¹ Mu nkati ka ma basadidi,batu bakele ba vu kene mu biziki,mu kikumu kibibuku biabini we bina,yesu yi kayandikidi ku hoyo ku ba ngenzi bandi:Ntete mu makulu lukebe mu misamu mi bu pala bu bafadisayi, ² Kukaloko kimi kinsweke ki kondo kuzayana,ata kinsweke ki kondo kuzayana. ³ Yi bwawu bunu mana luyele mupibi ma wakana mu muni,mana na lu hoyele mu malu ku zulu makala ba longa ha ntana masangi. ⁴ Yilukembe,kubenu lwene ba pangi bamene:lu bangieku baba hodanga lutu mana wena,kuma nimi mabwa bunu,ba fwenoko kusala kimi kilutidi. ⁵ Yilusongidi nalufwene kubanga benu benu lubanga wu,kumanimi makuhondo,kene yingolo zakulosa kubilungi;bwabunu yilukambanga,wulu fwene kuwabomo. ⁶ Lutekieku bana babenu batanu mu bi bendi biolo?Mutangu diadini kukala ata mosi wunu kadiemuku nzambi. ⁷ Mana ata nsuki zabenu zamutwe zene zakulu zakuwane.luweku bomo:benu benu lubalutidi munfunu. ⁸ Yilukembe,konso mutu wunu tambusulu kudise dibatu,Mwana mutu kamutambusulu dihiki kudise di mbasi za nzambi; ⁹ Mana wunu bisi kudise dibatu ba kaka wukubisi kumesu manzambi. ¹⁰ Mana konso wunu hoyidi bumbi mudiambu dimwanamutu,bamu yambu lulu;Mana wulu wulu pefi molongo yandi bamu yambululoko. ¹¹ Tangu baku nata kudise dinzo bisambu,bazusi weba mfumu ba lete,lubi yangisieku bulu kwesamba ku kwene bawu we maluhoyo; ¹² Mudiambu pefi yimulongo munu tangu diadini maluhoyi. ¹³ Wu hiki kamu kamba mu Yesu ha nkati ka kibuku: Mulongi, mu kamba pangi mene ntuka kabisi we mene kimvwama ki betu. ¹⁴ Yesu ka mu vutu lulanga: Oh mutu na wu nsidi mene mu ku kala zusi benu, holo muku kaba bimi bi benu? ¹⁵ Mana yi ka ba kembe: lu kebe we bunkete misamu mi mbi mi sni yi; mundiambu dizungu di mutu dieku mu bimi biabini, ata tangu di kene bio bingi. ¹⁶ Mana yi ka batelele nsimu yi: Mafu ma mvwama mosi ma butidi bimi bini. ¹⁷ Mana ka benzenge mu yandi bene: nki yi sala; mudiambu yeku we kiziki ki kusueke bimi bi nkatuele. ¹⁸ Tala, ka hoyele, mi yi sala: Yi hondo nzo yi suekilanga bimi, yi tungu yi mbutu mbutu ku hioko, yi wumbiki bimi bi mene biakulu; ¹⁹ mana yi di hoyili: Moyi meme, we yi bimi bingi bi kusueke mudiambu di mavulu mengi; zakala kwaku, dia, nwa, kala yi kiese. ²⁰ Mana Nzambi ka mu kembe: Zobo mu pibi yayi kaka moyi nge mvutululu; mana bi yidikingi bi sala we na? ²¹ Kweku bwa bunu ku wu wene yi bimi bivulu mu diambu d yandi bene, mana keku mwana Nzambi. ²² Yesu ka hoya dihiki ku ba Ngenzi ba yandi: Bwa bunu yi lukambanga: Lu di yangisieku mu dizingu dui benu mudiambu di bimi bi kudia, ho mu lutu di bene nki lu vwata. ²³ Di zingu di hiokele ku dia, mana lutu di hiokele milele. ²⁴ Lu tala ba ngonono: Ba kunaku ba katulaku, beku ata kiziki ba suekilanga bimi; mana Nzambi ka ba dianga. Benu ba nuni mu nki ba lu lutidi? ²⁵ Na mu benu, mu ma banza mandi fwene ku yiki kilumbu ki mosi mu dizingu diandi? ²⁶ Ho lu fwenoko kusala mwana kimi ki nkeke, mudiambu di nki lu fwene kusia ma banza mu bi bisele? ²⁷ Tala bunu bu yelanga ba fololo mu nseke; tangudi yi lukembe ata Salomi, mu lukumu diandi diakulu kasa vwatoko hoyi na fololo. ²⁸ Na Nzambi ka banza bwa bunu bi titi bi biene lelu mu ma hia mana mbasi ba biloso ku mbawu, mana nki bi kondele ka luvwatisi benu, batu ba kuta mbusulu ku nkeke. ²⁹ Mana benu, lu dingieku bi ludia we bilu nwa, mana lu biyangisieku. ³⁰ Bia bini biakulu, kwene ba pakanu babi ndinganga, tata benu yebe na lwene bio mfunu. ³¹ lu dingi ntete kimfumu ki Nzambi mana bimi bini biakulu ba lu heke ku manimi. ³² Lu bangieku kimi, kibuku ki nkeke mana tata benu mwene bu nkete mu ku luheke kimfumu. ³³ Lu kuteke bi lwene bio mana lu hana bio mu ma kabu. Lu kumu mbongo za kondanga kuhua, kimvwama kizulu ki kondanga kuhua, kwa kunu mufi ka kumaku, mana ba pese ba bidiaku. ³⁴ Ku kwene kimvwama kiaku, kwa kunu ku kalanga mbundwaku. ³⁵ Lu kala ba yilama, mana miende mienu mi leminanga. ³⁶ Mana benu, lu fwnwakana na batu ba hingilanga mulongi nawu wu tukidi ku kizamba ki wala, mu diambu lumu yangululu bunu ka betiki. ³⁷ Kiese ku batu ba kisalu bana na mulongiawu mu ku kumu ku yandi, kese ba wana ba ku vumbuku! Yi lukembe ma kiediki, kavwata mu lele kisalu, kaba zakasala ha mese, mana ka ba heke bimi bi kudia. ³⁸ Na kesi vutuki mu tangu di zolo holo di tatu di pibi kiese ku batu ba kisalu, na kesi ba wana ba kuvumbuku. ³⁹ Lu yaba bu bunkete ho mfumu mu kwa nzo kayabanga tangu difene kusu mufi, kakala wu vumbuku mana ka muyambuluko ka koto mu nzo. ⁴⁰ benu pe, lukala ba yilama, mudiambu mwana mutu ka kusu mu tangu lukondele ku banza benu. ⁴¹ Petulu ka mu kembe: Mfumu ku betu holo ku betukulu, ti kuta nsimu yi? ⁴² Mana mfumu yi ka hoyele na wu suekanga bimi wene wu bunkete we wu yilama wu kasia mfumu mu kutala batu ba yandi, mu kuba heke bimi bi kudia mu tangu difwene? ⁴³ Kiese ku mutu kisalu, ho Mfumwandi, mu kukumu ka mu wana sadi dingi bwa bunu! ⁴⁴ Yi lukembe ma kiedi, ka musia Mfumu wu bimi bi yandi biakulu. ⁴⁵ Mana na mutu kisalu hoyele yandi bene: Mfumu mene zingidi mu kusu vutuku; na kotele mu ku hondo batu ba yandi ba kisalu ba banketu we ba bayakala, mu kudia, mu kunwa we mu kulawuku malafu. ⁴⁶ Mfumuandi kisalu kakusu kilumbu ki ka kondele kuzayi yandi we mutangu ka kondele kuzayi yandi, ba mu heke ndolo, mana ka musia mu mulongo wu batu ba kondanga ku mubanga yandi. ⁴⁷ Mutu kisalu wunu,yebe misamu mini kazola mfumu yandi,na ka didieku kimi mana kasadidieku bunu kazola mfumu yandi,ba mubete mizwani mingi. ⁴⁸ Mana wunu,kondele kumuzaya sadidi ma kazolele yandi bene,ba mubete mizwani mi nkeke.Balombe bivulu ku mutu wu ba hele bivulu,mana balombe bungi diaka ku mutu ba hele kutu bungi. ⁴⁹ Yisi sia mbawu ha nsi mutoto,mana nzolele bu,yi lemenenge kaka? ⁵⁰ Yene mbotiki yi ba mbotiki mene,mana mbundu yi muzulu yi hana di wana ta ndu. ⁵¹ Benu lu benze na yisi sia pweti ha nsi mutoto? loo,lutukuhoyo,mana ku kabasana. ⁵² Bwabunu batu batanu mu nkati kanzo mosi ba kabasana,batatu ba menge bolo mana bolo ba menge batatu; 3 Tata ka menge mwana mana mwana ka menge Tata,mana ka menge mwanandi hu mu nketu mana mwana munketu ka menge ngwandi,buko bu munketu ka menge mu nketu mwanandi mana munketu mwana ka menge buko bwandi wu munketu. ⁵⁴ Kahoya dihiki ku kibuku:Tangu lumono tuti di monekene ku kuswama tangu,lu hoyo mbala mosi:Mvulu hisidi.mana yisi bwa bunu. ⁵⁵ Mana tangu lu mono mfunzi ku kulubukilanga tangu,lu hoyanga:muni kakala wu kabala. Manakusalamanga. ⁵⁶ Batu ba bungumbu!lu yebe ku banga misamu mi nsi ntoto we mi kuzulu;mana bwe lukonda kubanza mambu matangu di? ⁵⁷ Mana mudiambu di nki lu konda kubanza sambu di benu benu mu mana ma fwene? ⁵⁸ Bu lukwenda, yi mbele we kufundu ha dise di bazusi,sala ngolo lu wakana ha lwene munzidi,holo ka kunata ku mesu ma bazusi,bazusi ba kuhana ku moko ma bapudisi,mana pudisi ka kusia mu boloko. ⁵⁹ Yi kukembe,lubu koko kwanu na manisioko ku futu mbongo zakulu.