Pasal 5
Ananias dan Safira
1
Saet sop en tamtormal. Tamtu-tamtu ebe hal Ananias as soprilat ehom Safira, menjual endu barsa.
2
Sae sop tanrommas ehom Ananias ofastane lus endumat, hasil penjualan ebe tani ebe matani saet sop ito ma saet luse be sop opal ehi e rifu para rasul.
3
Samo Petrus sop esrak enduen moho fabe iblis daen fitun ofo saet sop yam widal tor Roh kudus wifas tane endulus hasil semala tit.
4
Saet aen fan di jual baenela selmale saet sop ubema, saet enohofa selmale sop enom fuhe kuasa endut enohofa yam fanggome endupelafei antit fitum afo warilon yan midal tane ebope tamtormal. Aen ofe nat ribope Arpames.
5
Saet sof ofla esrak et Ananias alot sop suan aro atepar tit sebe tanian bilu saet dwahe sop afei afo penyek tamtormal sop roflae.
6
Tamtormal lus bronane rimi mengapainya menggotongnya uronrak sop rinor lopi.
7
Saet warilon samo aker-aker yan toul Ananias ehom oma saet tit tap omnas ensanpana et sop afela.
8
Saet Petrus esrak ri oboperi," Saet safina esrak ri yah awahe selmale saet sop harga dwahe tit" saet safira esrak ri yah awahe enti.
9
Saet Petrus esrak ebope yam enduen oho fa yam sop ehon entehe ritilut sop adale Roh Tuhan. Ria rome al far-fare tamlor. Mal saet sop ribon lipi ehom saet enom matan rantan en fendumat uma ritit taop tit marak.
10
Erirahe swis safira elot en Petrus al fu etepar sumaro sop eta ihi, saet tamtor-tamtormal bromane fendumat rirome safira oper delyak saet fendumat mengusustnya rit rombrak e sop ritop ribon lipi sop ribon dari tane ehon.
11
Saet ennofei nemar saet dwahe sop enri penyek jemaat saet tamtor-tamtormal saet rofla endumat tit.
Tanda-tanda dan mujisat-mujisat
12
Sefa fare ajaib sop mujisat ofei re enerer tamtormal sofa menona erer mari para rasul sop fendumat penyek ren fit rori afo en tehe renon wihi serambi sasomo.
13
Tap enon ere r sop luslo tani momnan saet rasna nyak e memuliakan fendumat.
14
Sop enon nenoma sefa las maenyot tamtormal sop ras nanyak warilon Tuhan sefadwahe enfla tamtor-tamtormal rabou amfei.
15
Saet sop fendumat bahkan mengusung tamtor-tamtormal mehae etut. Saet tarok rana-rana sa-rantotau fendumat ren afo tandu sop kasur jerami saet sop Petrus ama las tani plo ait foni rikus ri fendumat.
16
Ema enon sefa ren sao-sao eyale Yerusalem oma ritilut. Ritoma tamtor-tamtormat mehal saet fendumat sop di rasuk roh-roh fetes fendumat penyek ri rabebur i.
Rasul-rasul dilepaskan dari penjara
17
Saet apara Imam dwahe rifar, ritilut para pitaene, haet golongan saduki, sop fendumat daen saet fituafo.
18
Fendumat radedot para rasul sop reisor ren warilon kawa limu penyek sehe.
19
Saet sop ren peni waheto fendu malaikat Tuhan ofokri ramtan kawa limu. Berimfsn fendu ramarak sop esrak.
20
Op etuen sop esrak ri ebope tamtor-tamtori lus en Bait Arpames penyeksehe fentialo enofe enon tit.
21
Saet sop fendu roflae samo tendi fenakmat relil en warilon Bait Arpames et ofei esrak ri. Saet imam dwahe sop riyaari tamtou den kawa limu saet ritoe rasul-rasul sop renri fendumat.
22
Samo saet tamtor-tamtormal penyek sop far ihi fendumat baen riarome rit lu rasul enri kawa limu saet nofa fendumat resripar sop riresrakri.
23
Saet esrak min mironi kawa limu sop kunci saet penyek sehe pengamanan saet para riren radar dar rifar enon cofuar ramtan sop saet mim erak par mim tap marome to mtues sop aen warilon, saet sop ribope radardar Bart Arpames.
24
Sop para Imam dobri roflae esrak ri de fendumat sael rapo papar e saet para rasul saet sop ehlm tare-ehlm tare endut enohofa angker ait endumat sop alten enafei.
25
Samomat tomtutes o map sop uafi onos fendumat,"arome tamtormal yam sop elil alem warilon kawalimu saet rifar enom Bait Arpames sop esrak ri fenti fia tamtormal sefa.
Rasul-rasul di hadapan Mahkamah Agama--Nasihat Gamaliel
26
Sop dobri radar-dar Bait Arpames ebe pengawal riumar sop ritoe rasul-rasul saet sop tap riafe kekerasan saet fendumat nenari fatih hebe ehori tamtori sefa.
27
Fendumat saet delyak ritoe Petrus rilat Yohanes ma ritoerilat sam heari sop imam dwane femdumat rihim tare
28
Rihim tare, mim delyak saet baenela saet baen saet tapse sop aour fi am sop en hah warilon et sop fanggomu saet erfar tani sila tamtormal entit ebope mim.
29
Samo Petrus sop para rasul mat resrak yam sesya sefar of lae Arpames top fe tamtormal.
30
Arpames rebe tapuan laba saet it etiak ana Yesus samo yam mifun sop mehli en nun slatal.
31
Arpames ediahae obaen mama om saet enofe dabu so Juru selamat saet ur frer tafar ahi taen irael sohus fere be ehla-ehla.
32
Saet mim mainan saksi-saksi men penyek tit bope mai mon uma fanggomu ontu en saet Arpames ur fri bope tamtormal-tamtormal saet aen fanri.
33
Saet Fendumat roflae endumat en fituafo fendumat riho sop ete aha saet sop afun pare para rasul tit.
34
Aen sop fendu fari simat hat Gamaliel, tomtumal guru taurat saet mori rife penyek sehe tamtori mat rifar ren cofuar san hendri saet eyaari sop para rasul sop ritop rit ramarak ara hap tit.
35
Saet sop esrak fenelumat ebope, hai tamtormal-tamtormal Israel cori mama renen sop ensan pama et be sop yan ela fe a aen mofe tamtori tamtormal tit.
36
Saet mnei fa sano saet eholok teudas atiak aha boufri tani it enafe tamtormal fia angke orur-angkerorur em fau ratus tamtormal sop rikin no ma saet sop aen ri afun pare sop penyek riritaan rifafok-afok atuahi tapse ainon penyek sehe.
37
Saet sop Teudas, Yudas ren gau tea etiak aha sop waheto-waheto sensus, sop aok tan tamtori saet ria taene etena riataaene et ema afum pare sop penyek ri ataane ri fafokpar-fafokpar.
38
Saet en warilon ehlatit yam yasrak yam fen ti eno tamtormal-tamtormal tit sop afok pari fendu mat sop rinau tare sop rifeimar tit enofe rentamtormal enduhe sop tap aop aen fia.
39
Samo aet fanggomu aite tit aen Arpames yam tapse saet pak afei a atuah. Ben yam angker atit aiten dabuha somne Arpames.
41
40
Fendumat riataan fenti fia Gamaliel. Saet sop fetap ehianri rasul lu sop fendumat rifun fendululatma sep baem mela yamlat aen nofe rasul esrak sop riao tanirya sanhendrin sop rit momlo sop fendumat tendi omnas riaen fetes risahukfri ebe ha.
42
Saet wahelo-waheloemnal aen Bait Arpames saet en ebe limu fendumat tapse riafei pak atuenyak a wihisahuk fri so esrak fendti alo Yesus enon Kristus.