¹⁴ Aku tu pengibun bedus ti badas. Aku ngelala bedus Aku, lalu bedus Aku ngelala Aku, 15 ¹⁵ Apai ke ngelala Aku, lalu Aku ngelala Apai; lalu Aku nyerahka nyawa Aku ketegal sida. 16 ¹⁶ Aku bisi bedus ti bukai, ti ukai ari raban tu. Aku enda tau enda mega mai sida, lalu sida deka mendingka nyawa Aku. Nya alai sida deka nyadi siti raban, enggau siku aja pengibun. ³² Jesus lalu nyaut sida, “Aku udah ngayanka mayuh bengkah kereja ti badas di mua kita ari Apai. Kereja ni ti ngasuh kita keran deka nuku Aku ngena batu?” ³³ Disaut sida, “Kami ukai deka nuku Nuan ngena batu ketegal pengawa ti badas ti dikereja Nuan, tang laban Nuan bejaku busung, laban Nuan, ke semina mensia aja, ngumbai Diri Allah Taala!” ³⁷ Enti Aku enda ngereja pengawa Apai Aku, anang meh kita arapka Aku. ³⁸ Tang enti Aku ngereja pengawa Apai Aku, taja pen kita enda arapka Aku, kita patut arapka pengawa ti dikereja Aku, ngambika kita nemu sereta meretika Apai bisi dalam Aku, lalu Aku dalam Apai.” ³⁹ lalu sekali agi nguji nangkap Iya, tang Iya ngelechut ari jari sida.