¹ . Dinga Teofilus, Alam buku ti keterubah, aku nulih pasal semua utai ti udah dikereja enggau diajar Yesus kenyau hari pun. ² . Nyentuk gagai ari Iya dibai niki, lebuh Iya udah meri pesau, ulih kuasa Roh Kudus, ngagai sida rasul ke udah dipilih Iya. Alam kandang empat puluh hari udah bekau Iya mati, ³ Iya suah ayan di mua sida kena Iya nunjukka Diri amat idup. sida meda Iya, lalu bejako ngagai sida pasal perintah Allah Taala. ⁴ Lebuh Iya benung diau enggau sida, Iya enda nyagi sida ninggalka Yerusalem, tang nganti pemeri ti udah di semaya Apai. ko Iya, ''To utai ti udah di dinga kita ari Aku: ⁵ Yohanes maptis ngena ai, tang enda lama age kita deka di baptis ngena Roh Kudus." ⁶ . Leboh sida begempuru, sida alu nanya Iya, “Tuhan, kati to maya Nuan deka mulaika Perintah ngagai urang Israel?” ⁷ . Iya alu nyaut, “Kita enda iboh nemu maya tao ka musin ti udah diletak Apai ngena hak Iya empu. ⁸ . Tang kita deka nerima Kuasa, Leboh Roh Kudus udah nurun atas kita, alu kita deka nyadi saksi Aku di Yerusalem, di serata menua Yudea enggau Samaria, enggau ngagai ujung dunya." ⁹ .Leboh Iya udah nyebut nya, Iya alu dibai niki ke surga, dipeda semua sida, lalu remang ngelindung Iya ari sida. ¹⁰ . Leboh sida benung engkadah ke langit ngelilaka Iya mupuk, tekala nya dua iko urang ke ngena gari burak bediri ngimbai sida. ¹¹ . Lalu bejako, “Kita urang Galilea, nama kebuah kita bediri engkadah ke langit? Yesus to, ke udah diambi ari kita alu dibai niki ke surga, deka datai baru baka cara Iya ke mupuk ke surga, baka ke udah dipeda kita.” ¹² . Sida alu pulai ngagai Yerusalem ari bukit Zaitun enda tentu jauh kira satu kilometer ari negri nya. ¹³ . Leboh sida udah tama ngagai negri nya, sida alu niki ke sadau, ti endur sida diau, Sida nya Petrus, Yohanes, Yakobus, enggau Andreas, Filipus enggau Tomas, Bartolonius enggau Matius, Yakobus anak Alfeus, Simon urang Zelot, enggau Yudas anak Yakobus. ¹⁴ . Semua sida seruran besampi, sama enggau sida ke indu, nyengkaum Maria indai Yesus, enggau sida menyadi lelaki Yesus. ¹⁵ . Leboh maya nya Petrus alu bediri ba tengah-tengah bala sida ke pecaya pemayoh semua sida kira seratus dua puluh iko, alu bejako, ¹⁶ . “Menyadi, Kitab suci enda tao enda dikamat ka, ba selentang Roh Kudus ke bejako ngena mulut Daud, pasal Yudas ke nyadi pemimpin urang ke nangkap Yesus, ¹⁷ . Laban iya udah nyadi raban kitai, alu udah diberi ungkup dalam pengawa to.” ¹⁸ . Nyadi Yudas udah meli sebidang tanah ngena duit ti uleh iya ngereja pengawa ti jai nya. Iya rebah ba tanah nya alu perut iya pecah, alu semua perengka isi perut iya tepambur pansut. ¹⁹ . Semua urang ke diau di Yerusalem bela udah ninga pasal nya, nya meri, dalam jako sida empu, sida ngumbai tanah nya Hakal-Dama, reti nya, “Tanah Darah.” ²⁰ Laban sige udah dituleh dalam kitab Mazmur, ‘Awak ka rumah iya puang, alu awak ka urang nadai diau alam rumah nya: ‘Awak ka urang bukai ngambi pengawa iya.’ ²¹ . “Nya alai, siko urang ari sida ti selalu begulai engau kami enda tao enda enggau kami seage Tuhan Yesus begulai besama -sama enggau kami, Iya nya ²² . mulai ari babtisan Yohanes datai ke ari Yesus angkat ke surga ninggal ke kami,ngambi bela nyadi saksi enggau kami pasal penggangkat Tuhan Yesus ari pemati." ²³ . Lalu sida ngusul ka dua urang: Yusuf iya ke disebut Barsabas enggau iya ke benama Yustus, enggau Matias. ²⁴ . Sida alu besampi, ko sida, “Tuhan, Nuan nemu ati semua urang, Tunjuk ka ngagai kami ni bagi seduai to ke udah dipilih Nuan ²⁵ . bekereja alam pengawa to nyadi rasul nganti Yudas, ke udah limpang alu mupuk ngagai endur iya empu." ²⁶ . Sida alu becabut undi ke seduai iya, alu Matias kena pilih. Iya alu ditambah ka ngagai bala rasul ke sebelas iko nya.