अध्याय १
1
अब्राहामा पोयरो, दाउद पोयरो, ईसु ख्रिस्त ईया (वंशावळवी)
2
पिढी..अब्राहामाल इसहाक वेयो, इसहाकाल याकोब, याकोबाल यहुदा आने तिया पावु वेयो.
3
यहुदाल तामारेपने पेरेस, आने जेरह वेया, पेरेसाल हेस्त्रोन, हेस्त्रोनाल अराम वेयो.
4
अरामाल अम्मीनादाब, अम्मीनादाबाल नहशोन, नहशोनाल शल्मोन.
5
शल्मोनाल राहाबेहून बवाज, बवाजाल रूथापने, ओबेद, आबेदाल इशाय वेयो.
6
आने इशायाल दाऊद वेयो, उरीया को अवालीपेने (पत्नी) दाऊदाल शल्मोन वेयो.
7
शलमोनाल रहबाम, रहबामाल अबीया, अबीयाल आसा वेयो,
8
आसाल यहोशाफाट, यहोशफाटाल योराम, आने योरामाल उज्जीया,
9
उज्जीयाल योथाम, योथेमाल आहाज, आहाजाल हिज्कीया
10
हिज्कीयाल मनश्शे, मनश्शेल, आमोन, आमोनाल योशीया.
11
आने बाबेल देशाम गुलामीन गिये. तिया फासला (समय) योशीयाल यखन्या आने तिया पावु वेया.
12
बाबेल देशाम गुलामीम गिये तिया फासला यखन्याल, शल्तीएल वेयो, शल्तीएलाल जरूब्बाबेल वेयो.
13
जरूब्बाबेलाल अबीहूद, अबीहुदाल एल्याकीम, एल्याकीमाल अज्जुर वेयो.
14
अज्जुराल सादोक, सादोकाल पाखीम, पाखीमाल एलीहूद वेयो.
15
एलीहूदाल एलाजार वेयो, एलाजाराल मतान, मतानाला. याकोबाल योसेफ वेयो.
16
आन तो मरीयमु कौअवालाे आथो तियुइने ( तियुपेन) ख्रिस्त आखवाम आलालो, तो ईसु जन्माल आलालो.
17
ईयाप्रमाणे अब्राहामाने दाऊदाहुद आख्यान (बादाज) मिलन चौदा पिढया, दाऊद हयमे बाबेल देशांम गुलामीम गिया तियान लिन ख्रिस्ताहुदी चौदा पिढया.
येशू ख्रिस्ता जन्माे.
..
18
ईसु ख्रिस्ता जन्म, ऐहकी वेयो. तियायाहकी मरीया तियुओ साखरपुडो योसेफा आरी वेलो आथो. तोओ मिलयो नाहा तिया पेलाज तीयुल पवित्र आत्माकी गर्भवती हाय ऐहकी तियान देखयो.
19
मरीयमु कौअवालो योसेफ ओ तियायाहकी नीतीमान आथो. पेन समाजाम तियु बदनाम ( अपमान) नेयवेए ऐहकी तिया इच्छा (विचार) आथो. तियाहाल तियाय थांकेज (दोबीन) (गुप्तपणे) तियुआरी वेलो साखरपुडो तोडा विचार केयो. (निर्णय)
20
तोओ ईयु गोठी विचार केअतालो, ताहा तियाल होपनाम (स्वप्नाम) प्रभुह दुताय दर्शन दिईन आख्यो. "योसेफ", दाऊदा पोयरा, तु मरीयाल तोओ कौअवाली (पत्नी) मानीले, बियोहो माआ, काहालका तिल जो गर्भ (दिही) रेहलो हाय, तोओ पवित्र आत्माकी हाय.
21
"पोयराल जन्म दि, आने तु तिया नाव येशु थोव. तो आपु माहान तु तिया पापामेने तारीली" (सोडवी)
22
प्रभू वचन (संदेष्याव्दारे) जो आखलो आथो तो परीपुर्ण (पुरो) वेराजोजे, ईयाखातुर ईबादो वेयो एहकी.
23
"वेरा कुवारी दिहीरीईजाय (गर्भवती ) आने पोयराल जन्म दिई आने तियाल इन्मानुएल ई नाव थेवी", इया नावा अर्थ "आमाआरी देव."
24
ताहा तो नीदीमेने उठी, प्रभु दुताहाय आज्ञा देदली आथी, तेहकी योसेफान केयो. तियाय तील तिया फवाली (पत्नी) मानी लेंदी.
25
तेबी पोहेला संबंध नाहा राख्यो आने तियाय तीया नाव ईसु थोव्यो.