¹ Pablo, un apóstolo de Xesús Cristo por vontade de Deus, e Timoteo o noso irmán, ² aos crentes e fieis irmáns en Cristo que se atopan en Colosas. A graza e a paz de Deus, o noso pai, sexa con vos. ³ Damos grazas a Deus, o Pai do noso Señor Xesús Cristo, e oramos sempre por vós. ⁴ Nós escoitamos da vosa fe en Xesús Cristo e do amor que tedes para todos aqueles afastados de Deus, ⁵ a causa da esperanza reservada para vós no ceo. Vós escoitastes acerca disto na palabra verdadeira, o Evanxeo, ⁶ que chegou a vós. Este Evanxeo está dando froito e crecendo en todo o mundo. Tamén está facendo isto en vós desde o día que o escoitastes e aprendestes sobre a verdadeira graza de Deus. ⁷ Este é o Evanxeo tal como o aprendestes de Epafras, o noso amado conservo, quen é un fiel servidor de Cristo para o voso beneficio. ⁸ Epafras falounos do voso amor por Cristo. ⁹ Por causa deste amor, desde o día que escoitamos acerca disto, non deixamos de orar por vós. Pedimos que sexades cheos do coñecemento da súa vontade, con toda sabedoría e entendemento espiritual. ¹⁰ Oramos para que camiñedes de xeito digno para que ao Señor lle compraza, dando froito en toda boa obra e crecendo no coñecemento de Deus. ¹¹ Oramos para que sexades fortalecidos en toda habilidade segundo o poder da súa gloria en toda perseveranza e paciencia. ¹² Oramos para que deades grazas a Deus con gozo, quen vos fixo aptos para compartir a herdanza dos crentes en luz. ¹³ El rescatounos do dominio da escuridade e trasladounos ao reino do seu amado Fillo. ¹⁴ No seu Fillo temos a redención, o perdón dos pecados. ¹⁵ O Fillo é a imaxe do Deus invisible. El é o primoxénito de toda a creación. ¹⁶ pois por el todas as cousas se crearon, as que están nos ceos e as que están na terra, as visibles e as invisibles. Sexan tronos, dominios, gobernos autoridades, todas as cousas foron creadas por el e para el. ¹⁷ El mesmo é antes de todas as cousas e nel todas as cousas se sustentan. ¹⁸ El é a cabeza do corpo, que é a igrexa. El é o principio e o primoxénito de entre os mortos, para que así teña o primeiro lugar en todas as cousas, ¹⁹ porque a Deus lle agradou que toda a súa plenitude habitara no seu Fillo, e a traves do seu Fillo reconciliar todas as cousas consigo mesmo, tendo xa feito a paz mediante o sangue da súa cruz. ²⁰ Deus reconciliou todas as cousas consigo mesmo, sexan as cousas da terra ou as cousas do ceo. ²¹ Noutrora vós tamén erades alleos para Deus, inimigos seus no modo de pensar e de actuar. ²² Pero agora, el restaurou a paz con vós por medio do seu corpo físico a través da súa morte para presentarvos santos, sen culpa e libres de calquera acusación diante de Deus ²³ se continuades estables e firmes na fe, sen afastarvos da esperanza do evanxeo que escoitastes. Este é o evanxeo que foi anunciado a toda persoa creada baixo o ceo, do cal eu, Pablo, me fixen servo. ²⁴ Agora eu énchome de ledicia nos meus sufrimentos por vós, e completo en min mesmo o que falta das aflicións de Cristo polo ben do seu corpo, que é a igrexa. ²⁵ É desta igrexa de quen eu son servo, de acordo coa responsabilidade que Deus me deu para con vós de completar a palabra de Deus. ²⁶ Este é o misterio que estivo escondido durante idades e xeracións, pero que agora se revela a aqueles que cren en El. ²⁷ Deus quixo darlles a coñecer as riquezas da gloria deste misterio a todos os pobos; que Cristo está en vós, a esperanza da súa gloria. ²⁸ Este Deus é a quen nós proclamamos, advertindo e ensinando a toda persoa con toda sabedoría, para que toda persoa se poda presentar chea de madurez en Cristo. ²⁹ Para isto eu traballo e me esforzo segundo as forzas e o poder que recibo del.