¹ Libuku jindakalemba kaale, Teofilo, lyambila Jesu kutalika kucita akuisha, ² kushikila buzuba bwakamubwezengwa nakamana kupengwa malaile kwiinda mu muuya usalala kubapositolo bakasala. ³ Nakamana kupenga, wakalibonya kulibambo akubazhula kunji. Kwamazuba makumi oone walibonya kulibambo, alimwi wakaamba bwami bwa Leza. ⁴ Ano nakali kuswagana ababo, wakababila kuti batazwi mujelusalema, pele mulindile cishomyo cataata, buuli, bwakaaba,''mwakantelela ⁵ nchobeni Johani wakababatizha amazhi, kwamazuba mashoto muyakubizingwa amuuya usalala.'' ⁶ No bakaswanganizhigwa atoomwi bakamubuzha,'' Mwami, saa ceciindi ciino choyakuzhola bwami kuizilaili?'' ⁷ Wakabambila,'' tamulindimwe mweelele kuzhiba ciindi na buzuba oobo mwami bwakambaba munguzu zhakwe. ⁸ Ano muyakutabula nguzu, ano muuya usalala nowamushikila, muyakuba bakamboni bangu mu Jelusalema moonse mu Judiya a musamaliya, alimwi akumamanino anyika.'' ⁹ Ano mwami Jesu nakamba zhezhi zhintu, kabalanga munjulu, wakanyamunwa, ono likumbi lyakamusisa kumeso aabo. ¹⁰ Ano nobakali kulangishisha kujulu kwakaya, mpena-mpena, basankwa bobile bakaima kulibambo muzhisani zhituba. ¹¹ Bakamba,'' nobasankwa ba Galilaya, ncizhi nchomulanga mukati kanjulu apo pomwaima? Uyu Jesu wabwezewa kuzwa kulindinwe kuyakujulu, uyab kuza alimwi bwena bumwamubona kauka mujulu. ¹² Ano bakanjokela ku Jelusalema kuzwa kumulundu wa Oliva, ulafifi a Jelusalema, lweendo lwa mu nsabata. ¹³ Ano nobakashika bakaya mung'anda yamunjulu, mubakali kukala. Mwakali Petulo, Johani, Jacobo, Adileya, Philipo, Thomas, Bartholomelo, Mateyo, Jacobo mwana wa Alifalo, Simoni wa Zealoti Ajudasi mwana a Jacobo. ¹⁴ Bakaliswangeni atomwi, buli bubakazhumanana kukomba, kubikilizha abamakaitu, Maliya banyina Jesu, alimwi abakwaambo. ¹⁵ Mumazuba ayoo Petulo wakali kuima akati kabakwaamba mweela ushika ku mwanda omwe amakumi abilo abantu, wamba, ¹⁶ '' Bakwesu, cakali kweleela ati magwalo azhukizhiwe, buli muuya usalala buwaamba kumulomo wadavida kunjatikizha Judasi, wakasololela banjata Jesu. ¹⁷ Twakalinga anguwe alimwi wakatabula cibazu cabulumbu bwabukabaushi bwakwe.'' ¹⁸ [Ano oyu musankwa wakaula muunda abulumbu bwakapengwa mukutaloma kwaake, alimwi kuuya wakatelela muntwi kutanguna, alimwi mubili wakwe wakapasuka, alimwi zhoonse byamumala byakazwa moo. ¹⁹ Boonse bakala mu Jelusama bakatelela aya, ano bakawita muunda mucishobo caambo '' Akeldama,'' caaba ati,'' muunda wabulowa.''] ²⁰ Buli bokulembelwe mulibuuku lya Intebauzho,'' Uyu muunda alibe litongo, alimwi mutalekeli muntu naba omwi kukala moo; ' Alimwi umwi abusena bwakwe bwakusololela; ²¹ Celele, aboobo, umwi wabamasankwa bakatusangana ciindi choonse mwami Jesu wakaya mukati alimwi akuzwa akati kesu, ²² kutalikila kulubabatizho lwa Johani kusikila ciindi nakabwezengwa kuzwa kuli ndiswe, kulezhele kuba kaboni andiswe kukubuka kwakwe.'' ²³ Bakabika basankwa bobile kunembo, Josefa wiitwa balamba, wakalikucite lyizhina lya Justusi, alimwi a Matiyasi. ²⁴ Bakakomba akwamba,'' iwee, mwami, zhiba myooyo ya bantu boonse, ano zhubulula nguwakasala kubantu aba bobile. ²⁵ kubweza busena bwamulimo bwabaapositolo uko Judasi kwakashiya akunka kubusena bwakwe mukamwini.'' ²⁶ Bakauma cisolo akati kaabo, alimwi binji byakawinda kuli Matiyasi, alimwi wakabalwa ali bali kumi aomwe bamapositolo.