. ³⁰ Yakhedi kikuma kia kisalu kia kikhidishitu a zodididi kufwa. Wa tabukidi lujingu mukungu hangila ni kuhanga eyi ya nwa lungidiku kuhanga mukisalu kikuma kiami.