¹ बापतिस्मा केनारो योहान तिया दिहाम, यहूदी देशाम जंगलाम अविन, ऐहकी घोषणा केरा लागलो की, ² "पस्तावो केरा, काहालका स्वर्गा राज्य पाही आलो हाय" ³ काहालका यशया संदेष्ाकी तिया बारेमे ऐहकी आखलो आथो, कोई "जंगलाम घोषणा आखनारा आवाज यो, 'तिया वाट नीट रा. ⁴ तिया योहाना पोतडे उंटाडा चोटया आथे. तिया कमरात चाबडा पोटो आथो. तिया मांडो तिडे आने जंगलामने रानमध आथो. ⁵ ता‍हा यरुशलेम सहरा, आखेज यहूदी देशाआ तिया यार्देन खाडीई आनु बाजुओ होगोज जागहामेने मा बेला आले. ⁶ ते जियातिया पाप कबुल केतला ताहा, तियान तिया हाथाकी यार्देन खाडीम बापतिस्मा देतलो. ⁷ फासे परूशी आने सदुकी ईयामेने अलग अलग माही तियात्रेला बापतिस्मा खातुर तिया पाही आनता विईन,"तो तियान आखतलो,"ओ विषारी हापड़ा पोयराहा, आवनारो क्रोधामिने तुमनेहाल चतुर केये ? ⁸ ताहा पस्तावों किन तुमान योग्ये लागी ऐहके काल द्या. ⁹ आने अब्राहाम "आमा बाहको हाय, ऐहकी एक बिजाल आखा विचार जियातिया मनाम केरा माआ, काहालकी आय तुमाल जाहु, देवुल ईया दगडामेने अब्राहामा खातुर पोयरे उत्पन्न केरोवु शक्ती हाय, ¹⁰ आने चाडवा धुबाई आमीज कुवाडो थवलो हाय, जोओ दरएक चाडवो फल देतो नाहा, तेओ शेंडी टाकवा आबी आने आगीम टाकाम आबी. ¹¹ आय तुमा बापतिस्मा पस्तावो केरा खातुर पायाकी कीईहु पेने माआ फासला आवनारो हाय. तोओ यापेक्षा खुब शक्तीशाली हाय आने तिया चापले उचलीन चाला खातुर आय योग्य नाहा, तोओ तुमा बपतिस्मा पवित्र आत्मा के व आगीके केनारो हाय. ¹² तिया हाताम तिया हुपडों हाय, तोओ तिया खोलो खुब हारो केरी, आने तिया गहू बोधडीम हेगलावी; पेन भुसो किधीज नेय ओलबानारी आगीम टाकीन बालीदीई. योहाना आथा की ईशु देवा बाप्तिस्मो. .. ¹³ तिया फासला ईसु गालील देशामेने यार्देन खाड़ीम, योहाना हातावाय बापतिस्मो लाआ खातुरतियापाही आलो. ¹⁴ फासे योहान्न तियाहाल उभारे आखतलो, माल तोओ हाता बापतिस्मा लेबुलो गरज हाय, ऐहकि हाय, तेभी तु मा पाही आवतो ई केहकी ? ¹⁵ ईसु तिमालआखी देतो, "आमी ई बिईजा दे, काहालका ईयाप्रकारे आखान न्यायीपणा पुरेपुरा केईलये ई आमाल योग्य हाय, " ताहा तियाहा तो बेरा देदो. ¹⁶ फासे ईसु देवा बापतिस्मा लिन, ईसु पायामेने बाअरें आलो आने वेरा तीया खातूर आकाश उघडीगियो ताहा तियाय देवाआ आत्मा कबुतराहोय उतता आने तियावेल आवता देखायो. ¹⁷ आने आकाशामेने आवाज वेयो कीई, "ओ माआ प्रिय पोयरी हाय, ईयाकी आय खुब प्रसन्न हाय"