¹ Yuda, mboti ku benu batu bana ka solele Nzambi mu kiesi kiakulu we Yesu kidisitu ka lu batilawu Nzambi. ka lu wulu kiadi; ² ka lu basisi mu mu mpweti we kiesi mene Yuda, kisadi ki Yesu kidisitu we mpangi Jaki mutu lu hitikidi mukanda wu. ³ Bambpangi ba mene ba kiese musamu betukulu ntu tusa mbundu Nzambi ka ntu hulusu, tuku ntama yikala we mfumu yikulusonikini mukanda. Mbwene yisala bwabunu mudiambu di kululendisi, mundiambu lumwana hazulu dilukwikulu musamu mambu mana basongele batu ba Nzambi mafwenoko kubaluku. ⁴ Kingi batu bakaka ba mbi ba tuku lukotili mu benu, bati ku bebisi kiesi ki Nzambi betu, bati kubanza na yi yawu yi tuku baheke nsili mu kuta mbongi. Ba busanga Yesu Kidisitu, wu wene mfumu mosi we mfumu betu ku yandiki ntama ma ba ma hoyi we kunu ba baongo ndolo. ⁵ Nzoele yi lu kamba diambu misamu lu yaba mini; tangu kaka ntwele mfumu bana ba Isalayedi mu bumpiki, ku manimi yi ka hondele ku mu tambusulu. ⁶ Ha nkati ka ba mbasi ba Nzambi ba bahiki ba bungu sikisi diawuwe ku sisi kiziki ka ba heke Nzambi. yi bwawu Nzambi wu ba kasa kimakulu mu miniololo mana ka ba sweke mu kiziki ki mosi kimpibi tii yi mu kilumbu ki bunsuki ka tabulu misamu mi batu bakulu. Lu banza misamu mi Sodomi we Gomodi, we mahata ma bele bele. Batu ba kwakunu ba sadidi misamu mi nsoni, mu mpidi yi ba dingidi ku yabasana lutu banketu yi banketu, bayakala yi bayakala. /v8 Mana mahata mene ma yiki mbandu kwene betu; ba bongele ndolo yi mbawu yi kondawu ku hwa. ⁹ Kingi mi sele mbutu ba mbasi ka sala bwabunu. Tangu ba sidi mpaka yi mufu we ku nwanini mvumbi Mose, ka mu lendoko nkanda mu mufu, mana ka mu kembe bu:"Nzambi yandibene ka hana ndolo." ¹⁰ Batu bene ba semba misamu ha kondele kuyaba. Ba fanakene we ba mbisi ka kondoko ; ba yaba na nzala luku diawu; ¹¹ Kiakini ki ba ladisi ki makulu.Ngebe ku bawu, bu ba lende nzidi Katini. Bekini bumpala mu diambu di nzala mbongo, ba lende Balami; ba bebele mu diambu ba tuku wa nkabu nga Kole. ¹² Kwene bawu ba bungu bizamba bi benu bi ku zolosana, Tangu lu sangakanawu mu ku dia we bampangi; nsoni za ba nkwata mu mpidi ba wobikisi bimi, ba fanakene we matuti ma kondawu ku nokisi mvulu mu diambu mfunzi yi ba natawu; bene nga muti konda ku butu bibundu ata tangu di fene; holo miti mini ba vusu, mu diambu mi fwa ntama. ¹³ Ba fanakene we mfunzi yi kabala yi mamba ba lubulawu misamu mi nsoni bunu yi lubulawu mfunzi fulufulu ha ntandu mukanzu mamba. Ba fanakene dihiki nga bambwetete ba kwe yangani. Nzambi wu ba swekidi kiziki ki mosi ki mpibi mu diambu di kimakulu. ¹⁴ Inoki, nkaka wu nsambwadi wu landa Adami, ka hoyele bwabunu diambu di bawu: "Nzambi ka kusu we mambasi ma yandi mafundu yi mafundu." ¹⁵ Ka tabulu misamu mi batu bakulu; ka lubulu mambi makulu ba sadidi batu ba zunzi, we mandingi makulu ma dilendu ba hoyelewu batu ba masumu mu diambu ba mu landa nkanda. ¹⁶ Batu bana ba di hoyila hoyila, ba dila tangu diakulu na bekini mu mpasi. Ba landawu nzala yi ba bene; ba lubulawu mandingi ma dilendu mana ba zolawu batu bunu ba fene ku ba heke kiesi. ¹⁷ Mana benu bampangi ba dizolo lu banza misamu ba ntu kembe bangenzi ba mfumu betu Yesu kidisitu. ¹⁸ Ba ba kembe bu: "Mu bilumbu bi bunsuki, batu ba hiki ba yandiki ku lewulu Nzambi mana ba kala mu ku nzala mubulu wu bawu." ¹⁹ Bawu ba cha butandu mu bampangi; mpefu yi Nzambi yeku mu mambundu ma bawu, mana bawu ba landawu misamu miawu mi ki mutu. ²⁰ Kingi benu bampangi ba dizolo lu tambusulu Nzambi, lu yiki ngolo mu ku zolo kunu lu zolele Nzambi mana lu lombawu mpefu Nzambi. ²¹ Lu simbawu dizolo di Nzambi, yi kunu lu hingidawu na mfumu Yesu kidisitu ka lu wulu ngebe we ka lu heke moyi wu mvulu yi mvulu. ²² Bampangi bana bene yi hunu yi mpaka lu ba wulu ngebe; ²³ Ba fana kene we batu bana ba tuku hia mbawu; lu ba hulusu. Batu ba hiki bana lu ba wulu ngebe, mana lu kebe mu diambu di bawu; lu yaku simbi ata milele mi bawu, mu diambu miene mi ku bebe mu bisalu bi bawu bi mbi. ²⁴ Nzambi kene yi ngolo za ku lu kebe mu diambu lweku we lu yaku kala ata yi mbi mosi. Yandi wawunu fene ku lu nata kwene yandi, mu diambu lu mu mono yandi mana kiesi ki benu ki hatakidi. ²⁵ Kene Nzambi wu betu betu we mvulusi mu diambu di mfumu betu Yesu kidisitu. Sikisi di vulu bungi we kimfumu ki kala kwene yandi tuku dibandikidi, tangu di, yi mvulu yi mvulu bwabunu.