¹ Kumanimi ma kumanisa mismu mini ka hoyele ku batu Yesu yi ka kotele ku Kapanawu. ² Mfumu ba suta ka kele yi kisadi kiyandi kazolelenge bungi ka kele belebele yi difwa. ³ Buka wudi bu ba hoyelelenge Yesu, yi ka tumini ba mbutu ba ba Yuda mu kumu lebe kese mu kodisi mu kisadi kiyandi. ⁴ Bu bakumini belele we Yesu, ba mulebe mu kiana na yandi fwene ka mu kodisi. ⁵ Mu diambu kazolanga nsi betu, yandi wu tu tungididi nzo Nzambi. ⁶ Yesu bu kayelenge we bawu ba keloko kiana yi nzo mfumu ba suta, mfumu basuta bukatumini batu bayandi mukwabakamba ; mfumu dihekieku pasi zengi mudiambu yeku wukufwana nge mukukoto mu nzo mene. ⁷ Bwa bunu mene yeku wu kufana yisi mene bene ku wene nge. mana hoyi kaka ndingi mosi mutu mene kisalu kakolo. ⁸ Mudiambu, mene yidi kulumusanga ku ba mfumu ba mene, yene we ba suta na ndemvukila mene; na yi mukamba mosi: nda wende, mana yi kele; ku wu hiki za wusu! mana yi kesidi; mana ku mutu mene wu kisalu: sala bwa bunu! mana yi kasadidi. ⁹ Yesu bu kawudi ndingi za zana, yi ka mu wudidi mu mfumu, mana yi ka balumukini ku batu bana ba ya mulandi, ka ba kambanga: yi lu kembe, ata ta ku Isalayedi yi samonoko mutu wene we kutambusulu ku kabala. ¹⁰ Mu ku vutuku ku nzo, batu ka tumini mfumu, ba yisi muwana mutu wu kele wubele kolelenge. ¹¹ Kilumbu kilende, Yesu yi kele ku mbanza ba telelenge na Nawumi; Ba ngensi we batu ba vulu vulu ba yelenge nzili mosi we yandi. ¹² Ba kumini bele bele yi mwelu mbanza, mwene, bakwe nati mutu ba mu ziki, mu nketu wumu kakele yi mwana mosi kaka wana, ka kele mufudi; ka yele yi batu ba vulu vulu ba mbanza ya yini. ¹³ Mfumu, yi ka ba mwene, yi ka mwene kiadi kingi mu diambu di mama wa wunu, mana ka mu kambanga: yambulu ku dili! ¹⁴ Yi ka pusene bele bele, yi ka simbidi mu kunzu, ba ba ya nati yi ba telemene. Ka hoyanga: mwana yakala, yi ku kambanga, teleme kwaku! 5 Mvumbi yi ka vumbukidi, yi ka yandikidi ku hoyi, Yesu yi ka muvutwele ku mwandi. ¹⁶ Bakulu yi ba wudi bomo, mana yi ba mutondele mu Nzambi, ba hoyanga: Ngunzu Nzambi mosi wu mbutu wesi moniki ha nkati ka babetu, mana Nzambi wesi tala batu bandi. ¹⁷ Nangu za Yesu za panzene mu nkati ka Yuda diakulu we mu nkati ka nsi za kele bele bele we bawu. ¹⁸ Zwani yi kawudi misamu miamini ku ba ngenzi bandi. ¹⁹ Yi ka batelele mu bawu, ka batumini kwene Yesu, mu kumu kamba: nge wene ku kusu wunu, holo ntu hingili mutu kaka? ²⁰ Ha ba kumini bele bele we Yesu, ba mu kambanga: zwani mbotiki ka ntu tumini ku wene nge, mu ku hoyi: nge wene wu kusu wunu, holo ntu hingili mutu kaka? ²¹ Munu tangu diadini Yesu ka kolese batu bengi ba kele bele, bikata, batu ba pefi zambi, batu ba mesu mafwa bengi pe ba mwene. ²² Mana ka ba kambanga: lwende lumukamba zwani ma luene we ma lu wudi: bifwa mesu bi mwene, bikata bikangele, bakwa bwasi ba kolele, bifwa matu bi wudi, batu bafwa ba vumbukidi, nsangu za bu nkete za kumini ku batu ba kondele kimi. ²³ Kiese ku batu bana ba kondo ku bwa mu diambu dimene! ²⁴ Tangu ba vutukidi batu bana ka tumini zwani, Yesu ka yandikidi ku hoyi mu ki buku ki batu, mu ma matadidi zwani: nki lu yatala mu nseke yini yi kondele kimi? ki titi kini kiningananga mu mu pebe? ²⁵ Mana nki lu yatala? mutu mosi wunu wu vwete milele mini mi bunkete? Lutala, ba bavwatanga milele mi bu nkete, ba zakalanga ku ma nganda ma ba mfumu. ²⁶ Nki lu yatala mana? Ngunzu Nzambi mosi? bwa bunu yilu kembe, yandi kene ku hioko Ngunzu Nzambi mosi. ²⁷ Ku yandi wa wunu ba soniki: tala, ntumini ngenzi mene kudise di nge, mu ku yidiki nzili nge kudise di nge. ²⁸ Yi lu kembe, mu nkati ka baba butuku ku ba nketu, kweku yi mutu wu mulutidi mu zwani. Tangudi, wu wene wu nkeke mu kimfumu ki Nzambi mu hiokele mu yandi. ²⁹ Mana batu bana bakulu bana ba wudi Yesu we ba bafutisingi paku ba mutambuswele mu Nzambi mu kubongo mbotiki yi Zwani; ³⁰ Mana ba Fadisayi we ba longoki ba mi nsiku ba bongeloko mbotiki ku kwene yandi, ba busidi misamu mini ka zolelenge Nzambi. ³¹ We na tu fwene ku mu fwanikisi yi batu ba tangudi, mana we na ka fwanene? ³² Ba fwana kubana bana ba bazakelenge ha nkati ka kiziki ki batu bavulu vulu, ba ba hoyisanga bawu we bawu, ku hoyanga: betu tu tembenge we bi hodi hodi mana benu lu kininieku; betu tu luyimbididingi mi kungu mi mafwa, mana benu lu didi dieku. ³³ Mu samu Zwani mbotiki bu ka yesidi, ka didieku mapa, ka nunieku pe malafu, mana benu lu hoyelenge kene we mufu. ³⁴ Mana mutu wusu ka didingi, ka nuningi benu lu hoyelenge kene mutu dianga, kene mutu nwanga, mbayi ba kwa masumu we batu ba luzingu di mbi. ³⁵ Mana nduku kele za mu nungisi ku bana bandi bakulu. ³⁶ Mufalisayi mosi kamutelele mu Yesu kadia weyandi. Yesu yikakotele munkati kanzo mufalisayi,dibazekele hamese. ³⁷ Di tala, munketu mosi wu masumu wu kele munkati ka mbanza,hakawudi nakene hamese munka tikanzo mufalisayi, yikanete kitutu kimasi kibasa yimasi matsudi. ³⁸ Mana yikatelemene kumanimi, ku malu ma Yesu. Yi kadidi; mana kanokese ma nsanga mumalu ma yandi ,mana ka makungwene we nsuki za yandi, yika muhele mbo ti yi munwa , mana yika mutia mwenene masi mansudi. ³⁹ Ba fadisayibana ba mutelele, bu ba mwene, yi ba hoyele ba bene: na mutu wu ka kalanga Ngnzu Nzambi, ka nka yaba na mu nketu wu musimbidi kene na, ka nkazayi na kene munketu masumu. ⁴⁰ Yesu bongele ndingi, yi ka mukembe: Simoni, yene we diambu di mosi yi ku kambanga. Mulongi, hoyi, ka mu vwutwelele. ⁴¹ Yesu ka hoyanga na ku kele batu: mosi ka kele we bi bendi bi tanu bi mbongo, wu kaka maku ma tanu. ⁴² Mu diambu ba keloko we kimi ki kufutu yi ka ba vutwelele, ba bole mfuku zawu. na mu nkati ba bolo mu zolo bungi? ⁴³ Simoni yi ka vutwele: wu, mbense, wu ka vutwelele za vulu. Yesu: ka mu kambanga zengele bu bunkete. ⁴⁴ Mana yi ka balukidi ku ka kele mu nketu, ka mu kembe mu Simoni: mu mwene mu Nketu? yi koto mu nzo yandi, mana wu peloko ata mamabu ma kusuku malu ma mene; ma yandi ka ma kusudi we ma nsanga ma yandi, ka ma kungwene we nsuki za yandi. ⁴⁵ Nge wu peloko mboti yi ku munwa; mana yandi, bunu yi kotele ka lembeloko ku peke mboti munwa mu malu ma mene. ⁴⁶ nge wu ntiamwenenoko masi mu mutwa mene; mana yandi, ka ntiamwenene masi ma nsudi mu malu ma mene. ⁴⁷ Bua bunu, yiku kambanga, masumu mandi makulu mengi ma mulolukele: mu diambu ka zolele bungi. wu ba lolulanga bu nkeke ka zolanga pe bu nkeke. ⁴⁸ Mana ka hoyanga ku mu nketu: masumu maku malolukele. ⁴⁹ ba bakele ha mese we yandi ba yandikidi ku hoyi ba bene: na wawu, wu lolulanga ata masumu? ⁵⁰ Yesu ka hoyamga ku mu nketu ku tambusulu kwaku ku ku hulwese nda wende mu pweti.