¹ tangu di ntama nzambi ka hoyelenge ku ba nkaka ba betu tangu diakulu we mu pidi yakulu mu nzili ba ngenzi. ² Mana mu bilumbu bi bu nsuki, ka tuku ku hoyili mu nsili mwana yandi, mfumu bimi biakulu we yandi Nzambi ka sadidi nsi. ³ ka bongele ki lunzi ki tatandi, dikumu dini diene ku mwana diene di tatandi. Kasimbidi nsi yakulu mu ngolo za ndingi yandi. Tangu ka menisi masumu ma batu, ka zakele kuzulu kiziki ki dikumu bele bele we Nzambi mu ngolo Zakulu. ⁴ ka kumini yi ngolo ku lutu mbasi za Nzambi, bwa bunu Nzambi ka muhele zini di hiokele ma zini makulu. ⁵ Kama kambieku mu bansi za Nzambi na: wene mwana mene, mene yi kubutidi lelu? Holo dihiki: yikalanga tata yandi, mana ka kalanga mwana mene. ⁶ Nzambi angu ka tumini mwana yandi wu ntete, ka hoyele bu : mbasi za Nzambi zakulu za mukumisi. ⁷ Sambu di mbasi za Nzambi, ka hoyele : Yandi ba kumisanga hoyi na mu pebe, we batu ba nsadilanga yi ba kumisi hoyi na mbawu yi leminanga. ⁸ Mana mu ma matadidi mwana yandi ka hoyele : Nzambi kimfumu ki nge kizingi mfulu yi mfulu. natisi bana ba nge yi kiese kiakulu. ⁹ Zolanga misamu mi bunkete mana bisanga misamu mi mbi. Bwa bunu mene Nzambi nge yi kusolele mu kumono kiese, kiese ki kulutu na kini yi hene ku ba pangi ba nge. ¹⁰ Mfumu, mu diayandiku nge wu sadidi nsi, zulu di salamene ku moko ma nge. ¹¹ Biakulu bi lala mana nge sala. Bi nunu biakulu hoyi na milele. ¹² Bikasa bunu kasanga kazaka, ba tuku bisumbu bunu ba sumbanga milele. Mana nge sala bwa bunu. ¹³ Nzambi ka ma hoyidieku ku mbasi za Nzambi na : zakala ha koko di mene di ki tata we kunu yi basia ba mbeni ba nge ha nsi malu ma nge? ¹⁴ Mbasi za Nzambi zakulu zeku pefi zana ka sadilanga Nzambi mu kutumu sambu di kusadisi batu bana ba huluku?