¹ Batu bengi badi hene mu ku soniki misamu mini mi budi mu nkati ka betu, ² Ku landa bana ba bampese ba kele bana ba mwene mu mesu mawu bandiki bunu ma yandikidi mana ba kumini ba longi ba ku panza nsangu za bu nkete. ³ Yi wene me nepe ma kele ma bu nkete, ku manimi ma kundingi mambu ma kiediki mu bini biakulu ba ndiki mu kisini ki mawu, mu ku masoniki mu mulongo mu diambu di nge mbutu Tiofidi. ⁴ Mudiambu wu siambundu mu misamu mini ba ku longele. ⁵ Mutangu di Elodi mfumu ba Yuda ku kele yi nganga Nzambi mosi, zini diandi Zakadiyi, wu kanda di Abiya; mu nketu yandi ka kele mu nkati ka kanda di Aloni, mana ba mu tele lenge Dizabeti. ⁶ Ba bolo ba kele batu ba wana ku mesu ma Nzambi; bakeloko yi misamu mi ku basungiki mu misamu mi Nzambi miakulu. ⁷ Ba keloko we bana, mu diambu Dizabeti ka kele mu nkobo; ba kele ba bolo ma mvulu ma ba hioko. ⁸ Mana, tangu di ka kumini bele bele ka yambulu ki salu ki Nzambi, ku landili mu longo wu kanda diawu, ba mu telele ka bongo lu futu diandi. Ku landili bu kule kifu ki bawu mu kusolo nganga Nzambi, ka koto mu ntati ka nzo Nzambi ka hana mi kayulu mi masi ma nsudi. ¹⁰ Ki vuku ki batu ba kele ha penze mu ku sambili, mu tangi di ku yokomasi ma nsudi. ¹¹ Mana mbasi mosi Nzambi yi mu monikini mu Zakadiyi, kesi telema ku koko di ki tata ha mese ba yokilanga masi ma nsudi. 12 Zakadiyi ka bongele ki nzungu nzungu ha ka mu mwene, bomo bu mu kwete. ¹³ Mana Mbasi Nzambi ka mu kambanga: kuwa lo bomo, Zakadiyi; mu diambu bisambu bi nge bi kumini ku Nzambi. Mu nketu nge Dizabeti ka ku butili mwana yakala, mana mu heke zini di zwani. ¹⁴ Kala kisini ki kiese mu diambu di nge, mana batu bengi ba mono kiesi mu ku butuku ku handi. ¹⁵ Ka kala mutu wu mbutu ku dise di mfumu. Ka bandoko ku nwa malafu, holo malafu ma kabala, mana ka kala wu basa we pefi Nzambi tuku mu kifundu ki nwandi. ¹⁶ Ka nata bana bengi ba Isalayedi ku mfumu, Nzambi bawu; ¹⁷ Ka kangala ku mesu ma Nzambi we pefi et ngolo za Ediya, muku nata mbundu za ba tata ku kwene bana, et ku batu bana ba kondanga ku lemvuku mu nduku za batu ba lemvuku, mu diambu di kuyikili mfumu batu ba bunkete. ¹⁸ Zakadiyi hoyele ku mbasi Nzambi: bwe yi zayili mambu mana? mu daimbu yene mbutu, mu nketu mene pe nunini. ¹⁹ mbasi Nzambi ka mu vutu lu langa: mene yene Gabidiel, yi telemanga ku dise di Nzambi; ka ntuminingi mu diambu yesi ku kamba misamu mi mi bu nkete. ²⁰ Mana tala, kumu baba, kusu hoyi ti kilumbu ki kusu bwa misamu mi, mu diambu wu tambusweloko ndingi za mene, mi fana kana mu tangu diandi. ²¹ Tangudi,batubayingidingi Zakadiyi, bayitukidi mudiambu kazakele bungi munkati kanzo nzambi. ²² Ha kalubukidi ka fwenoko diaka ku hoyi we bawu, ma kazeye we ma ka mwene ndosi ha ka kele mu nzo Nzambi; ka hoyelenge mu bidimbu mana ka kumini baba. ²³ Ha bi hudi bilumbu bi yandi bi kisalu yi ka vutukidi ku nzwandi. ²⁴ Ku manini ma bilumbu, mu nketuandi Dizabeti yi ka kumini we ku fundu, yi ka sweme mu nzo ngondo tatu, ka hoyele: ²⁵ Nzambi nsadididi ngolo, bu kantadidi mesu ma yandi ku kwene mene mu ku nkatulu nsoni ku mesu ma batu. ²⁶ Mu ngondo sambanu, Nzambi yi ka hitikidi Mbasi yandi Ngabidiele ku mbanza Ngadidi, ba telanga Nazaleti, ²⁷ Ku mwana mu nketu wu kondele kala ku vukana we mwana yakala, mutu wu ki kanda ki Tavidi, Zini diandi Yosefi. Zini di wu kondele ku vukanakala we yakala Madiyi. ²⁸ Mbasi Nzambi yi kotele kwene yandi, ka mu kambanga: Yi ku hele mboti,ku nge ngolo za Nzambi za monekele; Nzambi kene we nge. ²⁹ Mu ndingi ya yini kinzungu nzungu yi ki mukwete, Madiyi yi ka di hiulele na mboti yayi nki kisni kiandi. ³⁰ Mbasi Nzambi ka mu kambanga na: ku banga lo, madiyi; mu diambu ngolo za Nzambi za mono kene ku wu ne nge. ³¹ Mana kumu we ki fundu, butu mwana mosi yakala, zini diandi Yesu. ³² ka kala mbutu ba mu tele mwana mfumu Nzambi mpungu, mana mfumu Nzambi mpungu ka mu heke kiti ki tatandi Tavidi. ³³ Ka yala mu nzo Yakobi mvulu we mvulu, ki mfumu ki yandi ki kaloko we nsuku. ³⁴ Madiyi ka mu kambanga mu Mbasi Nzambi : bwe masalama mambu ma mana mene yi hunu yi vukanieku we yakala? ³⁵ Mbasi ka mu vutu lu langa: pefi Nzambi yi ku kulumukini, ngolo za Nzambi za ku fukidili. Bwa bunu mwana wunu butu nge ba mutele mwana Nzambi: ³⁶ Tala, Dizabeti mpangiaku kumini yi kifundu, yandi pe, wu ba tele lenge na ka butaku ku manimi ma ngondo sambanu yi ka bongele kifundu. ³⁷ Mu diambu Nzambi fwene ku sala mambu mana makulu ma ka zolele. ³⁸ Madiyi ka hoya: mene yi sadilanga mfumu Nzambi, ma nsala mana bunu bwene ndi ngaku. Mbasi nzambi yi ka musisidi. ³⁹ Munu tangu diadini, Madiyi yi ka telemene yi kwanga, yi kele ku mongo wu wune ku mbanza Yuda. 40 Mu ku koto mu nzo Zakadiyi, yi ka mu hele mboti mu Dizabeti. ⁴¹ Dizabeti bunu ka hudi mboti Madiyi, mwana mu nkati yi ka ningene, mana yi ka bese we pefi Nzambi. ⁴² Yi ka hoye mu ndungi yi kabala na Nzambi ku sakumwene mu nkati ka ba nketu, mana mwana wunu butuku mu kifundu ki nge kene wu sakumuku. ⁴³ Nki bi nsala mene na ngudi mfumu mene kese ku yene mene. ⁴⁴ Mana tala, munu tandu dia dini mboti nge yi kotele mu matu ma mene, mwana ningene we kisese mu kifundu ki mene. ⁴⁵ Kiese ku wunu tambuswele, mu diambu misamu ba mu kembe ku mfumu Nzambi mi salama. ⁴⁶ Madiyi ka hoyanga: Ku mbundu mene pele mfumu Nzambi keise. ⁴⁷ Yene yi kiese ku Nzambu ngulusu mene, ⁴⁸ Mu diambu kulu mwene mesu ma yandi ku mene mutu yandi wu kisalu ki kondo mffumu. Mana batu ba kulu ba mvulu we vulu ba tabga zini di mene, ⁴⁹ mu diambu mfumu Nzambi mukwa ngolo zakulu sadidi kisamu mi ku yituku zini di yandi diene di mulongo, ⁵⁰ Kiadi ki yandi ki moni kanga ku ba ba mutinanga bomo mvulu zakulu. ⁵¹ Ka sadidi ngolo za koko diandi, ka sangisi batu bakulu ba kele we ngindu za mbi mu ma mbundu ma bawu. ⁵² Yi ka bukumwene batu bakulu ba ngolo mu biti biawu, yi ka tombele batu bana bakulu ba mtinanga bomo. ⁵³ Ka hananga bimi bi kudia ku bana bene we nzala, ka hotunaga bi mvwama ku ba mvwama. ⁵⁴ Yi ka sadisi mu Isalayedi mutwandi wu kisalu, mana ka diemukaku mu ku ba wunu kiadi, ⁵⁵ Bunu ka hoyele ku ba tta ba betu, ku Abalayami we ku ba balanda ha manimi ma yandi mvulu we mvulu. ⁵⁶ Madiyi ka zekele we Dizabeti kitesu ki mangondo ma tautu. Mana ka vutukidi ku kene yandi. ⁵⁷ Tangu di ku butu di Dizabeti difwene, mana yi ka butidi mwana yakala. ⁵⁸ Ba bakele bele bele we ba pangi bandi ba wudi na: mfumu mu sadidingi misamu mi bu nkete, bakulu yi ba wudi kiese mu diambu di yandi. ⁵⁹ Mu kilumbu ki nana yi besi mutabulu musutu, ba mutelele na Zakadiyi zini di tatandi. ⁶⁰ Mana ngundi yandi yi ka bongele ndingi yi ka hoyele lo ntu bandiki ku mutele Zwani, ⁶¹ Ka ba kambanga ku kanda di bawu, kweku we mutu ba telenge zini diadini. ⁶² Yi ba bandikidi ku mu kamba mu bi dimbu mu tatandi nki zini ba hana ku mwana. ⁶³ Zakadiyi yi ka lombele mwnw dibayi mana ka sonekene na zini diandi Zwani. batu bakulu yi ba yamukini. ⁶⁴ Mutangu diadini yi ka bandikidi ku hoyi, mana yi ka kumisi Nzambi. ⁶⁵ Lweke diadini batu ba kele kwakunu bomo yi bu bakwete, mu miongo mi Yuda baya hoyidi misamu miamini. ⁶⁶ Batu bakulu bana bawudi misamu miakulu mini baya misweki ku mbundu, ba hoyelenge mwana wawu na ka kala? Mana koko di Nzambi dikala we yandi. ⁶⁷ Tatandi Zakadiyi yi ka bese we pefi Nzambi, yi ka bandikidi kulongo ndingi Nzambi: ⁶⁸ Dikumu di kala ku nge mfumu Nzambi wu batu ba Isalayedi wusu bikisi kanda diandi. ⁶⁹ Mana yi kesi ntu lubululu mutu ngolo mu kanda di Tavidi mutwandi wu kisalu, ⁷⁰ Bunu ka hoyele ku mimua mi ba ngunzu ba Nzambi ba ntama, ⁷¹ Mu bikisi mosi musu ntukatulu ku moko ma ba mbeni we ku moko ma batu ba ntu menganga. ⁷² Buawu ka songele luzolo lu yandi ku ba tata ba betu, mana ka banzanga ku wakana ku mu longo. ⁷³ Muku tala dizingu di kasididi ku Abalayami tata betu. ⁷⁴ Wu ntu heke nzili mu ku katlu ku moko ma ba mbeni ba betu mu kumu sadila wu kondo bomo, ⁷⁵ Muku kangala yi yandi mu bu nkete bu nkete ku mesu ma mene bi lumbu biaku ku mesu ma batu. ⁷⁶ We nge wana nkeke ba bandiki ku kutele ngunzu Nzamni mpungu? Mu diambu ka kangalanga ku mesu ma Nzambi, mudiambu di ku yidiki Nzili. ⁷⁷ Mu ku hana ku batu bandi mayele ma ku huluku mudiambu di kuyambululu masumu ma beyu, ⁷⁸ Mungolo za kiadi ki mfumu Nzambi betu, buabunu ka ntulubululanga muni wu tendangi yi kibungi, ⁷⁹ Mu diambu ka tendilanga batu bakulu bene mu misamu mi mbi mi pibi yi lufwa, mu kunatisi malu ma betu munzili pweti. ⁸⁰ kingi, mwana kayele, ka kumu ngolo mu pefi mana ka zingi mu nsi yini yi kondo kimi, ti mu kilumbu ba musongili mu mesu ma ba Isalayedi.