¹ ताहा ईशुय खुबुज लोकाहान आन तिया चेलाहान आख्यो, ² शास्त्री आन परूशी एलोक परमेश्वरा निरोप्यो मोशे इया गादीपे बोठला हाय. ³ इया खातोर ते तुमाहान जेहेंकी आखी तेहेंकी केजा आन मानजा पेन ते केताहा तोकाममा क्याहा, ते आखताहा पेन सोव नाहा केला नाहा. ⁴ उसलायनाय ओतोवो जो ते वादताहा आनतोवो जो लोकाहान खांदाहा पेउखलावताहा, पेन तेतिया बोजाल उखला खातोर आकडी भी नाहा लागता. ⁵ ते तियाहा काम लोकाहान देखावा खातोर केताहा, आन ते; चांवडावोनावलो; तावीते मोडेवो नाव ताहा आन पोरडाहा कोरवादवु ताहा. ⁶ काही भी मांडा खा आखा तोर हाद्यो ताते मानपाना जागो होदताहा आन सभाथी हीमभीते हेंकीज. ⁷ बाजाराम लोक तियाहान सलाम ला जोजे आन गुरूजी एहेंकी आखा जोजे, इतियाहान खुबपोटे. ⁸ पेन तुमा गुरूजी एहेंकी माआखावता, तुमा एकुज गुरू हाय आन तुमा बादा पावहु हाय. ⁹ तोरती पे केडाल ओमा बाहको एहेंकी मा आखाहा काहा का तुमा एक जबाहको हाय, आन तो होरगा महाय. ¹⁰ आय मालीक हाय एहेंकी मा आखावाहा काहाका तुमा एकुज मालीक हाय आन तो ख्रिस्त हाय. ¹¹ जो तुमाहाम सेवक बोनिन सेवाकेहे, तो तुमाहाम मोडो हाय, ¹² जो सोवताहाल मोडो केरी, तो हानो केराय जाय आन जो केडो सोवताहाल मोडो केरी, तो मोडो केराय जाय. ¹³ ओ ढोंगीपरूशी आनशास्त्रीलोकाहा, तुमा खुबमोडी पीडा हाय, तुमा होरगाराज्यावानो लोकाहाखातोर बोनव केताहा आने तुमा सोवताहा तियाम जातानाहा आने जे तियाम जाते, तियाहानभी जा नाहा देता. ¹⁴ ओ ढोंगीपरूशी आने शास्त्री, तुमा खुबमोडी पीडा हाय, तुमा विधवा बायाहीन लुटताहा आने लोक तुमाहान वेरा जोजे, इयाखातोर खुबवी प्रार्थना ताहा, खातोर तुमाहान खुबुज शिक्षा वेरी. ¹⁵ ओ ढोंगीपरूशी आने, शास्त्रीलोकाहा, तुमा पीडाखुब मोडी हाय, एका जाआल सोबताहा नौकर बोनावा खातोर दोऱ्याम आन तोरतीपे वादेज होदता फिरताहा आने तो जाहा सापडेहे ताहा तियाल तुमा सेवेनपट नरकशिक्षा बारी सवोनावीदे ताहा. ¹⁶ ओ आंदला पुढाऱ्या हांय तुमाहां पेखुब मोडी पीडा आवी, तुमा आखताहा केडया मंदिरानां बाकी शपथ लेदीता, तियाय ती नाय पाली तेमी चाली पेन मंदिरा होना शपथ लेदीता, तीतियाल पालांज पोडनारी. ¹⁷ ओ मूर्ख आंदलाहा होनो आने मंदिरइयामेने केलो मोडो हाय? होनो का जिया मंदिरा की होनो धोखो वेहेतो. ¹⁸ तुमा आखताहा केडया भीवेदी शपथ लेदीता, तियाय तीनाय पाली तेभीचाली पेन केडायभी वेदीपे चोढवली वस्तु तियु शपथ जेदीता, तीतियाल पालाज पोडी. ¹⁹ तुमाहा आंनदला हाय, केललो मोडो हाय? चोडवली वस्तुका, जियो वेदीकी चोडवली वस्तु चोखी वेहेती ? ²⁰ इया खातोर जो वेदी शपथलेहेतो वेदी आने तियापे जो बादो हाय, तिया बादाज शपथ लेहे. ²¹ आने जो मंदिरा शपथलेहे तो तिया मंदिरा आने तियाम रेनारा परमेश्वरा भी शपथ लेहे. ²² आन जो होरगा लेहे, तो परमेश्वरा राजगादी आने तियापे बोहनाराभी शपथ लेहे. ²³ ओ ढोंगी,परूशी आने शास्त्री लोकाहाय तुमा पीडा खुब मोडी हाय, तुमा पुदिना, जिरा, आन ओराजली इया दाहावो भाग परमेश्वराल देताहा पेन न्याय की चालदोयाकेअनु आने खेरा पोणाकी चालनु ऐ नियमशास्त्रामेने मोडयाम मोडे गोठया तुमा सोडी देताहा ऐ गोठया तुमा पालता ताहा रेपेनते मोडया गोठया तुमाहाय सोडनु नाय आथा. ²⁴ तुमाहा आंदला पुढाऱ्या हाय, तुमा पिवनु पायामने मोग्याल काडी टाकताहा, पेन उटडाल पायाआरी गिइ लेताहा. ²⁵ ओढोंगी, परूशी आने शास्त्री लोकाहा, तुमा पीडा खुब मोडी हाय, तुमा बासने चोलीन साफ केताहा, ते बासने बारेने हारे देखातेहे पेन माज मेने खराब वस्तुहुंकी पोराले हाय, तुमा भी तिया बासनाहा होच हाय. ²⁶ ओ आंदला परूशी लोकाहा, तुमा पेहलो बासने माजने चोलीन साफ केरा, ताहा उपेने भी पोखे वेरी. ²⁷ ओढोंगी, परूशी आने शास्त्री लोकाहा तुमा पीडा खुब मोडी हाय, तुमा चूनो लागवली कबरी होच हाय, ती कबर उपेनेता खुब हारी देखयेहे, पेन ती माजमेने मोला माहा आटकाहा की पोराली हाय. ²⁸ ऐहेकीज, आमा धार्मिक हाय, इ लोकाहांन तुमा उपेने देखावताहा पेन तुमाहाम ढोंग आने खोटे कामे पोराले हाय. ²⁹ ओढोंगी, परूशी आने शास्त्री लोकाहा तुमा पीडा खुब मोडी हाय, तुमा परमेश्वरा निरोप्याहा कबरा बांध ताहा आने जे लोक धार्मिक जीवन जीवी गिया तियाहा कबरा सोजवु ताहा. ³⁰ आने आखताहा आमु आगला कालाम डायाहा आरी रेताता परमेश्वरा निरोप्याहान तेहेकी नाय केरा देता. ³¹ इयाकी तुमा सोवता साक्षी देताहा का, तुमा परमेश्वरा निरोप्यान मायटा कनाराहाज पोयरा हाय. ³² तातु माजा आन तुमाहावा हाय सुरूकेले खोटे कामे सोबताहा पुरेकरा. ³³ तुमाहा हापडे आने हापडा पिलके हाय, तुमा नरका शिक्षेमने केहेंकी वाचायाहा. ? ³⁴ देखा आय तुमाही परमेश्वरा निरोप्याहान, ओकलिवालाहान, आने वचने हिकवुनाराहान मोकलुहु, तुमा तियाहामने बाक्याहान मायटा काहा, बाक्याहान कुरूस खांबापे चोडवाहा आने बाक्या हान सभायीहीम चावुकाकी मार दयाहा आने इया सेहेरामने बीहीरा सेहेराही लुगओडता फिराहा. इया खातर धर्मी माहु हाबेला हीने तावरख्या पोयरो जखऱ्याल तुमा हाय मंदिर आने वेदी बाेचमे माय टाकलो तियाही लुग जो धर्मी लोकाहान तोरती माय टाक्या तियाहा पापहा शिक्षा तुमाहापे आवी. ³⁵ आय तुमाहान खेरोज आखुहु, ऐबादया गोठया इयोपिढी लोकाहापेज आवी पोडी, ओयरूशलेम, यरूशलेम तूपरमेश्वरा निरोप्याहान माय टाकतोहो आने जियाहान तो इहीमोकल्या तियाहान डोगडाहाकी ठोकतोहो. ³⁶ जेहेंकी कुकडी तियु पिचलाहान फाकडा हामटोलवेहे तेहेंकी मायभी तोपोयराहान टोलवुनु माआखुवुज मोरजी आथी पेन तोमारे जीनाय आथी. ³⁷ “हे येरुशलेम, येरुशलेम, संदेष्ट्यांहान माय टाकनारा, देवाय तोही मोकलुल्यांहान डोगोडमार केणारा, कुकडी जेहेकी आपु पिचलाहान फाकडा थुली लेहे तेहेकी तो पोयराचावरांहान एखटे करुला मा इच्छा आथी, पेन तुमा इच्छा नाय आथी. ³⁸ वेरा, आमी तुमा पोंगे तुमा खातोर उजाड वी जाय. ³⁹ आय तुमाहाल आखुहू, प्रभु नावाम आवणारो धन्यवादीत री. ऐहकी आखे हुदू तु मान वेणारो नाय हाय.