¹ He Yesu wakudidi kudi hunji diathu ni kudi alonguki jienji. ² Mweni wa walejidi etsi: "Malongi ma tsiku ni Afadishi enda kulonga kaka tsiku jia Moshi." ³ Kioshu kia nuleza mu kuhanga, lemvukenu, mu mahangidi epi. Kashi nu labanga oku yifu yohu. Kikuma, mambu menda kwakula, owumweni kendoku kumahangila. ⁴ Eni enda kuzola kukasa kilo kingi, kia hitangana kulema, hi kushia ha Hulu dia mutwa wa athu ekha. Kashi owumweni kend'oku kuzola ku wa sadisa mu kusenda ata ni mwini wumoshi. ⁵ Eni enda kuhanga mambu mowu moshu mu kudimwekinisa kudi athu. Kikuma eni enda kunona yitsini ya ma verse ma Mukanda wa Nzambi, menda kuvwata athu tangwa dia kusambila, ni kuvwata ku mbunzu yohu ni mu mokhu mowu; eni enda ku mashia mudi malenda ku tsongi ya miledi miowu. ⁶ Eni enda kuzola kukhala mu mafundu ma lukumu mu mafeti, ni kushikama ha yitshi ya kumesu manzu ya yisambu; ⁷ enda kuzola epi athu awahu mboti jia lukumu mu ma zandu, ni kuzola epi awa tambikingi "Longi" kudi athu. ⁸ Kashi enu nu zol'oku anu tambikingi etsi,"longi", kikuma enu nudi kaka ni longi mumoshi, enu oshu nwa sala, nudi apangi. ⁹ Hashi ha nudi, nwa lungidiku kutambika muthu esti Tat'enu, kikuma Enu nudi ni Tata mumoshi kaka, wudi ku wulu. ¹⁰ Nu zol'oku athu a nu tambikingi"Fumu", kikuma enu nudi ni longi mumoshi kaka, Khidishitu. ¹¹ Kashi muthu oyu wudi mbuta mu katshi k'enu oshu, wudi kisadi ki'enu. ¹² Muthu wenda ku ditombula, aka mu kulumusa, muthu wa dikulumusa aka mu tombula. ¹³ Kiadi kingi kudi enu malongi ma tsiku ni enu Afadishi, nudi akhubidi! Enu nwenda nwa kasa athu djila ya lunga kwingidila mu kifumu kia Nzambi. Kikuma enumweni nushiku kukukanga kwingidila, kashi nwenda kasa djila kudi athu edi kuzolanga kwingila. ¹⁴ "Kiadi kingi kudi enu malongi ma tsiku ni enu Afadishi, nudi akhubidi. Kikuma enu nwenda kutambula yima yoshu ya akhetu edi afidi." ¹⁵ Kiadi kingi kudi enu malongi ma tsiku ni Afadishi, nudi akhubidi! Kikuma enu nwenda kwenda ni kukiba mwendila meya ni mu thothu yoshu, mu kuhenga ata muthu mumoshi wudi mupani, nu mwikhinishi Muyuda, nwenda kuzola etshi, muthu mwenoyuna ekhini wa nu hita enu mu kubola kwa lunga ku mu senda ku bilungi. ¹⁶ Kiadi kudi enu, nudi atwadishi afwa mesu, enu nwenda kwakula etsi: "Koshu muthu washia lusilu mu jina dia nzu ya Nzambi, keshiku kima. Kashi, Koshu muthu washia lusilu wa zenga jina dia wola(or) owu wa kusweka munz'a Nzambi, afeti kulungisa lusilu lwenji." ¹⁷ Enu, nudi nwaswinga, nudi epi apofu! Ekhi ya hitangana fhunu, wola, ho nzu ya Nzambi yenda kwikhinisa wola kima santu? ¹⁸ Nwenda epi kwakula etsi: "Koshu muthu washia lusilu mu jina dia mesa menda kwoshila Nzambi makabu, kahangidiku ata kima lo. Kashi oyu washia lusilu mu jina dia makabu medi ha mesa menamana, afeti kulungisa lusilu lwenji." ¹⁹ Ekhi yahitanga na fhunu, makabu ho mesa menda kwoshila makabu, meni menda kwikhinisa makabu ma santu? ²⁰ Ejikenu etsi, moshu washia lusilu mu jina dia mesa menda kwoshila makabu, washia lusilu ni mu jina dia yima yoshu yidi ha hulu dia mesa. ²¹ Moshu washia lusilu mu jina dia nzu-nzambi, bosu wa bunda ni nzu-nzambi ni luyalu lwa Nzambi ludi mu katshi. ²² Moshu epi washia lusilu mu jina dia wulu, wa zenga ni mu jina dia kitshi kia Nzambi ni muthu wenda kukishikama. ²³ Kiadi kingi kudi enu amalongi nwenda kulonga tsiku ni afadishi, enu nudi akhubidi, nwenda kuhana makabu ma kiakumi kudi Nzambi, ni ma tumayiji twavumba diawaha, kashi nwenda kujimbangana tsiku jiahitangana fhunu, mudi, (kwakula kiedika, masonga, kwivila athu khenda, kukhala ni lukwikilu). Mambu meni momu manu feti kuhanganga konda kujimbangana mathethi. ²⁴ Nudi apofu, mesu mafwa, nwenda kukatula kamwengi mu meya makunwa kashi nwenda kumina shamo. ²⁵ Kiadi kudi enu amalongi nwenda kulonga tsiku ni afidishi, nudi akhubidi, kikuma nwenda kwovwa makopa ni malonga hanji, kashi mukatshi mwazala mvindu. ²⁶ Enu afidishi, nudi apofu. Nu feti kwovwa thethi kopa mu katshi mu pila etsi hanji akhadi swen. ²⁷ Kiadi kudi enu amalongi nwenda kulonga tsiku ni afadishi, nudi akhubidi. Nudi mudi majiamu mawasa pemba hanji kashi, mukatsi mwazala ni yifuwa ya amvumbi ni mvindu ya pila ni pila. ²⁸ Enu hanji nwenda kumwekana mudi athu a pimbu, kashi mukatsi nwazala ni wukhubidi ni mambu lawu mabola. ²⁹ Kiadi kudi enu amalongi nwenda kulonga tsiku ni afidishi, nudi akhubidi. Nwenda kutungila ambikudi majiamu ni kuwedika kamu pimbu pimbu majiamu ma athu a masonga. ³⁰ Enu nwenda kwakula etsi,'Nga twajingidi mu tangwa dia akhakha jietu, twambidiku kutsiaka maashi ma ambikudi mudi kiahangidi eni.' ³¹ Kienikioki nwenda kuta enu mweni kithemu etsi, nudi ana a athu mwenawana ajiyidi ambikudi. ³² He enu manisenu kisalu kiayanjikidi akhakha jienu. ³³ Enu aniokha awa, nudi mudi a sawa, kiehi nwa kahanga mu kutshina thuya twa bilingi? ³⁴ Kienikioki , yivwenu pimbu, ni ku nu tumisa ambikudi ni athu a mayela ni amalongi enfants kulonga tsiku. Kashi nwa kajiya ekha ni poku, ekha ni mayala, ekha kama nwa kawa khokha ha kulunji. Ekha nwa ka bula kuwa bula miswangila mu manzu manzambi, ni ku wa kaya mu membu menu moshu. ³⁵ Mashi mathu akondidi kuhanga kubola, akamatanga ha mutwa wenenu, katula Abedi, muthu wa masonga, tii mashi ma Zakadiya mwana wa balaki oyu unwa jihidi munzu ya nzambi ha mesa ma makabu. ³⁶ Nianuleza etsi mambu ama moshu makabwa kudi enu mu tangwa mwenedi. ³⁷ Yeluselehemi, Yeluselemi, ayi kisalu kieyi kujiya ambikudi ni mayala, awa enda kutuma nzambi. Kashi mbala jiekha ami niakhedi kuzola kuwongika ana jieyi homa hamoshi, mudi kienda kuwongika nzolu ana mu mahela mendji, enu kuzola lo. ³⁸ Talenu, nzu ya nu sala yahuma. ³⁹ Nia nu leza eki, katuka tangwa mwenedi nu ku buloku epi ku ngu mona tii kilumbu ki nwa ka bula kwakula etsi: "Lukumu lukhadi kudi oyu wu kwizanga mi jina dia fumu."